لوجا ولا بيكانتو ولا جيلي امجراند يا ريت تساعدوني

[mohammedmnmz]

انا بشتري عربية و بقالي فتره محتار و كنت سألت في المنتدى هنا على كذا نوع قبل كده و حاليا وصلت لتلت علابيات و محتار جدا فيهم
رينو لوجان مانيوال فول اوبشن (مش عاجبني الصالون بتاعها حاسسها الشاهين المعدله)
كيا بيكانتو مانيوال فول اوبشن ( صغيرة حبتين و قلقان من كونها 1200 سي سي )
جيلي امجراند 7 ( خايف من الصيني)
يا ريت تساعدوني يا جماعه

[the lawyer]

ابعد عن الجيلي

[mohammedmnmz]

انت اول واحد تقولي كده على فكره
ليه بأه ابعد عن الجيلي؟

[ahmed salah90]

بوص حضرتك
1- لو عندك عيله و بتحتاج شنطه العربيه هات رينو لوجان
2- لو عاوز اعاده بيع و عيلتك صغيره و موش هتحتاج شنطه عربيه هات بيكانتو
3- ابعد عن الايمجراند علشان فيها برومه و ضعيفه و بيقولو شوف بيقولو انا موش متاكد ان غبور شال قوايم الابوب يعني لقدر الله التصادم من الجنب هزيل جدا
4- اخر نصيحه هات عربيه اوتوماتيك علشان تريح نفسك بدل ما تندم زي
و ربنا يكفيك شرها و يرزقك خيرها

[Ahmed.Essam]

خليك في اللوجان والبيكانتو وبلاش من الجيلي لان فرحتك بيها هتروح بعد شهرين تلاتة بسبب المشاكل اللي اتقالت عنها
البيكانتو شكل احلى من اللوجان بس اصغر وعاوزة مشاوير جوه البلد
اللوجان شكلها كئيب شوية بس اوسع من البيكانتو واكيد اريح في السفر وارسى على الطريق شوية وعملية عن البيكانتو
وانا شايف ان البيكانتو فلوسها كتير عليها 100 الف جنيه تقريبا كتير على عربية صغيرة

[mirra]

لوجان و لو اتوماتيك يبقى افضل.

[abohend]

لوجان

البيكانتو حاجة و الجيلي و اللوجان حاجة تانية
دي ترجع لإستخداماتك و متطلباتك من العربية

لكن لو بنقارن بين اللوجان و الجيلي أظن اللوجان تكسب
من شهر كنت هقولك الجيلي..لكن بعد ظهور مشكلة الصدأ في الأبواب يبقى خليك فاللوجان
و الفئة السعرية دي مش هتاخد فيها كل حاجة
أبشن و شكل و صالون يبقى جيلي
خامة و جودة و إعتمادية لوجان

[J A G U A R]

بعد مشاكل الصدا الكتير اللى ظهرت فى الايمجراند يبقى خليك فى اللوجان

[moh_rag_abd]

حيرة ما بعدها حيرة في الفئة السعريه دية
كل عربية من دول ليها مميزات وعيوب
اللوجان كعربية كويسة بس فيها عيبها قطع غيارها غاليه
البيكانتو صغيرة (انا شايفها لبنت ومشوراها جوا البلد تبقي حلوة)
الجيلي عربية جامده بس ظهر فيها مشاكل كتير واخطرهم موضوع الصدا فابعد عنها

ولو عايز رأيي تجيب BYD f3 اتوماتيك
اعتمادية عاليه موتور متسوبشي - الفتيس بتاعها هو نفس الفتيس اللي راكب في الصني (ياباني)
قطع غيارها متوفرة بكثرة - الاعتمادية بتاعتها عاليه جدا (بص ع التاكسي اللي في البلد )
عيبها الكبير التوكيل محدش شكر فيه غير في فرع الاسكندرية
واستخير ربنا وان شاء الله تجيب احسن حاجة
تحياتي
اخوك محمد رجب

[hugan]

الجيلي طبعا افضل من اللوجان بمراحل
لكن مشكله الصداء اسواء مافيها
ضيعت العربيه

[S O P H O S]

البيكانتو

[Ghost2]

اخي الفاضل اولا نستبعد الجيلي من المقارنة تماما .. اقسم بالله في ناس استلمت العربية مصدية من كل حتة من جوا من تحت الفرش و الفبر.. و في حتت فيها بارومة كاملة .. غير مشاكل التكييف و تقفيل الموتور و الكهربا . عربية تعبانة... البيكانتو عربية كويسة و توكيلها كويس و على فكرة هو هو نفس وكيل رينو .. و خدمات ما بعد البيع احسن بكتير من توكيلات تانية لكن رينو تتفوق شوية عن كيا .. اللوجان احسن بكتير من وجهة نظري .. اتساع داخلي - ارتفاع عن الارض - كماليات معقولة بالنسبة لسعرها كسيارة .. تكتسح فئتها من الفيرنا و اللانوس .. مشاكلها قليله جدا .. انتشار جيد جدا .. سعر اعادة بيع جيد دلوقتي .. نصيحتي ليك خليك في اللوجان و لا تنسى الاستخارة