مساعدة ؟ لانشيا كوردوبا ميجان سيفيك

[Seaf cezar]

السلام عليكم و رحمة الله و بركاته
اولا احب اعتذر عن انقطاعى لاسباب لا حصر لها

ثانيا انا خلصت من اكبر عقدة فى حياتى و هى البونتو و الحمد لله
ثالثا انا دخلت فى متاهة الاختيارات و هاختصر الموضوع بسرعة

امكانياتى تجيب واحدة من دول :

لانشيا ديدرا 94
كوردوبا 94
هوندا سيفيك 91 اوتوماتيك
رينو ميجان 2002


انا عايز اعرف الافضل من حبث الثبات قوة الموتور و التسارع

الراحة سواء فى عفشة و صالون و قيادة (ظهرى اتقطم و ودنى اتطرشت من عفشة العربية القديمة)

قطع الغيار فى التوافر و التكلفة لان البونتو اقسم بالله فلستنى بكل معنى الكلمة

الرفاهية (الخامات و الاوبشنز و التكييف)

اخر نقطة انا العربية اللى هجيبها ناوى اخليها فترة طويلة فمش مشكلة عندى نقطة اعادة البيع عشان كدة انا بتانى و بحرص انى اجيب حاجة تريحنى و متعبش و ازهق و اندم بسببها و تكون عيوبها قليلة و لو ليها عيوب فيكون ليها حل معروف لاكن ملفش بيها و كل صنايعى يفتى شوية

و اخيرا انا والله تعبان و متعقد من عربيتى اللى فاتت و زى ما بيقولو خدت قلم عمرى ما هنساه و معلم معايا فى العربيات بسببها فارجو بجد من كل قلبى انكم تكونو زى اخواتى و تساعدونى و تخلونى استقر على حاجة مش انا بس اللى شايفها كويسة لا انتم كمان العباقرة و الاساتذة تكونو مجمعين و متفقين على كدة
و شكرا

[Seaf cezar]

21 مشاهدة و مفيش ولا رد ؟؟؟؟؟ انتو فين يا وحوش

[speranz]

مفيش انتشار يعنى قطع غيار غالية ومش متوفرة
ولو جبت عربية قديمة هتكون اتهلكت فهتكرها اكتر من البونتو
رائى تجيب كيا سيفيا هتلاقى الثبات والوسع والراحة
او لانوس منتشرة وقطع غيارها رخيصة

[S O P H O S]

طب الميزانية ايه
ونشوف بدائل اسهل

[Seaf cezar]

35000 بالكتير

[J A G U A R]

35000 بالكتير

فيات سيينا او ممكن تزود وتجيب لانوس

[the magice]

انا عندي كوردوبا 94 العربية كويسه جدا وقطع غيارها متوفرة ورخيصه بالنسبه للالماني ومعمره طبعا والبيع لظروف مادية مش اكتر والعربية ليها اعلان في قسم البيع والشراء

[khaled_rafea]

سيفيك سيفيك سيفيك ثم سيفيك, لو وصلتهم ل 40 ممكن تجيب ال 92 ex ولو مقدرتش هات 91 si