ما هي افضل عربية مانيوال

[iamin911]

السلام عليكم جميعا
معايا لحد 90 الف جنيه
فهل اجيب عربية اوتوماتك ولا اجيب مانوال و اريح دماغي من مصاريف جانبية و مشاكل الاوتو
و لو مانوال ما هي افضل عربية مانوال سواء جديد او مستعمل (ولا خلاص كولوا زي بعضه)
لذا ارجو النصيحة
و شكرا جزيلا ليكوا

[ibizaman]

متااابع باهتماام

[J A G U A R]

احتياجاتك ايه ؟ وزيرو وﻻ مستعمل ؟

[iamin911]

والله انا بفكر في زيرو ولذلك بفكر اعلى بالمبلغ شوية لو زيرو اوتو
اما لو حبيت اوفر هل اجيب برضوا اوتو ولا مانوال

[lenasam]

هات اوتو افضل
ارشح لك ال نيسان صنى القديمة
ب 100 تقريبا

[iamin911]

والله سالت على النيسان شكل قديم ملقتش خلاص منها زيرو بيتباع
طب ايه رايكوا في البروتون اعلى فئة ب 110

[ebrahimsaed]

انا رأي شد حيلك شوية وفكر في بيجو 301
سيارة رائعة بكل المقايس
وربنا معاك

[J A G U A R]

والله سالت على النيسان شكل قديم ملقتش خلاص منها زيرو بيتباع
طب ايه رايكوا في البروتون اعلى فئة ب 110

البروتون كويسه .. بس عيبها قطع الغيار والبيع

[ahmed salah90]

ربنا معاك في اختيار نوع السياره علشان دي حاجه تبع اولوياتك و المبلغ اللي معاك اما عن اوتو او مانيوال ارشح الاوتو علشان راحه في القياده و سيبك من اللي عامل نفسه سواق و يقولك المانيوال و بس علشان انا كنت منهم و اشتريت نيسان صني مانيوال 2011 و بعيط لحد دلوقتي لما بقف في حته زحمه نصيحه اوتو اوتو اوتو اهم حاجه تبقى شركه محترمه علشان الاوتو الحديث بيقى فيه حبه مشاكل على حسب الشركه ثانيا لازم تهتم بزيت الفتيس كل 60 الف كيلو دي نصيحه و ربنا معاك و يكفيك شر طريقك

[Dora Moustafa]

انا زيك بالظبط وفكرت فى البروتون بس غيرت رائ وبفكر فى لوجان2014 اتوماتك اللى جابوها فى المنتدى كتير وبيشكروا فيها
انت قررت ايه

[iamin911]

انا اعرف واحد في توكيل ااطارق في الاسكندرية قالي بلاش اللوجان عشان اللوجان هتغير شكل شهر 4 و هو بموديل جديد و قالي لو مستعجل خليك في نيسان شكل جديد

[S O P H O S]

ممكن بيجو مانيوال