مشروع العمر فلازم عربية تستحمل ؟؟؟؟؟؟؟

[Ahmed sahab]

الصلاة والسلام علي اشرف المرسلين ............... اما بعد
انا وصديق عزيز عليا قررنا نعمل مشروع تاكس طبعا انا من الزقازيق وافتخر بذلك المهم قلنا نجيب جديد علشان نريح دماغنا وخصوصا ان الشراكة مطوله شويه لان لسه فى بدايه حياتنا طبعا انا مش عايز لا لانوس ولا فيرنا ولا كلام دا فقررنا حاجة من الاتين لوجان 2013م اتوماتيك او افيو 2013م اتوماتيك مع انى قريت مواضيع كتير بس للاسف مفيش افادة نهائي انا عايز مكيف حلو مع الحمل مياثر قوي عايز قطع غيار معمرة وسهلة الحصول عليها نظام حماية من السرقة ولو مفيش ينفع اركبلها نظام ولا لافخامة وسحب ومشي طبعا بنزين معقول ؟ ترشحوا مين فى دول

[Ahmed sahab]

55 مشاهدة ومفيش رد مش معقول طب رد تأخذ عليه ثواب هههههههههههه

[hanyyacot]

اعتقد اللوجان هاتبقى احسن . انا كنت باشتغل فى الجزائر وكل التاكسيات هناك كانت لوجان . مع العلم ان حالة الطرق هناك مش احسن من عندنا بكتير . هى عربية عالية وواسعة وعفشتها حلوة لكن ماتجريش بيها على سرعات عالية . الافيو فيها مشاكل كتير ومتعبة فعلا على الرغم من وسعها وشكلها الاحلى . وربنا يوفقك

[kar!m]

ما دمت هتشغلها تاكسي عادي .. أنا أفضل اللانوس.

[mirra]

خليك فى اللوجان بس يفضل مانيوال.

[hugan]

لوجان اوتو تاكسي طب ازاي
ال بي واي دي حاليا هي ملك التاكسي بلا منافس

[speranz]

byd افضل كتاكسى ومنتشرة
مشوفتش تاكسى لوجان قبل كدا

[miceg]

b y d

[J A G U A R]

لو ملاكى والاختيار من دول يبقى لوجان ولو تاكسى الاتنين مينفعوش خالص ولو الافيو نفعت بتبقى مشاكلها كتير .

[Ahmed sahab]

حتي مشاكل الافيو موجودة فى موديل 2014م

[Ghost2]

نصيحتي ليك ال بي واي دي سيارة التاكسي الاولى في مصر .. قطع الغيار الخارجية معظمها تويوتا كورولا .. الابواب و الرفارف و خلافه .. عدا الفوانيس و بعض القطع الصغيرة . القطع الداخلية رخيصة الثمين و منتشرة و سيارة حمالة للعمل كتاكسي و مريحة و صالونها نسخة من صالون الكورولا بالكامل لا يوجد فروقات سوى الوان الاضاءة .. بلاش لوجان تاكسي في مصر و بلاش افيو عشان مشاكلها كتير . و لا تنسى الاستخارة

[Dr_Smart]

Byd ..
او لو ينفع تجيب لانسر بومة او كورولا ٢٠٠٧ مستعمله بحاله نضيفه ..
الافيو الموديلات الجديده من ٢٠١٠ اتحلت مشاكلها لكن لو اوتوماتيك مع التكييف السحب بيضيع

[Ahmed sahab]

المشكلة انى مبحبش الصيني نهائيا بس انا نفسي فى افيو وخايف منها ومن اعطالها ناس كتير اشتكت بس انا هجيب زيرو وهل عالجوا الاعطال ولا لا طيب ليه لا اتوماتيك وبعدين انا مش عايز سحب اصلها زحمة فى زحمة ومطبات ومفيش جري اساسا فاريح دماغي تبقي اتو حتي لو سحبها ضعيف مش مهم ولا ايه رايكم

[hugan]

المشكلة انى مبحبش الصيني نهائيا بس انا نفسي فى افيو وخايف منها ومن اعطالها ناس كتير اشتكت بس انا هجيب زيرو وهل عالجوا الاعطال ولا لا طيب ليه لا اتوماتيك وبعدين انا مش عايز سحب اصلها زحمة فى زحمة ومطبات ومفيش جري اساسا فاريح دماغي تبقي اتو حتي لو سحبها ضعيف مش مهم ولا ايه رايكم

شوف ياباشا
هي النصيجه المفترض لمره واحده
وبعد كده انت صاحب القرار
الافيو لاتصلح لمشروع تاكسي نهائي
الموضوع مالوش علاقه بصيني وهندي
هي الافيو الماني يعني
دي عربيه من الورق المقوي
سواي هي او اللوجان
ال بي واي دي
هي الانسب والاصلح والاجود والاقوي والاوسع والاعلي
يعني حضرتك سواقين تاكسي القاهره
مثلا مابيفهموش في العربيات علشان يشترو المدعوه افيو او لوجان ويقلبوها تاكسي
ال بي واي دي
فهيا الاوتو فتيس ياباني بالكامل
انت صاحب القرار

[mk3]

كتاكسى انت محتاج عربيه تتوفر فيها
رخص قطع الغيار
اى ميكانيكى يفهم فيها
متجربه غاز قبل كده
مصاريف تشغيل قليله
اللف طول نهار يخلى العربيه يتغير فيها حاجات كتير فى مده قليله فالاوتو لا يصلح لهذا السبب