مقارنة العمالقة الاربعة الكبار

[Ghost2]

السلام عليكم
في في السوق عربيات كتير في فئة ال 100 الف جنيه .. بس خلينا نبعد عن الكيا و التويوتا و اللانسر و الهيونداي

1- اوبل فيكترا 2008 توب لاين
2- رينو ميجان 3 موديل 2010 ممكن هاي لاين
3- فورد فوكاس 2010
4- هوندا سيفيك موديل 2007

الاربع عربيات دول مفيش خلاف على الرفاهية و الامان و جودة التصنيع
السؤال بقى : لو انت بتختار هتاخد ايه و هتختار ليه ؟
يعني الاعتمادية و قطع الغيار و الثبات و الامان و خلافه من معايير شراء اي عربية

و تقبلوا فائق تحياتي

[svneleven]

شوف يا باشا كل عربية من دول فيها كتير من الحاجات اللي انت عاوزها لكن الوحيدة اللي بتجمع كل حاجة ال هوندا بلا منازع.

[speranz]

هوندا سيفيك

[Ahmed TRAVCO]

طبعا طبعا فيكترا c افضلهم في كل اللي حضرتك قلته...
وممكن برضه تبص على امبريزا او شارك، اسعارهم واقعة جدا في المستعمل وممكن تلاقي حاجة هايلاين حالتها حلوة...

[Ghost2]

طيب لو ضفنا عليهم فلوانس ... ممكن نقول هي تكسب ؟

[أبو ياسين]

ضيف عليهم باسات 2006

[Abdo Taha]

كنت هختار السيفيك لو كانت موديل اعلى شوية 2009 كده لكن بصراحة هختار الفيكترا سي و التوب لاين فيها فخامة ما بعدها فخامة فيها كماليات بالهبل عندك زينون بيتحرك مع الطارة و كراسي كهرباء فرش جلد في كل حتة حتى الابواب و شاشة جرافيك و اعتماديتها كويسة بس بشرط تكون حالة نضيفة و بحسها افضلهم شكلا و على فكرة انا مش متحيز عشان هى معايا لا خالص انا شايف ان ليها الافضلية لمتطلباتك كان ممكن احط الميجان في اعتبراتي و لكن الشكل ده مش منتشر و الخوف من قطع غياره و انتشارها برة التوكيل لكن الاوبل بقى بينزل منها انصاص استيراد و قطع غيار جديدة متوفرة برة التوكيل و عموما كل العربيات اللي اختارتها قطع غيارها غالية نسبيا و لكنها معمرة و بالتوفيق و لا تنسى الاستخارة .

[Ghost2]

طيب ما هو لو في خوف من الميجان عشان الشكل و الانتشار ممكن نقول فلوانس .. و هما الاتنين واحد بس الفرق في الانتشار

[J A G U A R]

لو الاختيار من دول يبقى فيكترا c

[Abdo Taha]

طيب ما هو لو في خوف من الميجان عشان الشكل و الانتشار ممكن نقول فلوانس .. و هما الاتنين واحد بس الفرق في الانتشار

بس الفيكترا سي افضل من الفلوانس و افخم لو انت في ايدك حاجة افضل متاخدهاش ليه ؟ لو حطيت الفلوانس جنب الفيكترا التوب لاين هتعرف انا قصدي ايه

[Ghost2]

يعني فيكترا توب ﻻين لو ماشية فوق ال 70 الف كيلو ممكن تعمل 100 الف . ﻻني مش هزود عن كده

[Ghost2]

دلوقتي انا خليت المقارنة بين الفلوانس و الاوبل الفيكترا .. و محتار جدا . انا شايف ان الفلوانس حلوة و توكيل محترم و موديل قريب يعني ممكن 2011 و الاوبل بعيدة شوية و توكيل مقرف و هتتعامل مع صنايعية بره غير رخامة الايزي ترونيك .. انما الاوبل افخم و احسن و ثبات و رفاهية و يستاهلو اني اضحي شوية و اخدها .. محتار جدا افيدوني افادكم الله

[Maghraby1987]

دلوقتي انا خليت المقارنة بين الفلوانس و الاوبل الفيكترا .. و محتار جدا . انا شايف ان الفلوانس حلوة و توكيل محترم و موديل قريب يعني ممكن 2011 و الاوبل بعيدة شوية و توكيل مقرف و هتتعامل مع صنايعية بره غير رخامة الايزي ترونيك .. انما الاوبل افخم و احسن و ثبات و رفاهية و يستاهلو اني اضحي شوية و اخدها .. محتار جدا افيدوني افادكم الله

دور في الاتنين و الحاله هي اللي تحكم في الاخر
و بالتوفيق

[S O P H O S]

لو انا بختار بصراحة هيبقي السيفيك
بس هتكون موديل 2010 حتي لو انتظرت سنة كمان
مجرد رأي ..

[Ahmed Khafagy]

توكل على الله .. الاوبل فيكترا