مازدا 3 2014 ولا تويوتا يارس 2014

[mohamed raslan]

انا قدامى العربيتين ومحتار قوى بس انا ميال اكتر للمازدا......... وياريت لو حد ركب الاتنين يقولى ايه نظامهم فى المطبات العاليه

[speranz]

لسا كنت شايف مقارنة كورولا ب يارس بردو مع انها اصغر من الكورولا
الياريس ارتفاعها اعلى من المازدا ودا احسن للمطبات
لكن مازدا 3 عربية افضل وكل حاجة هتلاقيها فيها

[J A G U A R]

مازدا افضل طبعا مفيش وجه مقارنه

[tameraast]

المازدا فئه اعلى من اليارس يا باشا

[eng.m7md.ali]

مفيش مقارنة .. الياريس مدفعش فيها اكتر من 80 الف زي باقي العربيات اللي سعرها مهول

[simon659]

قارن المازدا بالكورولا مش باليارس بصراحه الاسعار بقيت غريبه

[saddam]

صديقي المواطن
قولا واحدا
إن العين لتدمع وأن القلب ليحزن
إيييييييييييه
إيييييييييه
إييييييييه
بقه دي آخرتك يا زمن دي آخرتك يا دنيا ييجي اليوم اللي المازدا 3 يوقع بيها الزمن وتتهان وتوصل مرحلة ببقارنوها بالعربية السوبر مهزلة ياريس عربية 2014 وموتورها أقل من 100 حصان رغم إن المازدا أهملت نفسها آخر 10 سنين بس برضو متوصلش مرحلة ياريس
ضروري الواحد يبعت مشاركتك دي لشركة مازدا عشان غالبا لما يقروها حيجيبوا ضرف الشركة ويقفلوا ويقولوا في عقل بالهم بعد كل التعب والشقا ده وفي اﻵخر مواطن مصري صالح وشريف يوصل بيه الحال يحتار بينها وبين ياريس
بصراحة مش عارف أقول إيه يا مواطن
بجد بجد بجد فيه ناس في المنتدى هنا عاشقة للعربيات زيي فأرجوكم راعوا شعورنا وإنتو بتطرحوا مواضيع بتوجهلنا طعنات في الصميم ياااه يارس بمازدا 3 والله العظيم سنة 93 مواطن إداني 2 عربية تويوتا كورولا زيرو مقابل عربية مازدا 929 برضو 93 بكياسها وساعتها رفضت
دلوأتي حتى حضرتك مقارنتهاش بالكورولا ده إنت قارنتها بأختها القزمة حبيبة قلبي تويوتا ياريس رغم شكلها الجديد الجميل لكن ربنا يسامحنا عالجرايم اللي بترتكبها في حق نفسنا
مش عارف أقفل الموضوع ده معقول
ياريس تتقارن بمازدا 3
واحسرتاه
واحزناه
وادمعتاه

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mohamed raslan]

الف شكر على ردود حضراتكم الجميله والمفيده بس انا مكنش قصدى والله اهين المزدا انا عارف انها افضل بكتير بس انا محتار اختار قوة وثبات واوبشن بس سعر اعاده بيع تعبان وقطع غيار نااااااار ولا اعتماديه وسعر اعاده بيع وقطع غيار بس الباقى انتو عارفينووووووووو
وانا بقارن بين فيئتين فى نفس السعر ( يارس ومازدا ) لكن الكورولا سعرها اغلى بكتيرررررررر
وشكرا مرة اخرى وانا فعلا زى ما قلت فى اول الموضوع انا ميال للمازدا

[Ahmed TRAVCO]

أساسا المازدا3 كانت طول عمرها افضل من الكورولا في القوة والثبات والتعليق والشكل والأوبشنز الخ الخ... فما بالك بمقارنتها بالياريس؟؟؟!!! لأ طبعا لا يجوز، ومش علشان الأسعار بقت استهبال واستعباط نقوم نفتكر ان الياريس أو الريو يقفوا قدام حاجة زي مازدا3... ده حتى ميصحش!!!

[amgomaa]

المقارنة دى لا تجوز ومين قال ان سعر اعادة بيع الياريس هيبقى احسن العربيه انا متوقع لها الفشل الزريع وبالتالى اعادة البيع هتبقى فى الضياع و اكيد التوكيل هيظطر يجيب 1500

Sent from my GT-S5282 using Forum Runner

[lenasam]

مازدا 3 بدون مقارنة

[ahmzd]

إذا كانت سياسة التسعير عند تويوتا قد أصابها العته والبله في الياريس، فهذا لا يعني على الإطلاق محاولتها - وأتكلم عن مجرد المحاولة - أن تتم مقارنتها بالمازدا 3!!
الياريس سيارة من القرن الماضي بدون مبالغة، أتذكر جيدا عندما كانت لانسر وكورولا أواخر التسعينات تفخران بأن محركيهما ذي ال 1300 سي سي يخرج كل منهما بضعة وثمانين أو بضعا وتسعين حصانا!!
أما الآن فنحن في عصر يستخرج لنا فيه محرك السيات ليون صاحب ال 1200 سي سي عددا من الأحصنة مقداره 105 وعزما قدره 175!!
سياسة تويوتا إذا استمرت هكذا فسيأفل نجمها وتنتهي أيامها سريعا جدا وقريبا جدا بإذن الله.. والله أعلم.

[devil_storm]

هاهاهاها عنوان الموضوع يضحك يارس و مازدا!!! المفروض يتعملك ايقاف اسبوع .. اسبوع ايه المفروض ايقاف طول العمر!!! فين الاداره ...
:)

[mohamed raslan]

شكرا يا شباب .... وانا اسف انى قارنت المازدا باليارس ولو كنت عارف ان الموضوع ده هيزعل حضراتكم .... مكنتش فكرت اعمل الموضوع ده من الاساس .... وبلاش الايقاف ابوووووس ايدك يا استاذ devil_storm انا لسا فى بدايه الطريق

[janjon1978]

اليارس تتفوق فقط انها اعلى .. غير طدة المازدا احسن بكتير . والاعتمادية الاتنين زى بعض ان ماكنش المازدا احسن علشان يبانى مش تيلاندى