أوبل أسترا كوزمو أم رينو فلوانس؟؟

[mohamed.afifi]

ياجماعة الخير...
لقد أعيانى البحث فى منتديات نايل موتورز ومازلت محتار جداً بين أوبل أسترا كوزمو وفلوانس...وسعرهم متقارب
بعد ماشفت مجموعة فيديوهات للـ esp عاجبنى جداً إنه موجود فى الأسترا...بس الأسترا ضيقة جداً عند الكنبة الخلفية...الفلوانس واسعة وفيها أوبشنز بس مافيهاش esp...
هل الألمانى زى الفرنسى؟ هل الأوبل زى الرينو؟ وللا مش فارقة؟
الأسترا توكيلها كل الناس بتشتم فيه...والرينو كل الناس بتقول توكيل محترم
ياريت تفيدونى برأيكم
وجزاكم الله كل خير

ملحوظة: دى أول مشاركة ليا فى أى منتدى على الإطلاق...أنا هحط السؤال ده فى قسم المقارنات والأوبل والرينو...يمكن حد يفيدنى...مش عارف ده صح وللا غلط؟

[Mohamed.Hany]

ياجماعة الخير...
لقد أعيانى البحث فى منتديات نايل موتورز ومازلت محتار جداً بين أوبل أسترا كوزمو وفلوانس...وسعرهم متقارب
بعد ماشفت مجموعة فيديوهات للـ esp عاجبنى جداً إنه موجود فى الأسترا...بس الأسترا ضيقة جداً عند الكنبة الخلفية...الفلوانس واسعة وفيها أوبشنز بس مافيهاش esp...
هل الألمانى زى الفرنسى؟ هل الأوبل زى الرينو؟ وللا مش فارقة؟
الأسترا توكيلها كل الناس بتشتم فيه...والرينو كل الناس بتقول توكيل محترم
ياريت تفيدونى برأيكم
وجزاكم الله كل خير

ملحوظة: دى أول مشاركة ليا فى أى منتدى على الإطلاق...أنا هحط السؤال ده فى قسم المقارنات والأوبل والرينو...يمكن حد يفيدنى...مش عارف ده صح وللا غلط؟

انهي فئة في كل عربية ؟ و الاسعار بتاعتهم ؟ و رينح السعر المناسب ليك؟ و هل تقبل بدائل في نفس رينج السعر و لا الاختيار مبين الاسترا و الفلوانس فقط .

[Eng.Sameh]

الأسترا افضل شكلا وموضوعا ...

[J A G U A R]

العربيتين محترمين .. شوف ايه احتياجاتك وايه اللى يناسبك اكتر .

[mohamed.afifi]

انهي فئة في كل عربية ؟ و الاسعار بتاعتهم ؟ و رينح السعر المناسب ليك؟ و هل تقبل بدائل في نفس رينج السعر و لا الاختيار مبين الاسترا و الفلوانس فقط .

الأسترا الكوزمو أو الهاى لاين (مرايات ضم و parking sensor و ...) ودى دلوقتى السعر الرسمى 196!!!!!!!!!!!!!!!!!!!!
الفلونس الهاى لاين دلوقتى على كونتاكت بـ 195...يعنى السعر متقارب..
طبعاً بعد بحث طويل حصرت الموضوع فى الإتنين دول بناءاً على آراء الملاك والأعضاء هنا... ولأنى بصراحة مش عاوز أركب عربية نادرة وأغلب على مالاقى قطع غيارها وكده....كنت بفكر الأول فى الكورولا بس بصراحة محتاج العربية بسرعة وماعنديش إستعداد أستنى كام شهر!

[mohamed.afifi]

الأسترا افضل شكلا وموضوعا ...

ياسلام بقى لو تشرحلى ليه...هدعيلك...
بس لو ماشرحتش بردو هدعيلك
جزاك الله خيراً

[mohamed.afifi]

العربيتين محترمين .. شوف ايه احتياجاتك وايه اللى يناسبك اكتر .

