كوري-ياباني-الماني ,,,محتاار رجاء الافادة

[D.Ahmed Ismail]

معايا فيرنا 2008
المبلغ في حدود 80 و لو حاجة تستاهل ممكن يوصل ل 95
الخيارات
فكترا 2007 مانيوال
الانترا 2008-2010 اوتوماتك
لانسر 1600 2009 اوتوماتيك
طبعا انا ممكن ازود و اجيب لانسر موديل اعلي او الانترا بس انا حابب الاوبل فخليت المقارنة قريبة في السعر حوالي 80

ملاحظات
ولا يفرق معايا مانيوال من اوتو (اكيد الاوتو اريح ) بس اخاف من الايزي ترونك بتاع الاوبل
سكتي مش حلوة قوي ( مش سفر )
هابيع العربية بهد 2-3 سنوات ان شاء الله
لا يوجد ادني استعداد للصرف علي العربية ( حاجات اساسية يعني )
خايف من قطع غيار الاوبل
انا من الاسكندرية فاية اخبار قطع غيار الاوبل في اسكندرية

المجمل اللي هاتلاحظوه
انا عاجباني الاوبل بس خايف منها جدا جدا
اسف علي الاطالة
وشكرا مقدما

[شادى عبدالمنعم]

اعتقد افخمهم الاوبل بس فعﻻ قطع غيارها مشكله ..يليها اللانسر عربيه مريحه قطع غيار سهله متوفره وبرضه ثباتها معقول .. واخيرا الالنترا وتحديدا الموديل ده خفيف على الطريق

[Hunting_Eagle]

انا رأيي بما انك مش عايز تصرف حاجة يبقى اكيد لانسر

و هتسد معاك ان شاء الله في معظم الظروف

و لما تيجي تبيعها هتبيعها اغلى ما اشترتها

تحياتي

:)

[D.Ahmed Ismail]

اعتقد افخمهم الاوبل بس فعﻻ قطع غيارها مشكله ..يليها اللانسر عربيه مريحه قطع غيار سهله متوفره وبرضه ثباتها معقول .. واخيرا الالنترا وتحديدا الموديل ده خفيف على الطريق

شكرا لردك

[Ahmed.Essam]

بما انك عاوز تبيع العربية كمان سنتين تلاتة ان شاء الله وعاوز قطع غيار متوفرة وبيع سهل يبقى تستبعد الاوبل
وهيفضلك في الاختيارات لانسر والانترا خصوصا انك مش عاوز تصرف على العربية فالاريحلك فيهم توكل على الله واشتريها لكن انا شايف اللانسر هتبقى عملية اكتر جوا وبرة البلد وبيعها سهل ومطلوبة

[D.Ahmed Ismail]

شكرا لردك

[D.Ahmed Ismail]

اين الاوبلاوية ؟؟؟؟؟

[Sherif Mandoor]

لانسر

[hugan]

لانسر او النترا
بس من كلامك انت ميال للاوبل ومستني التشجيع

[D.Ahmed Ismail]

لانسر او النترا
بس من كلامك انت ميال للاوبل ومستني التشجيع

جدا جدا
بس مش مستعد اني اغامر لو لم اجد منكم ذلك

[Abdo Taha]

بص لو هتركب الفيكترا بعد الفيرنا هتحس بفرق السما من الارض عربية افضل من كل اللي انت حطيته خاااالص قطع غيارها غالية الى حد ما لأنها فئة مختلفة و اعلى من كل السيارات المذكورة بس هتاخد في المقابل ركوبة مختلفة تماما قطع غيار بتعيش جامد لو اصلي و دلوقتي بقى في استيراد و ماركات ارخص من اللي في التوكيل بس كده كده ادام دخلت في الالماني يبقى قطع غيار اغلى من الكوري و الياباني على طول بس ميزة موديل 2007 انه يعتبر مفهوش مشاكل خالص بس انت لو مش مستعد تصرف يبقى دور على حالة نضيفة جدا و معمولها صيانة لكله و كيلو متر قليل و تكشف عليها كويس جدا اما لو عايز تريح دماغك بقى خاالص خليك في اللانسر اعتمادية الى حد كبير بالذات موديلات 2007 الى 2009بس ياريت تبقى 1600 خليجي بس الاوبل دي ركوبه و برستيج غيرها تماماً و ده تقرير انا عامله ليها قريب بكل المميزات و العيوب و بمنتهى الحيادية :

http://www.nilemotors.net/Nile/404022-6.html

[J A G U A R]

النترا خليجى

[svneleven]

المهم أنت عاوز ايه. ال أوبل قطع غيارها هي مشكلتها الوحيدة لكن طبعا فيه مقابل الأداء و البريستيج و أنها عربية مش لأي حد راكبها. أظن هي بتغير موبينة حقن كل سنتين مثلا و ده العيب الي منتشر فيها.

[drcobra]

لانسر وش
واتفق مع عم عبدالصمد البواب على صيانتها وقطع الغيار
للاسف اللانسر انجح عربية فى مصر
علشان كدة لسة بتتباع
واللى مش غاوى تعب يجيب لانسر

[D.Ahmed Ismail]

بص لو هتركب الفيكترا بعد الفيرنا هتحس بفرق السما من الارض عربية افضل من كل اللي انت حطيته خاااالص قطع غيارها غالية الى حد ما لأنها فئة مختلفة و اعلى من كل السيارات المذكورة بس هتاخد في المقابل ركوبة مختلفة تماما قطع غيار بتعيش جامد لو اصلي و دلوقتي بقى في استيراد و ماركات ارخص من اللي في التوكيل بس كده كده ادام دخلت في الالماني يبقى قطع غيار اغلى من الكوري و الياباني على طول بس ميزة موديل 2007 انه يعتبر مفهوش مشاكل خالص بس انت لو مش مستعد تصرف يبقى دور على حالة نضيفة جدا و معمولها صيانة لكله و كيلو متر قليل و تكشف عليها كويس جدا اما لو عايز تريح دماغك بقى خاالص خليك في اللانسر اعتمادية الى حد كبير بالذات موديلات 2007 الى 2009بس ياريت تبقى 1600 خليجي بس الاوبل دي ركوبه و برستيج غيرها تماماً و ده تقرير انا عامله ليها قريب بكل المميزات و العيوب و بمنتهى الحيادية :
http://www.nilemotors.net/nile/404022-6.html

ماهي المشكلة اني ركبتها مسافه كبيرة و خطفتني فعلا