كيا سيفيا ولا دايو نوبيرا

[speranz]

السلام عليكم ورحمة الله وبركاته

ايه الافضل الكيا سيفيا ولا الدايو نوبيرا

ان شايف السيفيا شبابية اكتر بس قلة انتشارها غريبة شوية

مستنى ارائكم من فضلكم

[Yousef.Kamel]

نوبيرا

[start_wow]

نوبيرا قطع غيار متوفرة وسهولة في اعادة البيع وعربية قوية وواسعة في الصالون..

[J A G U A R]

نوبيرا افضل عشان انتشارها طبعا .. وعلى فكره النوبيرا بتبقى شبابى لما تتروشن وخصوصا لو اتفيمت واتجنطت

[hugan]

نوبيرا بدون مقارنه

[أسامه طياره]

لو انت شاب انصحك بالسيفيا طبعااااااااااااا :) عربيه ممتااااااازه موتور اسسسسسسسد كانت معايا وبعتها للاسف لأن والدي بيسوق معايا احيانا وحصلت ظروف كان لازم اوتوماتيك وكان كاره فيها انها واطيه .. فجبت نوبيرا بس فرق شااااااسع السيفيا موتور اقوى كتير ثبات اعلى كتير .. بس النوبيرا افضل في قطع الغيار وسوقها في البيع والشرا احلى وموديلاتها لحد 2008 السيفيا اخرها 2002 ..السيفيا بردو قطع غيارها مش غاليه ومتوفره لو شاب وناوي على عربيه اخرها 2002 انصحك بالسيفيا

[blazer]

نوبيرا طبعاااااا
كفايه ان قطع غيارها منتشره ورخيصه و الصنايعيه كتير الى بيشتغلوا فيها
وكمان ياريت تجبها مانيوال عشان مشاكل الاوتو
و كمان النوبيرا والحمد لله ثايته جدا ,, يعنى انا قبل ما اشتريها كنت كارها لانى اسمع ان الكورى ثباته وحش
انما العربيه فى كذا موقف و الحمد لله اثبتت لى انها غير اى كورى فى ثباتها

[ahmed ahmed]

سيفيا سيفيا سيفيا سيفيا وعن تجربه امتع في السواقه اعطالها تكاد تكون معدومه ثبات سرعه 140 مرتاح جدا تكييف ثلاجه والسحب عالي مع التكييف الشكل الاكثر جمالا لكن العيوب سعر قطع الغيار لكن قطع الغيار معمرة جدا اما النوبيرا ثبات اقل من السيفيا تكييف اوحش اعادة بيع سيئه

[J A G U A R]

سيفيا سيفيا سيفيا سيفيا وعن تجربه امتع في السواقه اعطالها تكاد تكون معدومه ثبات سرعه 140 مرتاح جدا تكييف ثلاجه والسحب عالي مع التكييف الشكل الاكثر جمالا لكن العيوب سعر قطع الغيار لكن قطع الغيار معمرة جدا اما النوبيرا ثبات اقل من السيفيا تكييف اوحش اعادة بيع سيئه

حضرتك النوبيرا من اثبت العربيات فى فئتها وبتجيب 140 ولا كانها ماشيه تقريبا ثباتها زى الاوبترا .. وازاى النوبيرا اعاده بيعها سيئه حضرتك اكيد تقصد السيفيا .. تقبل مرورى .

[أسامه طياره]

النوبيرا ثابته بس انا جربت الاتنين وبالفعل السيفيا ثباتها اعلى كتير العربيه دي كنت بمشي بيها 160 مش حاسس بحاجه بسبب وطوها عالارض وعرضها النوبيرا عريضه بس عاليه ويمكن ده السبب

[ahmed ahmed]

حضرتك النوبيرا من اثبت العربيات فى فئتها وبتجيب 140 ولا كانها ماشيه تقريبا ثباتها زى الاوبترا .. وازاى النوبيرا اعاده بيعها سيئه حضرتك اكيد تقصد السيفيا .. تقبل مرورى .

انا اقصد النوبيرا مش محبوبه وثبات السيفيا اعلي واحسن بجد وعن تجربه ولما جيت اعرض عربيتي للبيع كيا سيفيا جالي مليون زبون وبالسعر الحددته لكن كشكل خارجي وصالون داخلي وثبات وسرعه سحب فالسيفيا تكسب

[speranz]

انا احب اشكر كل الاعضاء الى دخلو وقالو ارائهم
بعد مرجعتى لمواصفات السيارتين
النوبيرا اعلى شوية 1425 مقابل 1415
السيفيا اعرض شوية 1711 مقابل 1700
النوبيرا اتقل 1222 مقابل 1038
فالسيفيا اسرع وثابتة عشان عريضة وواطية والنوبيرا ثابتة عشان عريضة وتيقيلة
الشكل السيفيا افضل بس النوبيرا شكلها من الخلف احسن
الانتشار لصالح النوبيرا لان النوبيرا محبوبة تجاريا فقطع الغيار اوفر وارخص
دى مراجعتى للسيارتين حبيت افيد بيها باقى الاعضاء الكرام

[speranz]

انا احب اشكر كل الاعضاء الى دخلو وقالو ارائهم
بعد مرجعتى لمواصفات السيارتين
النوبيرا اعلى شوية 1425 مقابل 1415
السيفيا اعرض شوية 1711 مقابل 1700
النوبيرا اتقل 1222 مقابل 1038
فالسيفيا اسرع وثابتة عشان عريضة وواطية والنوبيرا ثابتة عشان عريضة وتيقيلة
الشكل السيفيا افضل بس النوبيرا شكلها من الخلف احسن
الانتشار لصالح النوبيرا لان النوبيرا محبوبة تجاريا فقطع الغيار اوفر وارخص
دى مراجعتى للسيارتين حبيت افيد بيها باقى الاعضاء الكرام

المواصفات دى كانت للنوبيرا 1
اما النوبيرا 2 فمختلفة

الارتفاع 1445
العرض 1725
الوزن 1180

اعلى واعرض واتقل من السيفيا
بس اغلى من السيفيا

[S O P H O S]

الدايو
والله اعلم