تشترو ايه يا جماعه اوبترا 2010 ولا صني 2010

[simon659]

بعد مسا الفل
يا جماعه مقبل علي الشراء فا ايهما افضل نيسان صني 2010 ولا اوبترا 2010 لو نفس الحاله اوتوماتك طبعا وكنت عاوز اعرف اخبار استهلاك البنزين ايه في الاتنين

[D.Ahmed Ismail]

في رايي الاوبترا للاسباب الاتية
تقفيل كوري جيد
صالون واسع جدا
اكصدامات قوية مقارنة بالصني
البنزين متقارب و فارق بسيط لصالح الاوبترا

الثبات متقارب و فارق بسيط لصالح الصني

[devil_storm]

اوبترا افضل

[MOTOR HEAD]

في رايي الاوبترا للاسباب الاتية
تقفيل كوري جيد
صالون واسع جدا
اكصدامات قوية مقارنة بالصني
البنزين متقارب و فارق بسيط لصالح الاوبترا

الثبات متقارب و فارق بسيط لصالح الصني

ازاى يعنى الصنى اثبت من الاوبترا

[D.Ahmed Ismail]

نعم .. ده اللي حسيتة يمكن عشان الصني اوطي
و الفارق ضئيل

[saddam]

صديقي المواطن
الهزار في موقع الجد غير محبب
والشمس لا تحجبها نظارة شمس
وكل من يرى أن اﻷخت أوبترا لديها مقومات تقف في وجه النيسان صني بشكليها الجديد والقديم فلا بد له من توسيع تجاربه ومراجعة نفسه ومعلوماته فالصني أعلى من أوبترا بفوارق كثيرة وأنا مستغرب إزاي أخويه صاحب الموضوع محتار أنا مشفتش حد في مصر حتى راكب اﻹوبترا ذات نفسه قدر يصنف عربيته على إنها أعلى من صني
وباﻵخر ده رأيك ودي فلوسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال


ملحوظة لله وللوطن كل مرة نيسان صني تفتح كبوتها وحتعوز ميكانيكي قصادها اﻷخت أوبترا حيكون إتفتح كبوتها 3 مرات ناهيك عن شكل اﻷوبترا الفاضي المربع الذي يجلب اﻹكتئاب ودعوة صادقة من القلب موجهة لربنا سبحانه وتعالى وأتمنى تكون ساعة إستجابة إن ربنا يوسع رزق ملاكها ويخلصوا منها ويجيبوا حاجات أقيم تليق بيهم وبمكانتهم عندي وداخل قلبي

[J A G U A R]

الثبات متقارب و فارق بسيط لصالح الصني

انا راكب العربيتين والاوبترا اثبت

[J A G U A R]

رأيي اوبترا افضل واقوى

[S O P H O S]

بميل للصني

[ATAHOON]

صنى بالتاكيد على الاقل مكونات يابانى

[tito32]

صنى

[miceg]

الصني دي حبيبية الشعب
عربية شكلها شيك وأنيق
مافيش مطب فمصر مهما كانت حمولتك هيقف معاك
تكييف ثلاجة وسحبها ممتاز
وعمرها ماهتخذلك ولا تفتح بوقها سواء سفر او داخل المدينة
(( ده سعره لوحدة كفايه ))
نظير ألأ وبترا مع إبن عمتي نزل مرتين من اسيوط للقاهرة والمرتين العربية عطلت
واعرف واحد كان عامل 60 الف كيلو بقاله سنتين محدش عارف يكشف عن سر فصل التكييف فالطوالي
التكييف عنده كان بيشتغل شوية واول مايعلي سرعته التكييف يفصل
الصني كل يوم بتبين مدى جودتها بدليل انها لسة موجود رغم ظهور الشكل الجديد من منتصف 2013
أستاذ صدام خبيرنا فالمنتدى قال كلمته
وهو معاه حق فكل كلمة قالها
والدور والباقي عليك إنت