ستروين اليزيه مانيوال ولا صني اوتوماتيك

[mostgood]

بعد التحيه ،،،،
ارجو نصحيتكم و خبرتكم انا اخري اقسط عربيه في حدود ١١٠٠٠٠ واستقريت علي ستروين اليزيه مانيوال او صني اوتوماتيك وكنت عاوز نصيحه اهل الخبره في الاختيار بينهم مع العلم اني لما شوفت العربيتين حسيت ان التفوق للستروين لكن لا خاب من استشار.
شكرا

[abohend]

أنا كنت في حيرتك

بعد التحيه ،،،،
ارجو نصحيتكم و خبرتكم انا اخري اقسط عربيه في حدود ١١٠٠٠٠ واستقريت علي ستروين اليزيه مانيوال او صني اوتوماتيك وكنت عاوز نصيحه اهل الخبره في الاختيار بينهم مع العلم اني لما شوفت العربيتين حسيت ان التفوق للستروين لكن لا خاب من استشار.
شكرا

كعربية السيتروين تتفوق (تقفيل-خامات-جودة-ثبات-موتور-صاج)
و بما إنك سكندري مش هتواجهك مشاكل الوكيل و الصيانة زي الأقاليم يبقى السيتروين أفضل برضه
لكن لو كل مشاويرك زحمة و المانيوال هيخنقك يبقى خليك فالصني أوتو (حاجة ترجعلك)

أنا مش متأكد هل عز العرب رجع عمل توكيل تاني فالأسكندرية و لا الضمان هيبقى مع شركة شغالة تبع التوكيل-كلم خدمة العملاء و إتأكد

و لو ملوش فالأسكندرية يبقى خليك فالبيجو 301 عشان ليها توكيل فالأسكندرية

تقبل تحياتي

[ahmedalaahosny]

صني شكل قديم ولا الجديد ؟

[mostgood]

كعربية السيتروين تتفوق (تقفيل-خامات-جودة-ثبات-موتور-صاج)
و بما إنك سكندري مش هتواجهك مشاكل الوكيل و الصيانة زي الأقاليم يبقى السيتروين أفضل برضه
لكن لو كل مشاويرك زحمة و المانيوال هيخنقك يبقى خليك فالصني أوتو (حاجة ترجعلك)

أنا مش متأكد هل عز العرب رجع عمل توكيل تاني فالأسكندرية و لا الضمان هيبقى مع شركة شغالة تبع التوكيل-كلم خدمة العملاء و إتأكد

و لو ملوش فالأسكندرية يبقى خليك فالبيجو 301 عشان ليها توكيل فالأسكندرية

تقبل تحياتي

شكرا جزيلا لك انا تفكيري قريب جدا لحدرتك بس خايف من اعاده البيع شويه .... و الستروين احلي بكتير من البيجو من وجهه نظري... شكرا مره تانيه

[mostgood]

صني شكل قديم ولا الجديد ؟

صني الجديده .. القديمه مفيهاش الايمبوليزر مانع السرقه وبالتالي مستبعده. شكرا لك

[ahmedalaahosny]

هو انا وجهة نظري ان الصني الجديده شكلها غبي اوي جايز ده اختلاف ازواق بس برده الاليزية ف الحالة دي هتبقي احسن كتير صراحة لما تشوفها ع الطبيعه هتنبهر

[abohend]

إستخارة

شكرا جزيلا لك انا تفكيري قريب جدا لحدرتك بس خايف من اعاده البيع شويه .... و الستروين احلي بكتير من البيجو من وجهه نظري... شكرا مره تانيه

فدي بقى إنت تفكيرك مختلف عني تماما
أنا عمري مشتري عربية جديدة و كمان زيرو و أفكر في إعادة البيع
أنا بشتري عشان أركب مش عشان أبيع
لكن لو ناقشنا إعادة البيع بالتفصيل
فأظن إن برضه البيجو و السيتروين هيتفوقوا في المستقبل القريب
يعني مثلا اللي حجز بيجو قبل 8-2-2014 كسب 2000 جنيه و هو في بيته
و السيتروين أعلى فئة زادت 5000 جنيه
و زيادة إنتشار العربيتين دول واضح و أظن هيركبوا السوق الأيام القادمة
فكر في إنت عايز ايه و سيبك من إعادة البيع و ربنا يوفقك للأصلح و متنساش الإستخارة

