النترا 2007 ولا كورولا 2006

[Ahmed Hzza3]

السلام عليكم يا اعضاء نايل موتورز الكرام
يا مسهل الحال يا رب انا اول مره اعمل مشاركه هنا فى الموقع

عامه انا عايز اجيب عربيه مستعمله تكون فى حدود من 80 لحد 85 الف عايز حد يفيدنى النترا (2007 او 2008) ولا تويوتا كرولا 2006 او 2007 و يا ريت ليه يعنى انهى الافضل خاصه انى بسافر بأسره 5 اشخاص و ببقى شايل فى الشنطه كتير شويه

لم علينا عبيدك يا رب

[yaser adel]

اولا الكورلا طبعا افضل في النعومة والعفشه واعاده البيع مع ان الالنترا اعاده بيعها كويس بس الكورلا افضل
بالنسبه للسعر 85 الف يجيبو النترا 2008 مانوال حاله ممتازه .الكورلا 2006 حاله كويسة 1300 اتوماتيك مش هتقل عن 95 من وجهة نظري

[mahmoud_ali]

الكورولا طبعا والموديل اللى حضرتك قايله ده من افضل ما انتجته تيوتا

[saddam]

صديقي المواطن
قولا واحدا
كورولا أفضل
والسبب بسيط إنك حتلاقي كل اللي موجود في كورولا موجود في إلانترا وأكتر شوية ولكن ببساطة حتلاقي الجودة والحرفنة في تويوتا أعلى في كل حاجة بنسبة لا تقل عن 30% لصالح تويوتا كورولا وخد بالك الشكل ده مطلوب من كورولا ونادر تلاقي حالة نظيفة فدور كويس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

لو بالسعر اللى معاك ده يبقى تجيب النترا افضل

[devil_storm]

الموديلات دي الكرولا احسن طبعا ... كرولا ٢٠٠٦ عربيه ممتازه و ناعما جدا و مريحه جدا و فعلا من احسن موديلات الكرولا

[Yousef.Kamel]

الكوروﻻ افضل بس مش هاتقل عن 95 الف واﻻفضل 1600

[Ahmed Hzza3]

اولا الكورلا طبعا افضل في النعومة والعفشه واعاده البيع مع ان الالنترا اعاده بيعها كويس بس الكورلا افضل
بالنسبه للسعر 85 الف يجيبو النترا 2008 مانوال حاله ممتازه .الكورلا 2006 حاله كويسة 1300 اتوماتيك مش هتقل عن 95 من وجهة نظري

اولا الف شكر على الرد :)
طيب انا لقيت فى السوق واحده مانيوال 2011 عامله 92000 قبل الفصال طبعا و كانت ماشيه حوالى 65 الف كيلو دى يبقى ايه نظامها ؟
و هل موديلات الالنترا 2007 ,2008 , 2011 زى بعض ولا فيه حاجه فيهم احسن من التانيه ؟

[miceg]

الفيصل هو الحالة النظيفة
انا ببرشح الكورولا
لكن اشتري ألانضف في الحالة

[Ghost2]

85 الف استحالة يجيبو كورولا 2006 حالة كويسة .. ممكن يجيبو الانترا .. خليك في الانترا عشان تركب عربية حالتها كويسة لان السعر هو اللي محدد شكل الشراء هنا و لا تنسى الاستخارة

[yaser adel]

اولا الف شكر على الرد :)
طيب انا لقيت فى السوق واحده مانيوال 2011 عامله 92000 قبل الفصال طبعا و كانت ماشيه حوالى 65 الف كيلو دى يبقى ايه نظامها ؟
و هل موديلات الالنترا 2007 ,2008 , 2011 زى بعض ولا فيه حاجه فيهم احسن من التانيه ؟

بالنسبه لموديلات الالنترا مفيش فروق جوهريه بس اللي هيفرق حاله العربيه وهل هيا اتوماتيك ولا مانول دي اللي هتحدد السعر انتا ممكن تلاقي 2007 ب 85 مثلا و 2011 ب 85 اوكي بس هيفرق الحاجات اللي قولتلك عليها وانتا واحتياجك طبعا لو مش بيفرق معاك المانول

بالنسبه للكرولا افضل كرولا نزلت مش في مصر بس حتى هنا في السعودية بيحبو الشكل القديم من 2002-2007 وافضل 2005-2006-2007 حتى لو تلاحظ اسعار النطيف منهم عالي ومش بالسهل بيفرط فيهم فخلي بالك وانتا بتدور دور ع حاجة كويسة
من موديلات 2008-2010 ابعد عنهم كل مشاكل وتجميع سيء ع كلام ناس كتير بالاضافه ان تجميعم جنوب افريقي
موديل 2011 قالو انهم حلوو مشكله الفتيس mmt بس مش عارف بصراحه مجربتهاش علشان احكم

[S O P H O S]

الكورولا بس هتبقي 1300

[M_SALLAM]

ال 85 يجيبو النترا 2008 اوتو
لو مانيوال تعمل 75 الف كتيرا
الكورولا هتبقى 1300 و مش هتلاقى حالة نضيفة بالمبلغ دة و فعلا العربية دى افضل ما انتجت تويوتا يا رب تلاقى واحدة تكون حالتها حلوة بالمبلغ دة ..