زهقت

[saddam]

كنت مستنى ردك بصراحه لانه من متبعتى للمنتدى بيعجبنى رئيك
ودمتم للنضال

صديقي المواطن
رأيك شرف لي وشهادة أعتز وأفخر بها وأنا في خدمتك دوما إن إحتجت أي شيء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[drcobra]

انا بقى نفسى ابيع العربية وارجع اركب الميكروباص من كتر العين والحسد
اه والله الناس عندى متبطلش حسد فى وشك ربنا يهدينا

[engherc]

باشا خلاصة الكلام لو عايز تجيب عربية تركبها على الأقل ٥ سنين و مش جوك تجيب عربية وتقلبها كل سنة ولا سنتين بالكتير جيب الزيرو اللي يعجبك و فكك تماماً من قصة السوق و أعاده البيع كله بيتباع و كده كده الزيرو بيخسر ومش ممكن تكون قبل متجيب عربية عايزها لمده اكتر من ٥ سنين تفكر تبعها بيكام مش طبيعي أصلا ده أسلوب تفكير و عقلية السوق المصري العقيم اللي كل الناس فيه بتتعامل بعقلية التجار و هما أصلا ملهمش فيها غير كده يا بيه لو هتتعامل بعقلية التاجر الصح يبقى أصلا متجبش زيرو لانها كده كده خسرانة من الاول

[Ahmed TRAVCO]

انا رأيي ان الموضوع بسيط جدا... كل واحد وليه دماغه... وكل واحد رأيه يحترم لأنه متكيف مع احتياجاته... والا تنين صح على فكرة، متجيش على واحد بيروح للانسر بومة ولا الصني وتقوله انت غلطان... لأ هو احتياجاته بتلبيها عربية من دول وبرضه مش عايز يخسر كتير لما يبيع...
في نفس الوقت واحد زيي مثلا لا يعترف باعادة البيع رغم معرفته مسبقا ان اختياراته هتنطوي على خسارة اكبر عند البيع... لأني بشوف اني لما اقتني الحاجة اللي "حاببها ومقتنع بيها" فده بيشبع رغبة عندي وبيرضيني جدا، وبالتالي ده لازم يمون له تمن... انا قررت ادفع كل اللي كان معايا في شارك لما 90% من الناس مش بتعمل كده وياما اصحابي لاموني وقالولي هات بومة ولا صني ووفر شوية فلوس ويوم ما تزهق من العربية ابقى بيعها بأقل الخساير... بس انا مبسوط كده وكل ما بركب عربيتي ببقى مبسوط وما اعتقدش اني كنت هبقى راضي بنفس الدرجة لو ركبت عربية بس علشان ابيعها بعد كام سنة لواحد تاني... ولو ربنا كرمني وبقيت مقتدر وثري مش هركب مرسيدس ولا بي إم انما جاجوار... ولما حبيت اجيب سمارت فون مروحتش لأبل ولا سامسونج علشان ابقى اعرف ابيع التليفون بخسارة اقل، انما اشتريت اتش تي سي لأنه عجبني اكتر وشفته افضل وعلشان كده مستمتع جدا بيه ومش بفكر في بيعه قبل ما استخدمه...
وهكذا...
كل واحد وليه طريقة تفكير ومينفعش تطلع من جلدك، دي بتبقى شخصيتك... هل تحب تمشي مع الركب وتبقى زيك زي غيرك ولا بتحب تكون مختلف الى حد ما والاختلاف ده في حد ذاته هو اللي بيمثل لك متعة معينة؟؟؟ شوف انت مين في دول وقرر على اساسه وتوكل على الله...

[mk3]

فى شئ مهم جدا منسى الا وهو ارتفاع سعر الصرف وده يساعدك اما تيجى تبيع

[حووووووده]

انا بقى نفسى ابيع العربية وارجع اركب الميكروباص من كتر العين والحسد
اه والله الناس عندى متبطلش حسد فى وشك ربنا يهدينا

[S O P H O S]

نظريا الكلام غير سليم
لكن اشتري عربية تعرف تبيعها كرأي

[السعيد عيد]

[Mohamed_301]

انت مش بتشترى عربية عشان تبيعها انت بتشترى عشان تسد احتياجاتك وتبقى مرتاح بيها مش عشان تريح السوق اشترى اللى يعجبك :))

[MEDO84EG]

لا طبعا اركب اللي يريحك و تبسط
افولك علي شيء عربية تقيله في البيع يعني هتتاخر شوية بس هتتباع برضو ان شاء الله يعني
بس هتستمتع باوبشنز و راحه و امكانيات تانيه

[tifa2015]

الموضوع ببساطة مش سعر اعادة البيع لان كل الزيرو عند البيع بيخسر المهم هو قطع الغيار وتوافرها وهو ده اللى بيهم الشعب المصرى وطبعا تكون اسعار قطع الغيار حنينة مش مولعه