أدينى بحاول والله..إدعيلى

[M I D O]

بفضل الاوبل استرا

[mohamed.afifi]

بفضل الاوبل استرا

والله ياباشا وأنا كمان...بس ممكن تقولى ليه؟
أنا بس حاسس إنى مشدود ليها أكتر...زماعنديش ثقة كافية إن الرينو فى نفس الجودة والمتانة

[eng wael]

انا مع الاسترا

[Mohamed.Hany]

الأسترا الكوزمو أو الهاى لاين (مرايات ضم و parking sensor و ...) ودى دلوقتى السعر الرسمى 196!!!!!!!!!!!!!!!!!!!!
الفلونس الهاى لاين دلوقتى على كونتاكت بـ 195...يعنى السعر متقارب..
طبعاً بعد بحث طويل حصرت الموضوع فى الإتنين دول بناءاً على آراء الملاك والأعضاء هنا... ولأنى بصراحة مش عاوز أركب عربية نادرة وأغلب على مالاقى قطع غيارها وكده....كنت بفكر الأول فى الكورولا بس بصراحة محتاج العربية بسرعة وماعنديش إستعداد أستنى كام شهر!

بما انك بتلعب في رينج 195 الي 200 الف فعندك اختيارات كتيرة زى الفوكاس و الامبريزا و الليون بس انا استبعدهم عشان حضرتك قولت الانتشار و قطع الغيار مهمين بالنسبة لك.
اللي منتشرين اكتر كوروﻻ 2014 و استرا و فلوانس و المقارنة بقي بالنسبة لاحتاجاتك مبينهم، بس حضرتك بتقول مش عاوز تستني الكوروﻻ بس لو اقتنعت بيها ممكن تجبها استلام فورى و هتبقي في رينج من 195 الي 200 الف زي محضرتك طلبت و بتدور في الرينج ده.
انا هقولك بصراحة و منتهي الامانة ان التلات عربيات ممتازين و لاغبار عليهم فشايف الفيصل حاجتين ، الارتياح النفسي ثم تقبل عيوب كل واحدة ﻷنهم ممتازين .
فكل اللي هقدر اساعدك بيه اني اقولك خلاصة العيوب بناء علي نفس البحث اللي عملتو من 3 شهور و بناء علي كلام ملاك التلات عربيات برضو.

الاسترا : توكيل سئ السمعة ، ضيق الصالون و الشنطة ، احتكار قطع الغيار في التوكيل فقط ، الطلعة الاولي ليست بالقوة المطلوبة (لو بتحب الجرى و مفيش سبورت موود) ، استهلاك البنزين عالي سنه بسيطة ، اعادة البيع في الرتبة التانية بعد الكورى و الياباني للاسف ده التفكير المصرى بس بتمسك سعر برضو مش وحش.

الكوروﻻ : الانخفاض النسبي للسيارة (انا قولت نسبي ) و التوكيل هيعدلة بطريقة لا تؤثر علي الثبات، بعض الاعضاء اشتكو من صوت في التيل (تم تغيرة لما اشتكو )، صوت الكلاكس مش عالي (سهل تعديله ب125 جنيه)، نور الفوج اضائته متوسطة (سهل تعديله ب250 جنيه ) .

الفلوانس : عدم توفر نظام الثبات الالكترونى esp ، عدم توفر نظام ال trc ، الطلعة الاولي ليست بالقوة المطلوبة (لو بتحب الجرى و مفيش سبورت موود ) ، اعادة البيع في الرتبة التانية بعد الكورى و الياباني للاسف ده التفكير المصرى بس بتمسك سعر جيد و يمكن افضل من الاسترا.

انا حاولت اجمعلك كل العيوب و حضرتك بقي تتفضل و تحدد انهي عيوب متقبلها اكتر و بالتوفيق في الاختيار و انا تحت امرك في اي سؤال علي التلات عربيات دول ﻷني كنت في نفس حيرتك من 3 شهور.

[Hany Saad]

الأسترا الكوزمو أو الهاى لاين (مرايات ضم و parking sensor و ...) ودى دلوقتى السعر الرسمى 196!!!!!!!!!!!!!!!!!!!!
الفلونس الهاى لاين دلوقتى على كونتاكت بـ 195...يعنى السعر متقارب..
طبعاً بعد بحث طويل حصرت الموضوع فى الإتنين دول بناءاً على آراء الملاك والأعضاء هنا... ولأنى بصراحة مش عاوز أركب عربية نادرة وأغلب على مالاقى قطع غيارها وكده....كنت بفكر الأول فى الكورولا بس بصراحة محتاج العربية بسرعة وماعنديش إستعداد أستنى كام شهر!

