زهقت

[حووووووده]

كرهت ام الكلمه دى ( اشترى عربيه تعرف تبيعها )
طب ليه تشترى اليزيه ولما تحب تبيع تتذل على ما تبيعها وبخساره لما ممكن تشترى لانسر او صنى ويوم ما تفكر تبيع هوا هتطير
طيب يا جماعه ما اركب عربيه استمتع بيها مش يمكن اول ما اشترى العربيه اموت اهو اكون مت وانا حققت حاجه فى نفسي
يا جماعه انا زهقت من ام دى فكره وساعات بيجيلى اعوذ بالله الافكار دى برضه

[dr/hamza]

عندك حق..وبعيد الشر عنك

[hossam_elwani]

تخيل ان اﻻلنترا عروسة السوق رغم انها بياعه لكن برضه بتخسر كتير يعنى فى رحلة بحث مع ابن عمى عن اﻻلنترا 2013 كسر زيرو اﻻسعار كانت بتتراوح من 116 الى 125 الف ﻻول فئه وماشيين فى عشر اﻻﻻف فاكثر من سعرها زيرو 151 الف ... خدعوك فقالو

[hugan]

كرهت ام الكلمه دى ( اشترى عربيه تعرف تبيعها )
طب ليه تشترى اليزيه ولما تحب تبيع تتذل على ما تبيعها وبخساره لما ممكن تشترى لانسر او صنى ويوم ما تفكر تبيع هوا هتطير
طيب يا جماعه ما اركب عربيه استمتع بيها مش يمكن اول ما اشترى العربيه اموت اهو اكون مت وانا حققت حاجه فى نفسي
يا جماعه انا زهقت من ام دى فكره وساعات بيجيلى اعوذ بالله الافكار دى برضه

علشان القرش بيجي بطلوع الروح
لاقدر الله لو مت
اولادك بقدرو يبيعوها بسرعه

[بيشوى_رمزى]

رأى شخصى
اركب اللى يعجبك اللى خلى الفيرنا و الانوس من اعلى العربيات فى نظرى فى الresale(مع احترامى لكليهما) يبقى اركب اللى يعجبنى

[حووووووده]

علشان القرش بيجي بطلوع الروح
لاقدر الله لو مت
اولادك بقدرو يبيعوها بسرعه

يعنى الاولاد يتمتعوا وانا ماليش نفس

[Hunting_Eagle]

اللي فعلا عايز يركب و يمتع نفسه يبقى لازم يدور على عربية اعادة بيعها كويس

غير كده هتبقى بتضحك على نفسك

لأنك بعد سنتين تلاتة بالكتير هتزهق و هتبقى عايز تغيرها .. فلو معرفتش تبيعها هتفضل راكبها غصب عنك

يبقى اللي حصل فعليا ساعتها انك هتبقى راكب عربية مش عجباك

[hugan]

يعنى الاولاد يتمتعوا وانا ماليش نفس

اتمتع ياباشا وعيش
ربنا يديك الصحه والعمر و تغير عربيات براحتك

[حووووووده]

اللي فعلا عايز يركب و يمتع نفسه يبقى لازم يدور على عربية اعادة بيعها كويس

غير كده هتبقى بتضحك على نفسك

لأنك بعد سنتين تلاتة بالكتير هتزهق و هتبقى عايز تغيرها .. فلو معرفتش تبيعها هتفضل راكبها غصب عنك

يبقى اللي حصل فعليا ساعتها انك هتبقى راكب عربية مش عجباك

مهو انا لو هشترى العربيه اللى عجبانى مش هغيرها الا بعد7 او 8 سنين ولو حتى اقل مش هبقى راكبها عصب عنى لانى لما اشترتها كنت مقتنع بيها جدا

[amr011111]

لو انت هتغير على المدى البعيد يبقى اشترى اى عربيه كله هيتساوى ساعتها فى اعادة البيع

[saddam]

صديقي المواطن
الموضوع أبسط من البساطة ومش بالتعقيد اللي حضرتك مزعل نفسك عشانه والمعادلة بسيطة
دخلك المادي مستريح ومعدي ال 8 آلاف شهريا وبتعشق العربيات فقولا واحدا جيب اللي نفسك فيه ولو ساعتها بصيت لمعايير السوق المصري في إعادة البيع حزعل منك ﻷن بلدنا للأسف ملهاش معايير ماشية بالكفتة وكل العربيات البياعة في مصر تعكس صورة مقيتة لمصر بين الدول فأي عربية بياعة في مصر حتلاقيها عربية إقتصادية مصنوعة من ورق معمولة للشعوب الفقيرة
ولكن مرتبك كويس حتى لو معدي 6 آلاف جنيه شهريا فإركب اللي نفسك فيه حتى لو تركب عربية وبعد 3 سنين تخسر فيها 80 ألف ماشي برضو البرستيج والمنظرة والراحة والمتاتة والتفرد وتقديرك لنفسك وتدليعك لنفسك برضو بفلوس مش ببلاش
مثلا أنا عندي 11 عربية ونص وداخل على باقي النص وعربية جديدة عشان أقفل 13 عربية معنديش منهم غير 4 عربيات بياعة والباقي كلها ملهاش سوق محدش يفهما أو لا تقدر بثمن وممكن أجيب عربية ب 8750 جنيه و أصرف عليها 85 ألف ويجيلك حد تافه ولوزعي يدفعلك فيها 30 ألف شاكب راكب فلو بصيت ﻹعادة البيع في مصر مش حتركب أي عربية محترمة بإستثناء المرسيدسات فئة إس والبي إمات الفئة السابعة والباقي كلها أشباه عربيات من كورولا وأوكتافيا وفيرنا ولانوس وكروز و أوبترا وأفيو وغيرها وغيرها وغيرها

