باسات الفئة الأولي وأوبل إنسيجيا الفئة الأولي

[soundoffear]

إيه رأيكم أيهما أفضل؟؟ باسات الفئة الأولي أو أوبل إنسيجيا الفئة الأولي

وأهم حاجة من حيث الثبات وسعر إعادة البيع والوكيل..

وهل لازم بنزين 95 ولا ممكن 92 ؟؟
وبالنسبة للباسات أنا بأدور علي معارض مفيش غير واحد بس في شارع الجيزة ومركز الصيانة واحد بس في العبور.. هل في فروع تاني؟؟

[Abdo Taha]

الانسجنيا اعتمادية اكثر من الباسات لأن الخوف من الفتيس اللي بيكره الزحمة dsg لكن فتيس الانسجنيا عادي مش هتلاقي منه مشاكل خالص

[soundoffear]

إيه موضوع الفتيس ال dsg دا ؟؟

[ahmzd]

إيه موضوع الفتيس ال dsg دا ؟؟

حضرتك تدخل قسم الفولكس حتلاقي إجابات تفصيلية على سؤالك ده.. بس عموما وباختصار وعلى حسب معلوماتي:
أولا: في المجمل فتيس ممتاز وكفاءة في الطرق السريعة والمفتوحة، أما في الزحمة - والتي لا تخلو منها شوارعنا أبدا - فيتعرض لعطل كبير ومتكرر في كل سيارات ال dsg.
ثانيا: هذا العطل به عيبان أساسيان، يأتي فجأة، وتكلفة إصلاحه كبيرة ( عشرات الآلاف ).
ثالثا: بالنسبة لسيرات فولكس بالذات، فالتوكيل يقوم بإصلاح هذا العيب مجانا، ولكنه لا يعوّض صاحب السيارة عن تعطل مصالحه وعدم استخدامه سيارته، خلال فترة الإصلاح.
هذه معلوماتي عن الموضوع.. والله أعلم.

[Abdo Taha]

حضرتك تدخل قسم الفولكس حتلاقي إجابات تفصيلية على سؤالك ده.. بس عموما وباختصار وعلى حسب معلوماتي:
أولا: في المجمل فتيس ممتاز وكفاءة في الطرق السريعة والمفتوحة، أما في الزحمة - والتي لا تخلو منها شوارعنا أبدا - فيتعرض لعطل كبير ومتكرر في كل سيارات ال dsg.
ثانيا: هذا العطل به عيبان أساسيان، يأتي فجأة، وتكلفة إصلاحه كبيرة ( عشرات الآلاف ).
ثالثا: بالنسبة لسيرات فولكس بالذات، فالتوكيل يقوم بإصلاح هذا العيب مجانا، ولكنه لا يعوّض صاحب السيارة عن تعطل مصالحه وعدم استخدامه سيارته، خلال فترة الإصلاح.
هذه معلوماتي عن الموضوع.. والله أعلم.

كلام مظبوط جدا الفتيس ده في التسارع بتاعه خطير فعلا و لكنه عشان dry فبيسخن في الزحمة و عيبه انه بينقل عدد نقلات كتير في مسافة قصيرة فبيهلك الميكاترونك بتاعته لو عربية ضمانها تبع الوكيل هيتغير عادي بس لما يبدأ يبوظ هتبدأ تدايق من العربية نتش بقى و اصوات غريبة و تيجي تنقل ممكن مينقلش عذاب يعني فلو طريقك معظمه سفر الفتيس هيعجبك جدا اما لو زحمة كتير هتكره و تكره العربية و مش عارف بقى نظامها ايه مع ال 92 الانسجنيا مع ال92 محدش اشتكى منها و بالتوفيق في الاختيار

[soundoffear]

ألف شكر يا باشا ..

[J A G U A R]

رأيي انسيجنيا علشان مشاكل فتيس الباسات

[S O P H O S]

الاوبل

[haitham.hesham]

I will go for the opel if I were you

[Highlander]

نصيحة لوجه الله ..... اصرف نظر خالـــــــــــــــــــــــــــــــــص عن الباسات , ( أو أى عربية تنتمى لمجموعة فولكس فاجن ) طالما فيها فتيس dsg بدل ما تندم ندم السنين , انا اعرف 3 عندهم باسات و بيشتكوا مر الشكوى من الفتيس , و ممكن حضرتك تدخل قسم فولكس فاجن فى المنتدى و تشوف بنفسك الموضوعات اللى بتتكلم عن الفتيس ده , لما يبقوا يعرفوا يعملوا فتيس زى الناس نبقى نتكلم

[walidzakzok]

I will go for the opel if I were you

I was

[simon659]

قالبا وقالبا اوبل طبعا
اولا ماتور وفتيس وعفشه هي تكسب كتييييييييييييييييييييييير جدا يكفي انه يعمل ويوصي ببنزين 90 وليس 92 كمان انما الفولكس باسات علشان تاخد الحصان بالكامل 125 مقابل 170 في الاوبل لازم 95
الاوبشنز في الاوبل اكتر وبزات الشاشه
واخيرا الشكل من ورا وقدام رهييييييييييييييييبه
ثالثا السعر في صالح الاوبل
انا عاوز اؤل كلمه صغير الاوبل تقارن بالبي ام والمرسيدس اول فئات والاوبل تكسب يكفيني اني هكون بشتري عربيه بتديني متانه وكفائه وسحب واستهلاك موازي البي ام والمرسيدس وبالسعر ده مقابل الاسعار الاخري

[yasser.emad]

الحمد لله إشترينا الأوبل إنسيجنيا الفئة الأولي وهنرخصها الأحد القادم إن شاء الله..

[yasser.emad]

ألف شكر لكل اللي رد وإستفدت برأيكم..

[Abdo Taha]

الحمد لله إشترينا الأوبل إنسيجنيا الفئة الأولي وهنرخصها الأحد القادم إن شاء الله..

الف الف مبروووك و مبروك انضمامك لأسرة الاوبل و ان شاء الله تنبسط منها و بجد تستحق