باشا..تصحيح فى موضوع السعر ....
الفلوانس الهاى لاين رسمى ب 188 ألف من التوكيل و استلام فورى لأن الشحنة لسه داخله من أسبوع و أنا لسه مستلم من أسبوع
لو حضرتك روحت موزع كبير زى سمير ريان أو محمد زكى أو المصرية هتستلم فورى و كمان على 186 ألف فقط للكاش

يعنى فيه فرق حوالى 10 ألاف جنيه فرق بينها و بين الأسترا

الكماليات الزيادة فى الفلوانس الهاى لاين و مش موجودة فى الكوزمو:
1-ٍSmart Key فتح و غلق كامل للعربية بمجرد الأقتراب بما فى ذلك فتحة السقف و الأربعة زجاج و المرايات
2- نظام Start/Stop للتشغيل
3-ستائر خلفية مدمجة عدد 3
4- مخرج تكييف خلفى/مخرج 12 فولت
5- فتحة سقف (فتح/إمالة)
6- DRL/LED أضواء نهارية قابلة للضبط
7- عدد 6 أيرباجز بدل 4 فى الكوزمو
8- زينون لايت فى العالى و الواطى مع بخاخات تنظيف و ضبط أرتفاع أتوماتيكى
9- فرش جلد كامل
10- نواكل معدن داخلية (فتيس/مقابض باب)
11- عدد 4 زجاج كهرباء One touch مع 4 مكن رفع
12- قفل خلفى كهربائى لأمان الأطفال باب/زجاج بتحكم من السائق
13- شنطة 530 لتر بدل 460 لتر فى الكوزمو
14- سعة تنك البنزين 60 لتر بدل 56 لتر فى الكوزمو
15- جيربوكس XTRONIC CVT
16- نظام صوتى 3D من 8 سماعات بدل 7 سماعات فقط فى الكوزمو
17- طول قاعدة العجلات 2700mm
18- صيانة دورية كل 10 ألاف كيلومتر و مضاعفاتها و مجانية فى ال 5 ألاف كيلومتر و مضاعفاتها
على عكس الكوزمو : صيانة دورية كل 5 ألاف كيلومتر و مضاعفاتها و لا يوجد صيانات مجانية

تزيد الكوزمو عن الفلوانس هاى لاين:
1- ESP نظام الثبات الألكترونى
2- جنوط 17 بدل 16 فى الفلوانس
3- جيربوكس 6 سرعات أوتو
3- نظام تعليق واتس لينك بدل تورشين بيم فى الفلوانس
4- مراية صالون إلكتروكروم
5- طول قاعدة العجلات 2685mm

كسواقة و تسارع و تقل فى الطلعة و حتى 50 كم/ساعة نفس الشىء تقريباً و نفس شعور باقى الأوروبى زى الفانتازيا و الفولكس و خلافه
الموتور فى الأتنين نفس القوة بالظبط من حيث العزم و عدد الأحصنة
بالتوفيق إن شاء الله....

[mohamed.afifi]

عشان أى حد يدخل هنا برضه يعرف...النهاردة سألت فى توكيل أوبل ورينو...الأسترا والفلونس الإثنين إرتفاعهم عن الأرض 17سم...والإثنين فيهم تصفيح للنصف الأمامى من الأسفل
نظام تعليق الأسترا وتس لينك و الفلونس تورشن بيم (والله مانا فاهم حاجة..بس هما شكلهم فاهمين :) )
بس الفلونس مكتوب فى البروشور بتاعها "نظام تعليق خدمة شاقة معدل للطرق غير الممهدة"
مش عارف حقيقى الكلام ده وللا كلام بيع وخلاص...
بس تعرفوا...عند منصور الراجل قاللى تدفع 100 جنيه رسوم ترخيص وهبعت معاك مندوب يخلصلك الرخصة فى نص ساعة...رينو قاللى والله إحنا قفلنا القسم ده وبطلنا نتعامل مع المرور...منك ليهم علطول

[mohamed.afifi]

