316i 2011 ولا تويوتا 2014 ولا سبورتاج 2014

[هشام السمالوطى]

السلام عليكم....قدامى عربيه مستعمله bmw 316 2011 عامله 48 الف كيلو ومحتار اجيبها ولا اجيب تويوتا كرولا الفئه التانيه والاختيار الثالث سبورتاج او ix35 لانهم عربيه واحده تقريبا فرق الشكل الخارجى وشويه اوبشنز وكله بالتقسيط.....مشوارى الرئيسى فى شوارع نضيفه من الشغل للبيت....الbm المانى 100% برستيج بس مش فظيع مش زى ما تجيبها زيرو بس مصاريف كتيره ولازم تامين طول ما انت راكبها وحتبيعها حتتعور جامد
الكرولا بنت حلال موفره وتوكيلها ممتاز بيعملك كل حاجه عن تجربتى مع ياريس وسعر اعاده بيع كويس وشكل جديد وعربيه ملهاش مشاكل خاصه بعد ما علوها
السبورتاج فخمه وشيك هيه والix35 والفئه الاولى من السبورتاج حطوا فيها مثبت سرعه وحساسات بس سلوفاكى التقفيل
ميال لتفكير العقل مع الكرولا وعينى فى الbm وبرضه عايز عربيه عاليه مع العلم اخر عربيه كانت معايا كانت جيتا وبعتها بخساره كبيره افيدونا افادكم الله

[amgomaa]

sportage 2014

[miceg]

هو الموضوع بيتوقف عليك انت لو ميال للسيدان ولا الكروس أوفر
لو سيدان يبقا كورولا
لو كروس أوفر يبقا سبورتاج

[هشام السمالوطى]

الواحد طول عمره بيركب سيدان حتبقى اول مره اركب الكروس اوفر مش عارف حانبسط ولا لا وبفكر ازاى ادفع الفلوس دى فى كيا ونفس الفلوس ممكن تجيبلى المانى ويابانى

[miceg]

اختلف معك تمامااااااااا
السبورتاج الوحيدة اللي بحترمها من ضمن الكيا عمومااااااا
ومنافسة قوية جداااااا للعربيات الكروس أوفر اللي فنفس الفئة السعرية
منافسة للقاشقاي والجوك والهيونداي ال 35 ix

[محمد بدر]

طبعا انا كالمعتاد لازم انصحك بالسبورتاج ومش هتندم
هتقولي ليه اولا العربية بسم الله ما شاء الله شكلها محدش اختلف عليه من الداخل والخارج
ثانيا ارتفاع العربية يخليك تمشي بيها في أي مكان وده في حد زاته فعلا متعة ومش بيأثر علي الثبات كمان
ثالثا وأهم حاجة السبورتاج من السيارة القليلة جدا لم تظهر بها المشاكل إللي كلنا بنسمع عنها في السيارات التانيه بإختلاف المنشئ ومش هتطرق للموضوع ده بس لازم نقول الله أكبر

[hossam_elwani]

جرب واركب واحكم بنفسك واشترى الى تستريح ليه

[Ahmed TRAVCO]

الموضوع يتوقف على سؤال بسيط:
هل عندك مشكلة مع المستعمل؟ لو قلقان يبقى تنسى البي إم تماما وتشوف غيرها... وفي الحالة دي انا ارشح كورولا لأنها السنة دي نازلة بشكل وامكانيات تحفة مقارنة بأي كورولا قبلها + اني مش من محبي الكروس أوي يعني...
لو عكس ده كله ومعندكش مشكلة في المستعمل يبقى طبعا طبعا طبعا بي إم لا تقارن بأي حاجة من اللي قلتهم، كفاية تقفيلها وفراملها وعزلها وأكيد دفعها الخلفي وثباتها وووو... وكده كده هي مستعملة فأكيد سعرها مش هيقع للدرجة لو نويت في المستقبل تبيع ان شاء الله...

[J A G U A R]

بى ام لو هاتقدر على مصاريفها وميفرقش معاك خساره فى اعاده بيع غير كده رأيي يبقى سبورتاج

[MOTOR HEAD]

انا من راى التويوتا انسب اختيار ليك :)

[devil_storm]

انصحك بسبورتاج او ix35
احساس تاني انك تاكل اي مطب او بلاعه في شوارعنا الزباله

[S O P H O S]

رأي الكيا الاختيار الاول بعد الكورولا لو عاوز سيدان

[ALnadi]

سبورتاج