مقارنه بين دايهاتسو سيريون وجين 2

[windows9x]

السلام عليكم

أنا محتار ما بين انى اجيب جين 2 كامله اوتوماتيك موديل 2008 و مابين دايهاتسو سيريون كامله اوتوماتيك نفس السنه والاتنين فى نفس الرينج .. تنصحونى بايه؟

شكراً

تم نقلة لقسم المقارنات .

[moshakes]

لازم تقول لنا معلومات مهمــة عشان نرشح لك الأفضل، مثلاً السيارة شخصية وللا للأسرة؟؟؟؟ المسافة بين البيت والشغل كام كيلو؟؟ بتسافر كام مرة في الشهر؟؟؟ غاوي جري (وغرز وحركات) وللا لأ ؟؟؟ ناوي تركبها شوية وبعدين تبيع وتجيب زيرو وللا هتركبها مثلاً 5 سنين ؟؟؟؟؟ عشان سعر إعادة البيع، وأخيراً حاطط ميزانية كام؟؟ عشان ممكن أحد الأعضاء يرشح لك ركوبة تانية خالص أفضل من الجين والسيريون

[hugan]

في جميع الاحوال الجين افضل

[windows9x]

لازم تقول لنا معلومات مهمــة عشان نرشح لك الأفضل، مثلاً السيارة شخصية وللا للأسرة؟؟؟؟ المسافة بين البيت والشغل كام كيلو؟؟ بتسافر كام مرة في الشهر؟؟؟ غاوي جري (وغرز وحركات) وللا لأ ؟؟؟ ناوي تركبها شوية وبعدين تبيع وتجيب زيرو وللا هتركبها مثلاً 5 سنين ؟؟؟؟؟ عشان سعر إعادة البيع، وأخيراً حاطط ميزانية كام؟؟ عشان ممكن أحد الأعضاء يرشح لك ركوبة تانية خالص أفضل من الجين والسيريون

السياره شخصيه لاسره من ثلاث افراد وبسافر بيها مره كل شهر مسافه حوالى 200 كيلو ومش ناوى ابيعها شويه وحاطط حوالى 70 الف

[windows9x]

في جميع الاحوال الجين افضل

ليه فى جميع الاحوال، ممكن توضيح

[Ahmed.Essam]

الجين 2 منتشرة اكتر وقطع غيارها بدأت تنتشر ولها بدائل
ثابتة على الطريقة
موتور قوي
شكل رياضي وجميل

السيريون معنديش اي معلومة تخصها لكن كل اللي اقدر اقوله اني بشوفها كل فين وفين وقليلة الى حد ما واعتقد انها اقل قوة وثبات على الطريق من الجين 2

لكن بما انك حاطط ميزانية 70 الف كده قدامك اختيارات تانية
زي لانسر بومة
واكيد فيه اختيارات لكنها مش حاضرة في بالي دلوقتي

[bmya]

بص ياباشا انا معايا سيريون وسوقت الجين مع ابن خالي اولاالسيريون مايحكمش عليها غير اللي ركبها وساقها السيريون واسعه جدا اخوسع من جين انعم من جين موتورها قوي مع انه ١٣٠٠ الا انه قوي بجد ثباتها حلو الجين طبعا موتورها قوي ١٦٠٠ فاكيد اقوى من سيريون فراملها حلوه ثباتها حلو اوي السيريون تتفوق في الوسع الداخلي لكن شنطتها صغيره موتورها انعم وملهاش اعطال معمره جدااا استهلاك بنزين رائع اقطع غيارها موجوده على فكره جديد واستيراد بس في القاهره الاقاليم ملهاش حاجه الجين تتفوق في موتورها وفراملها وده طبعا عشان هي ١٦٠٠ وفراملها ديسكات وره ودي فارقه أوي وكمان منتشره اكتر من السيريون عموما شوف انت مرتاح لمين وانت عاوز ايه من العربيه

[the lawyer]

هل يختلط الزيت بالماء... جين2 طبعا

[hugan]

الجين 2 منتشرة اكتر وقطع غيارها بدأت تنتشر ولها بدائل
ثابتة على الطريقة
موتور قوي
شكل رياضي وجميل

السيريون معنديش اي معلومة تخصها لكن كل اللي اقدر اقوله اني بشوفها كل فين وفين وقليلة الى حد ما واعتقد انها اقل قوة وثبات على الطريق من الجين 2

لكن بما انك حاطط ميزانية 70 الف كده قدامك اختيارات تانية
زي لانسر بومة
واكيد فيه اختيارات لكنها مش حاضرة في بالي دلوقتي

هي دي الاسباب

[speranz]

الجين 2 عربية رياضية محبيها من الشباب لكن مش هتعجب الاسرة السيريون احسن واريح

[windows9x]

بص ياباشا انا معايا سيريون وسوقت الجين مع ابن خالي اولاالسيريون مايحكمش عليها غير اللي ركبها وساقها السيريون واسعه جدا اخوسع من جين انعم من جين موتورها قوي مع انه ١٣٠٠ الا انه قوي بجد ثباتها حلو الجين طبعا موتورها قوي ١٦٠٠ فاكيد اقوى من سيريون فراملها حلوه ثباتها حلو اوي السيريون تتفوق في الوسع الداخلي لكن شنطتها صغيره موتورها انعم وملهاش اعطال معمره جدااا استهلاك بنزين رائع اقطع غيارها موجوده على فكره جديد واستيراد بس في القاهره الاقاليم ملهاش حاجه الجين تتفوق في موتورها وفراملها وده طبعا عشان هي ١٦٠٠ وفراملها ديسكات وره ودي فارقه أوي وكمان منتشره اكتر من السيريون عموما شوف انت مرتاح لمين وانت عاوز ايه من العربيه

بصراحه انا مرتاح للسيريون، عربيه يابانى وتقفيل يابانى ومعمره ومحدش اشتكى منها وموتور 1300 موفر للبنزين وكامله وبعدين سعرها كويس وعلشان انا عايزها مستعمله فا هلاقيها كانت مع بنت او اسره لكن الجين هتلاقيها مع شاب طاحنها

[bmya]

عموما ياباشا الجين والسيريون حلوين اوي وعاوز اقولك ان انا لما كنت بشتري السيريون في ٢٠٠٨ كنت محتار بينها وبين الجين تو وكانت الجين شداني اكتر خصوصا اني كنت مجربها مع ابن خالي والسيريون مكنتش جربتها خالص ولكن ابن خالي هو اللي قالي بلاش الجين تو فتوكلت على الله وجبت السيريون والحمد مندمتش خالص وعاوز اقولك ابن خالي باع الجين بعدها وركب معايا بعدها وعجبه جدا ثباتها وقالي انا مكنتش متخيلها كده بس مازالت الجين عربيه رائعه

[windows9x]

الف شكر يا باشا

[Yousef.Kamel]

اليابانى يكسب

[S O P H O S]

هنا اميل للسيريون