مقارنة بالصور بين بيجو 301 وستروين سي اليزيه

[م/حازم.حافظ]

السلام عليكم

مقارنة بين البيجو 301 والستروين سي اليزيه والاتنين تم طرحهم في مصر من حوالي 9 شهور وفي الفترة ديه لفتوا الانظار لهم وانتشروا بشكل جيد وخصوصا البيجو لدرجة ان حجز البيجو وصل الى 3 شهور حاليا حتى الاستلام مع وجود العربية في المعارض للاستلام الفوري بأوفر برايس
* العربيتين البيجو والستروين يتم انتاجهم في مصنع بأسبانيا بنفس الموتور ( 1600 c.c. وقوة 115 حصان) ونفس قاعدة العجلات مع بعض الاختلافات في الشكل الخارجي.

*العربيتين متوفرين في مصر 3 فئات : مانيوال بيز لاين وأوتوماتيك بيز لاين وأوتوماتيك هاي لاين


* الكماليات في البيز لاين (مانيوال وأوتوماتيك): تكييف-ايموبليزر مانع للسرقة-سنترلوك وريموت كنترول_زجاج كهرباء- ايرباج (2 في البيجو وواحد في السيتروين)-ABS+EBD-فوج لايت في السيتروين فقط-راديو وCD-كمبيوتر رحلات-جنوط مقاس 15 مع طاسات-باور ستيرنج.
× الكماليات في الهاي لاين تزيد الاتي: حنوط سبور (مقاس 16 في البيجو ومقاس 15 في الستروين)- تكييف تاتش-شاشة معلومات-حساسات ركن خلفية-مسند يد امامي-ولاعة- فوج لايت يالبيجو و2 ايرباج بالستروين- بلوتوث-مرايات كهرباء-طارة جلد-تحكم في الصوت والمكالمات من الطارة

من الداخل العربيتين متطابقتين فيما عدا شكل العدادات:
عدادات البيجو:

عدادات السيتروين:



تحياتي

[rotanamasoud]

موضوع جميل للمحتار بينهم

[م/حازم.حافظ]

[م/حازم.حافظ]

الصالون الداخلي (الصورة للبيجو)

[J A G U A R]

جميل جدا .. بس السيتروين شكلها احلى

[Dr-Daly]

السيتروين سي إليزيه شكلها من قدام بشبكتها بعلامة ستروين أشيك كتير لكن من جوة والشنطه الخلفيه مفيش فرق كبير تقريبا نفس بعض

[raedegypt]

ستروين اشيك واحلى بكثير

[ahmzd]

أما أنا فتعجبني البيجو!

[raedegypt]

اقسم بالله انا امس روحت وكاله بيجو بجده . وركبت 301 . اقسم بالله بحق عربيه عاديه جدآ وضيقه . يعنى كنت راكب اكسنت تآجير لمده شهر احلى منها من جوة ومن بره . مش فاهم عاملين هيصه على عربيه والله عاديه وعندك الاكسنت احلى منها والله يا اخونا ال عايز يشترى عربيه يروح صاله فيها كل الماركات واتفرج واركب كل العربيات وسيبك من المندوب لان معظمهم بيكون موجه لماركه معينه علشان العموله انت شوف بنفسك وقارن

[Yousef.Kamel]

اقسم بالله انا امس روحت وكاله بيجو بجده . وركبت 301 . اقسم بالله بحق عربيه عاديه جدآ وضيقه . يعنى كنت راكب اكسنت تآجير لمده شهر احلى منها من جوة ومن بره . مش فاهم عاملين هيصه على عربيه والله عاديه وعندك الاكسنت احلى منها والله يا اخونا ال عايز يشترى عربيه يروح صاله فيها كل الماركات واتفرج واركب كل العربيات وسيبك من المندوب لان معظمهم بيكون موجه لماركه معينه علشان العموله انت شوف بنفسك وقارن

بيجو مين اللي ضيقة دي و اكسنت ايه اللي احسن منها !!!!!!!!!! انت بتتكلم عن موديلات ايه ؟؟؟؟؟ هو فيه اوسع من البيجو في فئتها اصلا ........ارجو ان تتاكد من معلوماتك او تقرأ عن البيجو ومش معقول كل اللي بيقول البيجو احسن مش فاهم ........والا تكون حضرتك المندوب بقي بتاع هيونداي

[J A G U A R]

اقسم بالله انا امس روحت وكاله بيجو بجده . وركبت 301 . اقسم بالله بحق عربيه عاديه جدآ وضيقه . يعنى كنت راكب اكسنت تآجير لمده شهر احلى منها من جوة ومن بره . مش فاهم عاملين هيصه على عربيه والله عاديه وعندك الاكسنت احلى منها والله يا اخونا ال عايز يشترى عربيه يروح صاله فيها كل الماركات واتفرج واركب كل العربيات وسيبك من المندوب لان معظمهم بيكون موجه لماركه معينه علشان العموله انت شوف بنفسك وقارن

احنا بنقول عليها حلوه بالنسبه لسعرها وامكانياتها .. وهيا تعتبر احسن عربيه فى فئتها السعريه .. انما كشكل خارجى انا مش مقتنع بيها عربيه .. وضيقه فعلا .. والاكسنت اشيك من الخارج بمراحل انا معاك فى دى .. وحتى العداد بتاعها 200

[hugan]

السيتروين اشيك
لكن وكيلها زفت
البيجو سمعتها افضل

[ادهم صبرى 2014]

سترونتى الجميلة سى اليزية افضل ... وعلى فكرة انا عندى اول فئة اوتو فيها 2 ايرباج

[ahmzd]

بس البيجو مش ضيقة خالص يا جماعة!

[Yousef.Kamel]

بس البيجو مش ضيقة خالص يا جماعة!

مش عارف انا بيجو ايه اللي ضيقة دي !!!!!! حاجة غريبة اوي