كورولا ولا سبورتاج

[HANZALA]

بسم الله الرحمن الرحيم
افيدوني افادكم الله
كورولا اوتوماتيك تاني فئة ب 189 الف ولا سبورتاج اول فئة ب 208 الف وتقريبا نفس الاوبشنز وان كانت الكرولا تتفوق قليلا
انتظر نصائحكم وجزاكم الله خيرا

[محمد بدر]

عايز تمشي بعربية ومتعملش حساب شوارع ولا مطبات ولاحمولة وتجمد قلبك في السواقة يبقي سبورتاج
ولو ركبت suv مش هتعرف تركب سيدان تاني ابدا وده اعتبره وعد مني مش هتعرف تركب سيدان تاني ابدا

[mohamed fetoh]

توكل على الله ...........سبورتاج

[saddam]

صديقي المواطن
دي حاجة ودي حاجة
لكن أنا قولا واحدا مش ححيرك
السبورتاج أعلى وأقيم ومنظرك في الشارع أرقى
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

[shifoo68]

دى حاجى ودى حاجة تانية خالص الكورولا عربية ممتازة بس بتحك فى المطبات والسبورتاج عربية ممتازة برضة بس بتاعة شوارع بلدك لا يمكن حتفكر فى مطب حتى ولو مفاجىىى حتمشى وانت نايم زيها برضة ال ix 35 يمكن دى اعلى كمان من السبورتاج ,,,,ولكن الفئة الاولى فيهم ناقصة حاجات كتيرها على المبلغ المطلوب فيهم

[J A G U A R]

سبورتاج

[شادى عبدالمنعم]

انا من عشاق الsuv وبالتالى ارشحلك السبورتاج

[monamize4]

استخدامك هو اللى يحدد
ال suv بيريحك ف المطبات و الطرق المكسرة لكن قصاد كدة ثباته اقل من السيدان

شكل السبورتاج بيعجبنى اكتر

[محمد بدر]

شوفت بقى يلا
متفكرش تانى ومتشتتش نفسك
جميع المداخلات اتفقت على رأى واحد
وصدقنى مش هتندم

[S O P H O S]

مع احترامي للكورولا جدا
ولكن حقا الكيا فالمقارنة دي تتفوق
مجرد رأي ..

[HANZALA]

مع احترامي لكل الاراء الواردة ولكن انا لاحظت ان الكلام على ارتفاع السيارة فقط واهملوا كل العوامل الاخرى التتي تتميز بها الكورلا مثل الفتيس ال cvt والتوازن الالكتروني والركن الذاتي واستهلاك الوقود واعادة البيع والثبات ونعومة العفشة وايضا تم تعديل الارتفاع ليصبح 14.5 في اقل نقطة فهل اهمل كل هذا وادفع 20 الف زيادة من اجل الارتفاع وانا معايا فيرنا وبتحك في المطبات بس لم يتلف شىء فيها بسبب الحك .

[ashrafwolf]

الكورولا عامله زي شيك البنك في جيبك

[محمد بدر]

مع احترامي لكل الاراء الواردة ولكن انا لاحظت ان الكلام على ارتفاع السيارة فقط واهملوا كل العوامل الاخرى التتي تتميز بها الكورلا مثل الفتيس ال cvt والتوازن الالكتروني والركن الذاتي واستهلاك الوقود واعادة البيع والثبات ونعومة العفشة وايضا تم تعديل الارتفاع ليصبح 14.5 في اقل نقطة فهل اهمل كل هذا وادفع 20 الف زيادة من اجل الارتفاع وانا معايا فيرنا وبتحك في المطبات بس لم يتلف شىء فيها بسبب الحك .

على فكرة الفتيس cvt مش ميزة
والتوازن الألكترونى موجود فى السبورتاج
وايضا إستهلاك الوقود والثبات وسنسور بارك +كاميرا وحاجات تانية كثير
وطبعا سعر إعادة البيع حدث ولا حرج

[drcobra]

دى نقرة ودى نقرة تانية خالص
السبورتاج الية ليها ركوبيتها
اما الكورولا ركوبة مختلفة
ربنا يستر واليابان وخصوصا تويوتا متعملش زى الصين

[ALnadi]

سبورتاج