معايا 40 الف و نفسى فى عربية هايلة .بيجو 405 اجيبها

[بيتركو]

افيدونى ولكم الشكر
40 الف يجيبو بيجو 405 ولا اية؟
مع توضيح الفرق بين الفرنساوى و الايرانى و سنوات الصنع
شكراً

تم نقلة لقسم المقارنات .

[misho2008]

افيدونى ولكم الشكر
40 الف يجيبو بيجو 405 ولا اية؟
مع توضيح الفرق بين الفرنساوى و الايرانى و سنوات الصنع
شكراً

40000 يجيبو بيجو 405ا موديل 93 او 94 على حسب الحالة
ابعد عن الايرانى هى اسمها 405 بس ملهاش دعوة بيها خالص
اهم حاجة الحالة اعتقد لحد 95 فرنساوى تقفيل
بعد كدة وجية اباظة لحد يمكن 2005
وبعديها الايرانى

[M I D O]

رايي خليك في الي بيركبة الشعب عشان تلاقي قطع غيار رخيصة و اعادة بيع حلوة و اي حد يفهم في العربية .. لانوس

[saddam]

صديقي المواطن
قولا واحدا
بيجو 405 أسوأ ما أنتجت بيجو ولو جبتها حتكره نفسك من الدبرياج بتاعها المانوال وعربية لا لون لها ولا طعم ولا رائحة مع إحترامنا لملاكها وربنا يوسع رزقهم ويخلصوا منها ويجيبوا حاجات أفضل
ورغم كرهي الشديد ﻹيران لكن البيجو اﻹيراني موديلات 2010 فما فوق عربية محترمة جدا

طبعا بعكس أختها ال 406 عربية عظيمة وكفاءة و 40 ألف تجيبلك وحده عاملة حادثة وتظبطها على إيدك وترجعها زيرو وإسمك راكب بيجو

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

اركب لانوس وريح نفسك ...

[mohamed hussei]

لانوس احسن

[kokowasfy]

405 عاوزة واحد مزاجة فى الموديل و بيقدرو كويس لكن غير كدا راحت و راحت ايمها مع انها كانت عربية عظيمة بس خلاص اللة يرحمها الى باقى فى الشوارع دى عربيات كسر و نص عربيات و مواتير تعبانة سيبك منها اركب موديل حديث لانوس مثلا زى ما السادة الاعضاء قالو