لوجان زيرو اتوماتيك2014 افضل ولا نيو صنيex كسر زيرو

[asaeed]

السلام عليكم ورحمة الله وبركاته
دلوقتي انا معايا 95000 جم وبعد طول فحص ودراسة لقيت ان احسن سيارة في الحدود دي زيرو رينو لوجان اتوماتيك 2014 او نيسان صني الشكل الجديد:
اولاً: لوجان اتوماتيك زيرو
المزايا:روماني تقفيل مغربي - مصفحة اسفل السيارة - فتيس ستبترونيك - صالون وشنطة واسعة - 1600سي سي - كاوتش روماني مقاس 15 - 110حصان - بلوتوث - التحكم بنظام الصوت من عجلة القيادة - التحكم في ارتفاع كرسي السائق وعجلة القيادة - توكيل محترم - استهلاك البنزين 5.8 لتر لكل 100كم
العيوب:بعض قطع الغيار غالية - نتشة في الفتيس بين النقلة والاخرى وهناك البعض الآخر ينفي ذلك - شعبيتها اقل من الصني عند اعادة البيع

ثانيا: نيو صنيex كسر زيرو
المزايا:طبعا كلنا عارفين شعبية الصني في مصر - توافر قطع الغيار واي حد بيفهم فيها -صالون وشنطة كبييييرة - عوامل امان رائعة من حيث الفرامل (abs -ebd) ووسائد هوائية للسائق والراكب الامامي - بطارية جافة بس اعتقد ان اللوجان أيضاً بطاريتها جافة - عزل جيد للموتور - كمان بصراحة الشكل الجديد عجبني جدا بالرغم من اعتراض الكثيرين عليه - استهلاك البنزين 6 لتر لكل 100كم
العيوب: تقفيل سئ جداااا - كاوتشات صيني رديئة ولازم تتغير عند الشراء - السيارة هندي تقفيل مصري

وممكن تكون هناك مزايا او عيوب لم اذكرها فياريت اللي عارف معلومة اضافية ينورنا بيها...بس رجاء خاص ماحدش يقترح سيارة ثالثة لاني ماصدقت استقريت وحصرت اختياراتي في الاتنين دول

ولكل من سوف يساعد بخبرته في الاختيار جزيل الشكر مني

[medo-312]

الصنى تكسب عن تجربة

[J A G U A R]

لو الاختيار من دول يبقى صنى وش

[smsm2004w]

من وجهة نظرى الوجان افضل علشان العيوب اللى فى الصنى سواء الفرامل و الصاج وكفاية ان الوجان زيرو

[M I D O]

دايما بفضل الزيرو لاكن في رايي اللوجان عربية تكنولوجيا قديمة و شكل قديم و الصني برضو شكل وحش اوي بس هية افضل من اللوجان

[ramy_gamal]

الزيرو زيرو يا باشا....

[miceg]

صني وانت مغمض
مش معناه ان اللوجان وحشه
فهناك تشابه في حاجة واحده فقط وهي الوسع الداخلي للسيارتين
لكن اعتمادية الصني أفضل بكثير
ومشاكل التيل والفرامل الوكيل حسّن منهم بشكل كبير
اللوجان متقدرش تاخد بيها ملفات واسعه بعد ال 140
واحد صاحبي معاه لوجان ومعايا الصني القديمة وكل ماجي اخد ملف يقولي هدي
واقوله ليه ياعم الحاج يقولي عشان العربية متعومش
الثبات بين القديم والجديد بسيط جداااا
خليك فالصني وان شاء الله مش هتندم

[amirsayed]

الصنى شعبيتها اكتر-هتريحك لو حبيت تبيع افضل من اللوجان فى النقطه دى

[Amr. Adel]

الزيرو يا باشا وانت مغمض

[Ahmed A Rahman]

طب لو لو قلت لك اني مالك العربيتين واقدر اقارن لك بيهم بحق وحقيق مع كامل احترامي للي ردوا قبلي تعمل لي ايه؟؟ :) :)

[simon659]

في البدايه لو اللوجان يبقي استني لنص الشهر وشوف الجديده بصراحه عربيه رهيبه ولو هتنزل بنفس الاسعار القديمه هيبقي في اكتساح دي اول نقطه
النقطه التانيه بلاش الصني الجديده خليك في القديمه ممتازه او الاوبترا عربيات ممتاااااااااااااااااااازه

[wael_dosoky]

في البدايه لو اللوجان يبقي استني لنص الشهر وشوف الجديده بصراحه عربيه رهيبه ولو هتنزل بنفس الاسعار القديمه هيبقي في اكتساح دي اول نقطه
النقطه التانيه بلاش الصني الجديده خليك في القديمه ممتازه او الاوبترا عربيات ممتاااااااااااااااااااازه

هي اللوجان هتنزل موديل جديد الايام دي ولا ايه

[simon659]

ايوه ياباشا الشكل والتصميم اتغيرو خالص

[S O P H O S]

صني