تيدا ولا ميجان ؟ Tida vs Migan

[Casio2000]

السلام عليكم

تقريبا رسيت على واحدة من الاتنين دول

تيدا هاتش باك اعلى قئه او ميجان اللي ب 126000

مش فارقة معايا هاتش ولا سيدان - المبلغ هو اللي حاكمني و سعر قطع الغيار عنصر مهم جدا

عملت بحث في المنتدى مالقيتش مقارنة واضحه حاسمة

ما رأبكم دام فضلكم ؟

[fahd_628]

بصراحة انا رأى ميجان

[حماده المصري]

ميجان ولو الهاتش سعرها ب 126 يبقى اصلي

[Rsarabia]

ميجان طبعا احسن

[Sharky]

ميجان طبعا أحسن
بس خلى بالك إن الشكل الجديد نازل فى أخر صيف 2009

[CBR]

تيدا احسن

اظن شكلها لسى مش حيتغير قريب

وكمان سعر اعادة البيع كويس ومفيهاش تعقيدات المجيان وقطع غيار معقوله عن

الميجان

وماخاب من استخار

سلام

[Sharky]

تيدا احسن

اظن شكلها لسى مش حيتغير قريب

وكمان سعر اعادة البيع كويس ومفيهاش تعقيدات المجيان وقطع غيار معقوله عن

الميجان

وماخاب من استخار

سلام

فعلا شكل التيدا مش حيتغير قريب لكن سعر إعادة بيعها وحش وتقيلة فى البيع و عن تجربة

[momenhamdy]

مـــــــــيــــــــــــجــــــــــــان طبعاً عربية مالهاش حل و Options كتير اوي في العربية و توكيل محترم
دا غير ان سعرها فيها بجد ...........
وربنا يوفقك الي الخير دائماً

[macman]

ايها الاستاذ الفاضل انا راي ميجان (ماعني احب النيسان جدا) بس في مشكلة في الميجان انها في اعادة البيع مش كويسة و صيانتها غالية جدا وشكراا يا اخي العزيز

[Sharky]

ايها الاستاذ الفاضل انا راي ميجان (ماعني احب النيسان جدا) بس في مشكلة في الميجان انها في اعادة البيع مش كويسة و صيانتها غالية جدا وشكراا يا اخي العزيز

بالنسبة لسعر إعادة بيع الميجان فعلا هو مش حلو ولكن بالنسبة لأسعار الصيانة مش غالية و قارنتها بفئتها من الأوربى او اليابانى بالعكس هى أقل من الكورولا والسيفيك الجديدة مثلا

[momenhamdy]

بالنسبة لسعر إعادة بيع الميجان فعلا هو مش حلو ولكن بالنسبة لأسعار الصيانة مش غالية و قارنتها بفئتها من الأوربى او اليابانى بالعكس هى أقل من الكورولا والسيفيك الجديدة مثلا

يا جماعة احنا ليه بنفكر في البيع من قبل ما نشتري اساساً ثم في حاجة مهمة السوق كل يوم في حال يعني زمان كان مفيش حاجة اسمها هيونداي في اوائل التسعينات و بعدين لما ظهرت كانت في الاول اعاده البيع مش كويسه و بعد كدا بأت العملية عادية جداً
ثم الميجان بدأت في الانتشار من حوالي 3 سنوات يعني من 2005 طب ازاي عربية اوروبي و بالثمن دا افكر ابيعها بعد 3 سنوات و هي عربية اعتمادية هو يا جماعة انت فكرنها عربية ايه دي ............... دي رينو رينو يعني اسم مش بسيط في سوق اوروبا ..... و بعدين يا جماعة الي بيشتري عربية عايز يستمتع بيها مش بيفكر في بيعها بعد ساعة من شرائها و علي فكرة السوق كل ساعة في حال و انا شايف ان الميجان عربية منتشرة و محترمة و ثمنها فيها جداً جداً
و اسف للاطالة
و كل عام و انتم بخير

[Ahmed Selim]

والله بتفهم يا مؤمن

قليل قوى اللى بيفكروا بالطريقة دى............

أنا عن نفسى لو محكوم بفلوس معينة وقدامى عربيتين واحدة عاجبانى وفيها كل اللى أنا عاوزه وواحدة مش عاجبانى والفرق بينهم فى سعر أعادة البيع........هجيب اللى عاجبانى على طول وعلى فكرة......انا مش بقول كده عشان معايا ميجان........لأ أنا بقول كده عشان أنا بشترى عربية هتقعد معايا زمن يعنى لازم أكون مقتنع بيها مش أى عربية والسلام

[momenhamdy]

والله بتفهم يا مؤمن

قليل قوى اللى بيفكروا بالطريقة دى............

أنا عن نفسى لو محكوم بفلوس معينة وقدامى عربيتين واحدة عاجبانى وفيها كل اللى أنا عاوزه وواحدة مش عاجبانى والفرق بينهم فى سعر أعادة البيع........هجيب اللى عاجبانى على طول وعلى فكرة......انا مش بقول كده عشان معايا ميجان........لأ أنا بقول كده عشان أنا بشترى عربية هتقعد معايا زمن يعنى لازم أكون مقتنع بيها مش أى عربية والسلام

ما اكيد يا احمد هو دا الصح مش المفروض انك تفكر حتكسب فيها لما تيجي تبيع و لا لا و انت اساساً لسه مركبتهاش و لا ايه
و بعدين في حاجة غريبة اوي دايماً الناس في مصر بتدور علي العربية الكاملة بمعني ( سعر - امكانيات -سعر اعاده بيع -توكيل محترم - قطع غيار رخيصة - و الخ و الخ )
يا جماعة الكمال لله واحده
مش ممكن حيكون في عربية او اي حاجة في الدنيا كاملة في الحاجات الي ذكرتها كلها ......
الحمد لله

[Sharky]

يا جماعة احنا ليه بنفكر في البيع من قبل ما نشتري اساساً ثم في حاجة مهمة السوق كل يوم في حال يعني زمان كان مفيش حاجة اسمها هيونداي في اوائل التسعينات و بعدين لما ظهرت كانت في الاول اعاده البيع مش كويسه و بعد كدا بأت العملية عادية جداً
ثم الميجان بدأت في الانتشار من حوالي 3 سنوات يعني من 2005 طب ازاي عربية اوروبي و بالثمن دا افكر ابيعها بعد 3 سنوات و هي عربية اعتمادية هو يا جماعة انت فكرنها عربية ايه دي ............... دي رينو رينو يعني اسم مش بسيط في سوق اوروبا ..... و بعدين يا جماعة الي بيشتري عربية عايز يستمتع بيها مش بيفكر في بيعها بعد ساعة من شرائها و علي فكرة السوق كل ساعة في حال و انا شايف ان الميجان عربية منتشرة و محترمة و ثمنها فيها جداً جداً
و اسف للاطالة
و كل عام و انتم بخير

بصراحة أحييك على الرأى المحترم جدا و الكلام المنطقى

[momenhamdy]

بصراحة أحييك على الرأى المحترم جدا و الكلام المنطقى

شكراُ يا استاذ Sharky علي الاخلاق العالية و الذوق دا و الله
و علي فكرة حضرتك سبب رئيسي انك لفت نظري للعربية دي و امكانياتها و كمان السعر المنافس ليها
و كل سنة و حضرتك طيب