عربيه ليه

[tantu]

السلام عليكم
ازيكم يا خوان نفسي في مساعده لو سمحتم انا معايا 100000او تزيد شويه بس مش يامه يعني المهم انا عايز عربيه بس تكون حلوه وحقول علي المواصفات
1 - العربيه تكون متورها قوي لاني عفي شويه علي العربيات
2- تكون عفشتها بتستحمل الجري والرزع و الهبد بتاع البلد المصون "علي فكره انا من الغربيه وطالب جامعي في اخر سنه من الكليه "
3- التكييف بتعها جامد لان البلد اللي انا فيها حرها فظيع ورطوبه
4- العربيه دي حتكون لمده طويله قصدي مش للبيع يعني علي المدي القريب
5-انا من النوع اللي بسافر كتير مثلا الاسكندريه مره كل اسبوع لان والدتي مقيمه في الاسكندريه
ماتكونش كوري قصدي مافي اي هوندات يعني وشكرا لكم وياريت اكون خفيف ان شاء الله تتقبلوني
انا معايا دلوقتي بولونيز بس العربيه مستحمله مني بلاوي والله فهل من معين

[hoba]

3ayez zero wala used we ?

[limo]

توكل على الله وهات لانسر 1600 مانوال او اوتوماتيك حسب ميولك
ممكن برضو تفكر فى الياريس 1300
بس باصص انك بتسافر كتير فالسى سى بتاع الانسر هيفرق معاك
دول بصراحه احسن حاجه فى حدود 100 الف ويابانى

[Hosam_Optrawy]

لانسر 1600 مانيوال 2009 ب 102

[Yarisawy]

ارشحلك الياريس طبعا , العربيه هاتستحمل وتعيش معاك وموتورها ما شاء كويس وتكييفها جامد وموفره فى البنزين وعاليه عن الارض لتستحمل الطرق المصريه غير كده موتورها حديث مقارنه بالانسر وشكلها اجدد وتوكيلها محترم

ده لو عايز جديد لو عايز مستعمل يبقى جيب كورولا الموديل القديم

[emadfk]

هات لانسر 1600 مانوال او اوتوماتيك

[tantu]

ان شلء الله ياجماعه اانا بعد كلامكو ده شفت اللنسر بس ياجماعه انا سمعت ان عزلها مش حلو وبعدين بترقص علي الطريق لو بتجري بيها هل الكلام ده صح علي فكره انا معايا بولونيز 1500سي سي بس ملهاش حل قصدي " مبهدله" بس العربيه والله العظيم لما بكون ماشي علي 130 مابحسش باي مشاكل وحلوه "قصدي مافيش طنطيت علي الطريق" بس العربيه استهلكت ياريت ياجماعه الافاده ولكم جزيل الشكر وشكرا علي الرد وكل عام وانتم بخير

[tantu]

انا عايزها زيرو اول ايد عروسه يعني

[waled369]

لانسر 1600 كويسة

[blazer]

سيراتوا !!
مع انى عارف ان الناس كلهم هيضربونى
بس انا شايف احلى من الانسر كمان
كفايه انه فتيسها استيب ترونيك و مش منتشره زى ال 128
اصدى الانسر وضمان 5 سنين او 100 الف كيلو
و قطع الغيار مش غاليه

[macman]

احظرك من الياريس اياك منها لو بتسافر كتير هاتلقيها بترقص و لو جوه البلد تنفع

[khaledmekawy2008]

اللانسر 1600 ثباتها كويس جدا جدا عيبها عزل الموتور مش قد كده بس انا بحب اسمع صوته مع الفلتر اللى بيتركب بحس ان العربية سحبها طيارة كمان شكلها حلو وملكش دعوة باللى بيقول انتشرت مبقت زى 128 او كده كفاية انها اكتر عربية نجحت فى مصر لغاية دلوقتى

[tantu]

يعني يااستاذ ماكمن اتوكل واشوف اللنسر ايوه انا بسافر اليكس في الشهر ممكن 10 مرات ووالله سعات مشوار يبقي صدرد

[tantu]

ربنا يسهل انا علي فكره كنت النهارده بلف عليها بس كنت بشوف اللنسر 1300 بس من كلاك الاخوه الافاضل انها تعبانه ولا ايه رايك يا استاذ خالد علي فكره انا معايا بولو نيز حماره شغل بس بتموت يعينني دلوقتي اخر حاجه فيها الجنط الخلفي للسائق اتعوج من مطب علشان كنت محمل علي العربيه وجاري بيها

[hazem_khidr]

بس انت يا تجيب لانسر 1600
يا تجيب ياريس
عفشه اللانسر حتستحمل شويه عن الياريس
لكن عمر ما عفشه اللانسر حتستحمل زي البولونيز
حط في بالك المعلومه دي
يعني اي عربيه تجيبها مش حتستحمل زي البولونيز نهائي