خلاصة النصيحة
دخلك المادي جيد إركب عربية محترمة إنت مقتنع بيها وإياك تسمع كلام حد من جماعة تثبيط الهمم والعزائم
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

[ahmedz310]

صلي استخارة وتوكل علي الله
كرأي الاليزية والبيجو 301 عربيات السحب عليهم كويس الفترة دي وخصوصا ال 301 وبما انك بتفكر تبيع كمان 7 ، 8 سنين فمش بعيد يكونوا ساعتها محققين انتشار كويس وتبقي كسبت سعر اعادة البيع

[miceg]

لو خايف من مديونية مفاجئة متجبش عربية مقرفه فبيعها
لو حالتك المادية كويسة والعربية مش هتعجزك بأي حال من ألاحوال
إركب اللي نفسك فيه ومالكش دعوة بالمعايير المصرية
انا بعت الصني أغلى من وقت ماشتريتها وكنت شاريها مستعملة وكسبت كمان 5 الاف جنيه
فكن فالمقابل صرفت على العربية دي رفاهيات بس 8500 جنيه
وصيانات بس حوالي 5000 جنيه
بس لما بتيجي تحسب مبتحسبش اللي انت صرفته عالعربيه لان دي رفاهيتك وإستهلاكك
والسنة اللي انت بتسوق بيها العربية بفلوس (( هو انت بتاخد برستيج وراحة بال من قرف المواصلات وتوفير في مصاريف مواصلاتك ببلاش ! ))
كل حاجة ليها ضريبة
بس صدقني إلاليزيه وال بيجو 301 عربيات لو قعدت بيهم 5 سنين مش هينزلو النزلة اللي انت متخيلها
لإن الكورولا من اول 2007 لسه بتتباع من 80 الف الى 110 الف
انا اشتري اليزيه زيرو او بيجو حتى لو بالتقسيط ولا أركب عربية عفى علي التكنولوجي بتاعها الزمن
وإسمك راكب زيرو وبالك مرتاح

[حووووووده]

صديقي المواطن
الموضوع أبسط من البساطة ومش بالتعقيد اللي حضرتك مزعل نفسك عشانه والمعادلة بسيطة
دخلك المادي مستريح ومعدي ال 8 آلاف شهريا وبتعشق العربيات فقولا واحدا جيب اللي نفسك فيه ولو ساعتها بصيت لمعايير السوق المصري في إعادة البيع حزعل منك ﻷن بلدنا للأسف ملهاش معايير ماشية بالكفتة وكل العربيات البياعة في مصر تعكس صورة مقيتة لمصر بين الدول فأي عربية بياعة في مصر حتلاقيها عربية إقتصادية مصنوعة من ورق معمولة للشعوب الفقيرة
ولكن مرتبك كويس حتى لو معدي 6 آلاف جنيه شهريا فإركب اللي نفسك فيه حتى لو تركب عربية وبعد 3 سنين تخسر فيها 80 ألف ماشي برضو البرستيج والمنظرة والراحة والمتاتة والتفرد وتقديرك لنفسك وتدليعك لنفسك برضو بفلوس مش ببلاش
مثلا أنا عندي 11 عربية ونص وداخل على باقي النص وعربية جديدة عشان أقفل 13 عربية معنديش منهم غير 4 عربيات بياعة والباقي كلها ملهاش سوق محدش يفهما أو لا تقدر بثمن وممكن أجيب عربية ب 8750 جنيه و أصرف عليها 85 ألف ويجيلك حد تافه ولوزعي يدفعلك فيها 30 ألف شاكب راكب فلو بصيت ﻹعادة البيع في مصر مش حتركب أي عربية محترمة بإستثناء المرسيدسات فئة إس والبي إمات الفئة السابعة والباقي كلها أشباه عربيات من كورولا وأوكتافيا وفيرنا ولانوس وكروز و أوبترا وأفيو وغيرها وغيرها وغيرها

خلاصة النصيحة
دخلك المادي جيد إركب عربية محترمة إنت مقتنع بيها وإياك تسمع كلام حد من جماعة تثبيط الهمم والعزائم
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

كنت مستنى ردك بصراحه لانه من متبعتى للمنتدى بيعجبنى رئيك
ودمتم للنضال

[حووووووده]

لو خايف من مديونية مفاجئة متجبش عربية مقرفه فبيعها
لو حالتك المادية كويسة والعربية مش هتعجزك بأي حال من ألاحوال
إركب اللي نفسك فيه ومالكش دعوة بالمعايير المصرية
انا بعت الصني أغلى من وقت ماشتريتها وكنت شاريها مستعملة وكسبت كمان 5 الاف جنيه
فكن فالمقابل صرفت على العربية دي رفاهيات بس 8500 جنيه
وصيانات بس حوالي 5000 جنيه
بس لما بتيجي تحسب مبتحسبش اللي انت صرفته عالعربيه لان دي رفاهيتك وإستهلاكك
والسنة اللي انت بتسوق بيها العربية بفلوس (( هو انت بتاخد برستيج وراحة بال من قرف المواصلات وتوفير في مصاريف مواصلاتك ببلاش ! ))
كل حاجة ليها ضريبة
بس صدقني إلاليزيه وال بيجو 301 عربيات لو قعدت بيهم 5 سنين مش هينزلو النزلة اللي انت متخيلها
لإن الكورولا من اول 2007 لسه بتتباع من 80 الف الى 110 الف
انا اشتري اليزيه زيرو او بيجو حتى لو بالتقسيط ولا أركب عربية عفى علي التكنولوجي بتاعها الزمن
وإسمك راكب زيرو وبالك مرتاح

انا برضه من انصار فكره ان الفلوس وسيله وليست غايه