تقبل تحياتي

[raedegypt]

فى اختيارتك دة . الستروين افضل وحتى افضل من 301 بيجو كشكل برة وجوة

[speranz]

ستروين اليزيه عربية جميلة

[mostgood]

فدي بقى إنت تفكيرك مختلف عني تماما
أنا عمري مشتري عربية جديدة و كمان زيرو و أفكر في إعادة البيع
أنا بشتري عشان أركب مش عشان أبيع
لكن لو ناقشنا إعادة البيع بالتفصيل
فأظن إن برضه البيجو و السيتروين ه
يتفوقوا في المستقبل القريب
يعني مثلا اللي حجز بيجو قبل 8-2-2014 كسب 2000 جنيه و هو في بيته
و السيتروين أعلى فئة زادت 5000 جنيه
و زيادة إنتشار العربيتين دول واضح و أظن هيركبوا السوق الأيام القادمة
فكر في إنت عايز ايه و سيبك من إعادة البيع و ربنا يوفقك للأصلح و متنساش الإستخارة

تقبل تحياتي

هههههههههههههه

عندك حق فعلا .... شكرا بجد بس انا متفق معاك بردو ...

[islam.3bada]

أنا مش متأكد هل عز العرب رجع عمل توكيل تاني فالأسكندرية و لا الضمان هيبقى مع شركة شغالة تبع التوكيل-كلم خدمة العملاء و إتأكد

و لو ملوش فالأسكندرية يبقى خليك فالبيجو 301 عشان ليها توكيل فالأسكندرية

تقبل تحياتي

باشا بما ان حضرتك من اسكندرية :
عز العرب كاتب على الموقع و فى كل حته ان ليه فرع فى اسكندرية فى الكيلو 1 طريق اسكندرية - القاهرة الزراعى

هل الفرع ده هو اللى كان موجود و اتقفل و لا ده غيره و لا بعيد عن الناس فى اسكندرية ولا ايه ؟؟
لان مش بسمع حد بيجب سيرته خالص الفرع ده

[mostgood]

متابع ...

[abohend]

يكلم التوكيل

باشا بما ان حضرتك من اسكندرية :
عز العرب كاتب على الموقع و فى كل حته ان ليه فرع فى اسكندرية فى الكيلو 1 طريق اسكندرية - القاهرة الزراعى

هل الفرع ده هو اللى كان موجود و اتقفل و لا ده غيره و لا بعيد عن الناس فى اسكندرية ولا ايه ؟؟
لان مش بسمع حد بيجب سيرته خالص الفرع ده

معلوماتي إنه إتقفل و الصيانة حاليا عن طريق مركز معتمد تابع للوكيل بس مش فاكر إسمه
و في كلام إنه هيعمل مركز جديد..لكن الله أعلم
الأفضل صاحب الموضوع يكلم توكيل سيتروين و يتأكد بدل السيتروين عجباه أكتر

[saddam]

صديقي المواطن
كعربية خارج مصر قولا واحدا سبتروين سي إليزيه أفضل وأجمل وأدق صنعا وراكبها أرقى ولكن في مصر النيو صني تاكلها وتقعدها في بيتها ﻷن دي ثقافة سوق وكمان حتعاني بيعا وقطع غيارا وتوكيلا وكمان حضرتك ظالم في المقارنة في السيارات ذات المحركات الصغيرة الكفتة أي مقارنة بين أوتوماتيك ومانوال فاﻷوتوماتيك يكسب قولا واحدا لكن في المكن الضخم 3000 فما فوق وتكون العربية دفع خلفي كورونة تلاقي بعض الركيبة بفضلها مانوال عشان يستمتع بالشد لكن العربيات الصغيرة المانوال مفيهاش متعة الشد فحتاخد منها تعب الزحمة فقط
وده جوابنا عليك
لو كنت قلت بيجو 301 أوتوماتيك ونيو صني أوتوماتيك كتا قلنا بيجو 301 قولا واحدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mostgood]

معلوماتي إنه إتقفل و الصيانة حاليا عن طريق مركز معتمد تابع للوكيل بس مش فاكر إسمه
و في كلام إنه هيعمل مركز جديد..لكن الله أعلم
الأفضل صاحب الموضوع يكلم توكيل سيتروين و يتأكد بدل السيتروين عجباه أكتر

اتصلت فعلا و قالوا ده مركز معتمد لحين الإنتهاء من تجديد التوكيل