انصحني من فضلك

[ELKHOLY22]

السلام عليكم
اريد نصائح عند الاختيار مابين فيرنا ولانوس واسبيرانزا ام 12 وانفي و جيلي ايمجراند7 وبيقولوا في بي واي دي معلش كتير بس عشمي فربنا ثم فيكو كبير......

[J A G U A R]

رغم المشاكل السخيفه اللى ظهرت فى ايمجراند7 بس هيا هاتكون افضلهم

[omaranes77]

السلام عليكم
اريد نصائح عند الاختيار مابين فيرنا ولانوس واسبيرانزا ام 12 وانفي و جيلي ايمجراند7 وبيقولوا في بي واي دي معلش كتير بس عشمي فربنا ثم فيكو كبير......

بوص يا باشا انا هاتكلم علي كل عربية من خلال معرفتي بيها ويارب افيدك
الفيرنا ... موتور قوي قطع غيار بالهبل ثبات في الضياع فرامل في الضياع
الانوس ... موتور حلو لكن مع التكييف حاجة تانية قمع غيار كتيرة ثبات جيد فرامل ضايعة بعد 100
الاسبيرانزا بصراحة مش عارف مش عايز افتي
الاسبيرانزا انفي ... عربية حلوة موتور حلو عربية حلوة تقفيل صيني احسن من مليون مصري لكن مانتشرتش اوي
الا مجيراند العربية دي كل الناس هاتديك فيها شعر
بوص انا شايفها حلوة شكل ثبات جيد جدا فرامل abs بس مش متاكد فيها عناصر امان 2 ايرباج بس مشاكل غبور مش هاتخلص والعربية محققة نسبة مبيعات عالية برغم من عيوبها
البي واي دي عربية جميلة جدامن كل حاجة ثبات فرامل موتور لانسر عفشة تيوتا (مش متاكد من العفشة) بس التوكيل زبالة كدة انا جبتلك من الاخر و اتمني اكون فد حضرتك واسف علي الاطالة

[Ahmed.Essam]

الاسبيرانزا ام 12 او ام 11 و الانفي هتكون افضل وحاول تختار ما بينهم .. اسبيرانزا شركة بقا ليها اسم في مصر وقطع غيار متوفرة واثبتت ادائها داخل المدينة وعلى الطريق وقيادتها مريحة
الجيلي امجراند قبل اي عيب ممكن تحاول تلاقيه فيها كفاية ان توكيلها غبور الغبي
اللانوس شكل قديم ومش هتحس انك راكب زيرو
الفيرنا اخر سنة هتنزل على حد علمي وتقفيل مصري ومش هتعرف تسافر بيها بقلب جامد ومالية الدنيا تاكسيات

في رأيي فكر في الاسبيرانزا احسن

[omaranes77]

عايز اضيف حاجة الانغي الفئة الهايلاين abs
2airbag حساسات ركن والسعر 83الف تقريبا نفس سعر الايمجراند بس لو هتختار مابين دول هختار الانفي

[Ahmed_m7md_A5]

أبتعد تماما عن الأنفي لأنه لا يوجد بها أمبولايزر

[ELKHOLY22]

والله العظيم انا سعيد جدا وبشكر كل واحد رد عليا وربنا يجزيكو خير بس يعني ايه ايمبوليزر بس الناس بتقولي ابعد عن الصيني وبالنسبه للفيرنا فعلا اخر سنه ليها 2014 والبديل جيلي ايمجراند بس معلش معرفتش بردوا لسه متشتت طب ايه رايكوا كمان فالافيو

[J A G U A R]

ايمبولايزر يعنى العربيه مينفعش تدور غير بمفتاحها ..
ابعد عن الافيو ابوس ايدك دى مصيبه من مصايب الزمن ..

[hugan]

ايمجراند
انفي
ام12
الفيرنا والانوس خساره فيهم المبلغ
وفي نظري يعتيبرو فئه اقل من العربيات المذكوره بالاعلي

[م.محمد خاطر]

يا جماعه عايز بس افهم ليه البريليانس مش بتدخل ف المقارنات دي عربية جميلة وتوكيلها عالي وعربية ملهاش حل وشكلها تحفة موتور ميتسوبيشي وتيوتا وعفشة جولف وفوانيس اوكتافيا عايزين ايه تاني بس فرق كام الف بس عربية قمة ف الاحترام

[omaranes77]

يا جماعه عايز بس افهم ليه البريليانس مش بتدخل ف المقارنات دي عربية جميلة وتوكيلها عالي وعربية ملهاش حل وشكلها تحفة موتور ميتسوبيشي وتيوتا وعفشة جولف وفوانيس اوكتافيا عايزين ايه تاني بس فرق كام الف بس عربية قمة ف الاحترام

اسبيرنزا انهي فئة الي فوانيس اوكتافيا

[ahmedz310]

متااااااااابع وياريت تدخل الـ البريليانس frv cross ضمن الاختيارات

[lenasam]

افيو او لوجان اوتو
انا شخصيا افضل ال لوجان و انصح حضرتك بيها

اما لو تزود شوية تدخل فى نيسان صنى و تشترى راحة بالك
الصنى القديمة اوتو ب 100 تقريبا
و تبقى راكب يابانى
و اهم حاجة الاستخارة لانى الحاجات دى نصيب

[omaratef]

السلام عليكم، ياجماعة من فضلكم افيدونى محتار بين الأوبل أسترا 2014 و الكيا السيراتو 2014 فرق السعر بينهم مش كبير بس بفكر فى قطع الغيار واعاده البيع لو انتو مكانى هاتجيبوا ايه؟؟؟

[omaranes77]

السلام عليكم، ياجماعة من فضلكم افيدونى محتار بين الأوبل أسترا 2014 و الكيا السيراتو 2014 فرق السعر بينهم مش كبير بس بفكر فى قطع الغيار واعاده البيع لو انتو مكانى هاتجيبوا ايه؟؟؟

اعمل موضوع و هاتلاقي الناس بتفيدك