استطلاع : دليلى احتار بيرسونا وﻻ نيسان صنى الجديده ex

[mohamed1979]

السلام عليكم
انا يا جماعه انا محتار بين العربيتين دول بس ﻷن البدائل المتاحه مش مناسبه ليا
بس العربيتين دول فيهم حاجات مخوفانى
اوﻻ : البيرسونا اﻷعتماديه واعاده البيع وانتشارها
ثانيا : الصنى خايف من المشاكل فيها و انها تجميع مصرى و 1500
احتياجى للعربيه للسفر فقط و تكون اوتو و مقدرش ازود اكترمن رينج 115000 الف
انا فى حيره خصوصا ان فى ناس بتشكر اوى فى العربيتن و ناس بتسب و تلعن فى اﻷتنين
ارجو الأفاده و الف شكر.

[ali tmam]

السلام عليكم
انا يا جماعه انا محتار بين العربيتين دول بس ﻷن البدائل المتاحه مش مناسبه ليا
بس العربيتين دول فيهم حاجات مخوفانى
اوﻻ : البيرسونا اﻷعتماديه واعاده البيع وانتشارها
ثانيا : الصنى خايف من المشاكل فيها و انها تجميع مصرى و 1500
احتياجى للعربيه للسفر فقط و تكون اوتو و مقدرش ازود اكترمن رينج 115000 الف
انا فى حيره خصوصا ان فى ناس بتشكر اوى فى العربيتن و ناس بتسب و تلعن فى اﻷتنين
ارجو الأفاده و الف شكر.

ياريت تشوف بيجو 301 وقارنها بالسيارتين انا بكلمك عن ال301 مانيوال

[hugan]

بالرغم من كل عيوب تقفيل الصني
الاانها الافضل من بيرسونا
البيرسونا فشلت في المبيعات
عموما وكيلها سيء

[Batman372]

الصنى 2014 افضل اجمالا فى حدود ميزانيتك... و تم حل جميع المشاكل الى ظهرت ...
و لو تقدر تزود الميزانيه الى 130 شوف البيجو 301 اوتو تسليم فورى .. لان حجزها 3 شهور ..
تحياتى ...

[Eng_hatemfathy]

الصنى علا مشاكلها مقدور عليها ومراكز خدمتها المعتمدة كتير لكن البيرسونا هتلبس فى عز العرب
الصنى انتشرت طبعا اكتر من البيرسونا وبالتالى قطع غيارها بره التوكيل هتبقى اكتر انتشار
والصنى اعادة بيعها اسهل طبعا علشان نيسان
استهلاك البنزين فى الصنى افضل من البيرسونا لان موتور الجين برو عفى بس استهلاكه عالى

استخير واركب الاتنين فى اى معرض زى الاحمدى مثلا (عنده الاتنين) وقرر

[saddam]

صديقي المواطن
قولا واحدا لقد تجنيت على الصني وظلمتها ظلما بينا وعظيما والبيرسونا لا ترتقي لمنافسة صني الجديدة والقديمة مهما ظهر أو سيظهر من عيوب وهمية فيها مستقبلا والمناسب لك في مقارنتك دي هي صني
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

صنى طبعا .. بيرسونا ايه دى اللى بتتقارن معاها

[mohamed1979]

الف شكر يا رجاله
انا فعلا ميال للصنى اكتر بس خوفى منها انها تكون ضعبفه فى السحب و الثبات خصوصا انى بحب الجرى
البيرسونا فيها افضليه فى الحته دى السحب و الثبات
ربنا يكرم ان شاء الله و بوفق للصالح ان شاء الله

[Hosam_Optrawy]

مش للدرجه دى ياجماعه انتوا طلعتوا البيرسونا عجله :) والصنى ولا كأنها ماكسيما

العربيتين ممكن يظهر فيهم مشاكل تضايقك , بس البيرسونا هاتلاقى فيها موتور وثبات مش موجودين فى الصنى بكل تأكيد , وحضرتك بتقول مهتم بالجرى

إعمل إستخاره وربنا يوفقك للأصلح إن شاء الله

[eng.m7md.ali]

حضرتم طلبت عربية سفر ودي بعيدة تماماً عن الصني لضعف ثباتها ..

عربية اعتمادية واعتقد الاتنين كويسين

قطع الغيار للبيرسونا ارخص وموجودة اكتر من الصني .. فوانيس الصني مش موجودة حتى !!!