باشا..تصحيح فى موضوع السعر ....
الفلوانس الهاى لاين رسمى ب 188 ألف من التوكيل و استلام فورى لأن الشحنة لسه داخله من أسبوع و أنا لسه مستلم من أسبوع
لو حضرتك روحت موزع كبير زى سمير ريان أو محمد زكى أو المصرية هتستلم فورى و كمان على 186 ألف فقط للكاش

يعنى فيه فرق حوالى 10 ألاف جنيه فرق بينها و بين الأسترا

الكماليات الزيادة فى الفلوانس الهاى لاين و مش موجودة فى الكوزمو:
1-ٍSmart Key فتح و غلق كامل للعربية بمجرد الأقتراب بما فى ذلك فتحة السقف و الأربعة زجاج و المرايات
2- نظام Start/Stop للتشغيل
3-ستائر خلفية مدمجة عدد 3
4- مخرج تكييف خلفى/مخرج 12 فولت
5- فتحة سقف (فتح/إمالة)
6- DRL/LED أضواء نهارية قابلة للضبط
7- عدد 6 أيرباجز بدل 4 فى الكوزمو
8- زينون لايت فى العالى و الواطى مع بخاخات تنظيف و ضبط أرتفاع أتوماتيكى
9- فرش جلد كامل
10- نواكل معدن داخلية (فتيس/مقابض باب)
11- عدد 4 زجاج كهرباء One touch مع 4 مكن رفع
12- قفل خلفى كهربائى لأمان الأطفال باب/زجاج بتحكم من السائق
13- شنطة 530 لتر بدل 460 لتر فى الكوزمو
14- سعة تنك البنزين 60 لتر بدل 56 لتر فى الكوزمو
15- جيربوكس XTRONIC CVT
16- نظام صوتى 3D من 8 سماعات بدل 7 سماعات فقط فى الكوزمو
17- طول قاعدة العجلات 2700mm
18- صيانة دورية كل 10 ألاف كيلومتر و مضاعفاتها و مجانية فى ال 5 ألاف كيلومتر و مضاعفاتها
على عكس الكوزمو : صيانة دورية كل 5 ألاف كيلومتر و مضاعفاتها و لا يوجد صيانات مجانية

تزيد الكوزمو عن الفلوانس هاى لاين:
1- ESP نظام الثبات الألكترونى
2- جنوط 17 بدل 16 فى الفلوانس
3- جيربوكس 6 سرعات أوتو
3- نظام تعليق واتس لينك بدل تورشين بيم فى الفلوانس
4- مراية صالون إلكتروكروم
5- طول قاعدة العجلات 2685mm

كسواقة و تسارع و تقل فى الطلعة و حتى 50 كم/ساعة نفس الشىء تقريباً و نفس شعور باقى الأوروبى زى الفانتازيا و الفولكس و خلافه
الموتور فى الأتنين نفس القوة بالظبط من حيث العزم و عدد الأحصنة
بالتوفيق إن شاء الله....

والله ياباشا أقل كلمة تتقال إن انت أستاااذ...تسلم إيدك
تعرف...توكيل رينو على سور نادى الزمالك جنب توكيل أوبل علطول...أنا هطبع الليستة دى عشر نسخ وألزقها عالحيطة بين التوكيلين
جزاك الله خيراً

[mohamed.afifi]

شباب...متشكر ليكم جداً..
بعد دراسة آرائكم المحترمة وبعد صلاة الإستخارة تم حجز الأسترا كوزمو من عند منصور (ربنا يقدرنا عليه) ويعوضنا عن الأوبشنز الجميلة اللى فى الفلونس
بصراحة الكمونى فى المهندسين كان عامل خصم 4000 بس لما رحت عنده وشفت لقيت العربيات متبهدلة آخر بهدلة ومش نظيفة لا من برة ولا من جوة!!!! مش منظر عربية حد يشتريها أصلاً...بقوله بس طبعاً هتجيبلنا واحدة بقى نضيفة وكده..قاللى والله العربيات بتجيلنا من المخزن كده بس ماتقلقش...هغسلهالك من جوه ومن بره فى البنزينة!!! بصراحة قلقت وحجزت عند منصور...
إدعولنا بقى فى الإستلام