يا جماعه سؤال عن سيارات اسكندريه؟

[simon659]

بعد مسا الفل
في عربيه عجباني في اسكندريه شيفورليه اوبترا وكنت ناوي اذهب وابارك فيها موديل 2011 المهم بكلم صديق ليا علشان يسافر معايا ونظر علي نظر برضو بحكم انا من الشرقيه قلي ابعد عن سيارات اسكندريه خالص علشان الرطوبه الي فيها عليا جدا ومعظم السيارات الي فيها فيها باروما او صدأ يعني او مبدأ برومه شايفين ايه يا جماعه

[simon659]

علي فكره انا طرحت السؤال هنا لاني محتاج سرعه في الرد وشكرا لاحلي منتدي لاني فعلن مسافر في خلال ساعه ومحتاج تأكيد للمعلوم وعلي فكره حاله العربيه ماشيه 25 الف كيلو لونها اسود اوتو ومطلوب 95 مبدئيا وفابريكا بالكامل ياريت ايه رأيكم في السعر

[Yousef.Kamel]

توكل على الله

[saddam]

صديقي المواطن
صدا إيه وبارومة إيه الكلام ده زمان في عربيات السبعينات والثمانينات أو عربية بقالها في إسكندرية فوق ال 12 سنة ومتبهدلة في المشي كتير غير كده متقلقش عليها كل العربيات معزولة لحد ما دلوأتي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

الكلام ده انا اول مره اسمعه وبالنسبه للسعر حاول تنزل الفين ولا تلاته

[amrelsaqqa]

على فكرة الاوبترا بالذات سهل يحصل فيها برومة في الرفارف والعتب والابواب من تحت
بس العربية دى 2011 يعنى ما لحقتش اصلا

روح بص على العربية عادي وطالما انت عامل حسابك ع النقطة دي يبقى لو في حاجة هتاخد بالك منها بس عامة 2011 عربية جديدة ، الكلام ده لو بنقول 2006 مثلا ......