فيكترا ولا ميجان ؟؟؟

[explode]

صباااااااااح الفل على الجميع ونــــــــــــــــعم للدستور :d

انا عاوز مساعدتكم يا جماعه ضرورى

عاوز اشترى عربيه وتكون اتوماتيك عشان زهقت من الزحمه مع انى بكره الاتوماتيك

وبصراحه عاوز اركب عربيه ركوبه "ولا فيرنا ولا لانوس ولا الكلام ده " مع احترامى لأصحابها بس دى اذواق

انا محتار بين اوبل فيكترا 99 اتوماتيك وبين ميجان 2005 اتوماتيك الاتنين هيبقو تقريبا فى نفس رينج السعر

ياريت اصحاب الخبره يقولولى انا بصراحه بحب الفيكترا وفى نفس الوقت شايف ان الميجان تكنولوجى اجدد

وعربيه برضو وموديل احدث لكن مش عارف مشاكلها مع الناس بتشكر فيها وبتقول ان المشاكل دى عدم

فهم بالعربيه مش اكتر

أفيدونى افادكم الله

[saddam]

صديقي المواطن
العربيتين جيدتين ولكن توافر قطع الغيار لفيكترا أكتر بشوية والميجان لازم تكون نظيفة وإلا متنفعش لكن الفيكترا حتى لو كانت تعبانة مش مشكلة سهل تتلم وتتشد وتتجمع من تاني وتكون جديدة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[dr/hamza]

فيكترا

[Maghraby1987]

الفيكترا 99 اوتو 2000 سي سي دي ميزتها عن الميجان

[J A G U A R]

العربيتين مستوى بعض والحاله اللى تحكم

[Ghost2]

ميجان لو فوق 2007 شغال انما لو فيكترا cdx 2002 يبقى في الجون لو حالتها حلوة

[ابراهيم الجندى]

فيكترا لان اعتمادية الميجان فى الارض

[Yousef.Kamel]

اﻻوبل لكن بشرط الحاله الجيده

[تامر.محمد]

صديقي المواطن
العربيتين جيدتين ولكن توافر قطع الغيار لفيكترا أكتر بشوية والميجان لازم تكون نظيفة وإلا متنفعش لكن الفيكترا حتى لو كانت تعبانة مش مشكلة سهل تتلم وتتشد وتتجمع من تاني وتكون جديدة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

+111111111111111

[alijandro]

الاتنين قطع غياره غالية بس الحالة هي اللي تحكم
عموما الميجان تكنولوجي اعلي بكتيييير بس بلاش 2005 عشان الموديل دا بالذات ناس كتير بتشتكي منه بدليل ان معظم المعروض للبيع 2005، لو لقيت 2006 ميجان حالتها حلوة يبقي طير ع التوكيل وتوكل