مش عارف بقي ايه اللي خلا الصني احسن من البيرسونا ده كفايا شكل الصني اللي عامل زي قرع العسل .. ومتنساش انها صيني تقفيل مصري

[eng.m7md.ali]

يااخونا والله البيرسونا اللي بتيجي كلها من ماليزيا بتتباع .. مفيش مقارنة في المبيعات لان اصلاً انتاج بروتون اصغر بكتير من نيسان

[M I D O]

في رايي تشوف البيجو 301 و لو بتقارن بين دول بس يبقي رغم مشاكل الصني هية تتفوق عشان الانتشار

[heshhesh]

باشل انا كان معايا صنى 2013 الشكل الجديد سوبر صالون وبعتها وجبت جين تو وهقلك الاسباب

عيوب الصنى

1- صاج خفيف جدا من اى خبطه بيزعل
2- ثباتها فى الضيااااع بعد متعدى سرعه 100 وخصوصا لو فيه هواء
انا ساقرت بالصنى شرم وحلفت اول مرجع لازم ابيعها بسبب موضوع الثبات ده
3- سحبها ضعيف مقارنه بالجين تو خصوصا لو بتحب تشد وتجرى مش هتساعدك خالص

وهقلك برده على حاجات حلوه فى الصنى ملقتهاش فى الجين
1- خامات الصنى احسا من الجين من جوه
2- صوت موتور الصنى اوطى بكتيير من الجين تو
3- صالون الصنى اريح من الجين واوسع والشنطه فى الصنى كبيره جدا بجد تنفع فى السفر اوى

من الاخر لو حاجه عائليه ومفيش طرق سريعه او سفر كتير يبقى صنى
حاجه شبابى وغرز وثبات ممتاز يبقى جين او برسونا الاثنين واحد اصلا

[mohamed1979]

باشل انا كان معايا صنى 2013 الشكل الجديد سوبر صالون وبعتها وجبت جين تو وهقلك الاسباب

عيوب الصنى

1- صاج خفيف جدا من اى خبطه بيزعل
2- ثباتها فى الضيااااع بعد متعدى سرعه 100 وخصوصا لو فيه هواء
انا ساقرت بالصنى شرم وحلفت اول مرجع لازم ابيعها بسبب موضوع الثبات ده
3- سحبها ضعيف مقارنه بالجين تو خصوصا لو بتحب تشد وتجرى مش هتساعدك خالص

وهقلك برده على حاجات حلوه فى الصنى ملقتهاش فى الجين
1- خامات الصنى احسا من الجين من جوه
2- صوت موتور الصنى اوطى بكتيير من الجين تو
3- صالون الصنى اريح من الجين واوسع والشنطه فى الصنى كبيره جدا بجد تنفع فى السفر اوى

من الاخر لو حاجه عائليه ومفيش طرق سريعه او سفر كتير يبقى صنى
حاجه شبابى وغرز وثبات ممتاز يبقى جين او برسونا الاثنين واحد اصلا

الف شكر يا باشا رأيك مهم جدا بالنسبالى خصوصا انك امتلكت العربيتين

في رايي تشوف البيجو 301 و لو بتقارن بين دول بس يبقي رغم مشاكل الصني هية تتفوق عشان الانتشار

ميدو باشا الميزانيه مقدرش اعدى 115000 و البيجو حتكون مانيوال و انا زهقت من المانيوال
الف شكر على رأيك

حضرتم طلبت عربية سفر ودي بعيدة تماماً عن الصني لضعف ثباتها ..

عربية اعتمادية واعتقد الاتنين كويسين

قطع الغيار للبيرسونا ارخص وموجودة اكتر من الصني .. فوانيس الصني مش موجودة حتى !!!

مش عارف بقي ايه اللي خلا الصني احسن من البيرسونا ده كفايا شكل الصني اللي عامل زي قرع العسل .. ومتنساش انها صيني تقفيل مصري

الف شكر على رأيك يا باشا
بس تصحيح بسيط الصنى هندى تقفيل مصرى

[ادهم صبرى 2014]

من غير تفكير ... الجميلة ستروين سى اليزية ... قوة ( 115حصان ) ... امان ( ايرباج + abs ) ... وسع داخلى ... تقفيل ممتاز ( فرنساوى تقفيل اسبانى ) ... قطع غيار سعرها زى اى عربية كورى موديل حديث ... وكل ده بسعر منافس جدا ... 120.000 جنية للاوتوماتيك اول فئة ... 130.000 جنية للهاى لاين ... وعن تجربة اداءها عالى جدا وثابتة جدا على الطريق وموفرة فى البنزين ....