ارجو المساعدة في اختيار واحده من العربيات دي ضروري

[mohammedmnmz]

عايز اشتري عربية زيرو و مش عارف اجيب انهي واحده في دول يا ريت تساعدوني يا جماعه
و لو فيه حاجه احسن في نفس الفئه السعرية يا ريت تقولولي عليها و شكرا مقدما
العربيات هي
رينو سانديرو
بروتون ساجا
كيا بيكانتو
فيرنا
هيونداي i10

[omaranes77]

حضرتك معاك كام واية المطلبات الي حضرتك عايزها

[shiko85]

حضرتك معاك كام واية المطلبات الي حضرتك عايزها

+11111111111111

[saddam]

صديقي المواطن
قولا واحدا
كلها إختيارات لا تصلح وهي مفاضلة محبطة تنحصر ما بين السيء واﻷسوأ منه
وبما إن حضرتك عضو فاضل وغالي علينه ومكانتك ومنظرك وسط الناس يهمنا فخدلك حاجة وسط غير الحاجات دي وعلى سبيل المثال مثلا جيلي إمجراند 7
وندعو الله لك بسعة الرزق عشان تركب حاجة تليق بيك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[raedegypt]

عايز اشتري عربية زيرو و مش عارف اجيب انهي واحده في دول يا ريت تساعدوني يا جماعه
و لو فيه حاجه احسن في نفس الفئه السعرية يا ريت تقولولي عليها و شكرا مقدما
العربيات هي
رينو سانديرو
بروتون ساجا
كيا بيكانتو
فيرنا
هيونداي i10

افضلهم علشان تنفع معاك فى كل حاجه ... الفيرنا
عايز حاجه صغيره اى 10 مش عارف نزل فى مصر ولا لسه الشكل الجديد احلى من البيكانتو

[mohammedmnmz]

حضرتك معاك كام واية المطلبات الي حضرتك عايزها

والله بالنسبة للفلوس فانا هقسط فمافيش مشاكل مع كل اللي انا كاتبه ده
اما اللي انا عايزه في العربيه فانها تكون كويسه و تستحمل و تعيش لاني مش ناوي اغيرها قريب نهائي
طبعا عايز فيها اوبشن كويس و عفشه كويسه و تكون عالية حبتين عشان المطبات اللي انا متعقد منها اساسا و طبعا ماتور كويس و قوي و تكون صينتها مش متعبه عشان انا دكتور و بيبأه ورايا عياده و شغل باستمرار فبكون مش فاضي يعني للهم ده و بالنسبه للشكل انا افضل الهاتش باك بس لو المواصفات اللي فاتت دي تتوفر في واحده سيدان مافيش مشاكل
و شكرا مقدما

[mohammedmnmz]

+11111111111111

قصدك السانديرو يعني ؟؟؟؟؟؟؟؟؟؟؟

[mohammedmnmz]

صديقي المواطن
قولا واحدا
كلها إختيارات لا تصلح وهي مفاضلة محبطة تنحصر ما بين السيء واﻷسوأ منه
وبما إن حضرتك عضو فاضل وغالي علينه ومكانتك ومنظرك وسط الناس يهمنا فخدلك حاجة وسط غير الحاجات دي وعلى سبيل المثال مثلا جيلي إمجراند 7
وندعو الله لك بسعة الرزق عشان تركب حاجة تليق بيك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ما اظنش ان الانواع اللي انا كاتبها وحشه قوي كده بس يا ريت حضرتك تقولي ليه الانواع دي كلها وحشه قوي كده من وجهة نظرك
اما بالنسبة للجيلي هي عجباني بس انا بخاف من اي حاجه صيني و مش ناوي احط الفلوس اللي معايا في حاجه صيني بصراحه (معلش متعقد بأه)

[mohammedmnmz]

افضلهم علشان تنفع معاك فى كل حاجه ... الفيرنا
عايز حاجه صغيره اى 10 مش عارف نزل فى مصر ولا لسه الشكل الجديد احلى من البيكانتو

بالنسبه للفيرنا انا متخوف منها قوي بصراحه لانها قريبه جدا من الارض و انت عارف المطبات الجميله اللي عندنا دا غير ان واحد زميلي معاه الفيرنا بيقولي بتعوم على ال100 او ال120 فالعيبين دول مقلقيني منها قوي
اما الi10 فهي حلوه جدا بس انا خايف من ضعف الماتور و خصوصا اني عايز عربية تعيش معايا فتره طويله لاني مش ناوي اغيرها لفتره طويله

[hugan]

كلام الاستاذ صدام سليم
وحضرتك بترد بنفسك علي سؤالك
الفيرنا انت شركتها بنفسك
واساسا الفيرنا لاترقي لجوده الصيني

[mohammedmnmz]

يعني حضرتك شايف ان الجيلي احسن برضه؟؟؟؟؟؟؟؟؟؟
طيب بالنسبه للرينو سانديرو و البروتون ساجا
ايه الوضع؟؟؟؟؟؟؟؟؟؟

[mohammedmnmz]

كلام الاستاذ صدام سليم
وحضرتك بترد بنفسك علي سؤالك
الفيرنا انت شركتها بنفسك
واساسا الفيرنا لاترقي لجوده الصيني

يعني حضرتك شايف ان الجيلي احسن برضه؟؟؟؟؟؟؟؟؟؟
طيب بالنسبة للرينو سانديرو و البروتون ساجا؟
ايه النظام؟

[السعيد عيد]

خليك في بروتون بيروسنا روعه من حيث الراحه والامان وسعرها معقول

[السعيد عيد]

الجلي صيني الرينو مغربي البروتون ماليزي

[hugan]

يعني حضرتك شايف ان الجيلي احسن برضه؟؟؟؟؟؟؟؟؟؟
طيب بالنسبة للرينو سانديرو و البروتون ساجا؟
ايه النظام؟

الساجا
اكيد هاتكون رميت فلوسك في الارض
احكم بنفسك بتشوفها في الشارع
طبعا لاء عربيه نادره الوجود
لو متعقد من الصيني
الاقرب اللوجان
هاتكون الاختيار الافضل لشروطك