عربية اتوماتيك من 100 الي 125 الف

[احمد حسانين]

الاعضاء الكرام
محتار اشتري سيارة اتوماتيك فى حدود من 100 الف الى 125 الف
و لقيت عربيات زي بيجو 301 و صني سوبر صالون فى الزيرو قدامي و مستعمل موجود كمان حاجات اكثر .. اصدقائي قالولي خليك في الزيرو و خد صني سوبر صالون 2014 ...

ممكن مساعداتكم و اقتراحاتكم

شكرا

[eslam.maghawry]

توكل على الله واحجز البيجو
تقفيل إسباني ثبات أمان لو زودت شوية تاخد اوبشنز اكتر في الهايلاين

[2CODE]

شوف لو عايز ثبات عالي يبقى الفئة دي كلها مش هتنفعك وعن تجارب الاعضاء في القسم ادخل وشوف
يعني ثباتها في المعقول الـ120 تمام بعد كده تخلي بالك وكل حاجة على قد سعرها

شوف الاتنين حلوين والنيسان بيقولوا صلحوا المشاكل لكن انا اقول لك خليك في البيجو لكن برضه النيسان جميلة

يعني لو اشتريت اي واحده من الاتنين هتكون صفقة رابحة ان شاء الله الاتنين عربيات جميلة وكماليات حلوه

لكن لو بتدور على ثبات عالي يبقى الفئة دي خالص مش هتنفعك وانصحك انت تكتر الفلوس شويه وتطلع للفئة الاعلى 150 - 200 الف جنية

انما لو مش بتاع جري وحركات يبقى توكل على الله في اي واحده منهم صفقات رابحة

[miceg]

لو زيرو بيجو 301
لو مستعمل هوندا سيفيك 2009 او 2010
او فولكس جيتا موديل 2008 او 2009 قبل فتيس ال dsg

[J A G U A R]

ايه احتياجاتك من العربيه ..

[eng.m7md.ali]

البيجو طبعاً .. مفيش مقارنة بين البيجو والصني

[Mohamed_Ayman]

بيجو واستنى مع اخوانك :)
ولو مستعجل ايليزية وبرضو الصنى حلوة

[S O P H O S]

بيجو عربية كويسة
وخش قسم بيجو هتستفاد كتير قبل الشرء
بالتوفيق

[tifa2015]

افضل الزيرو ايا كان الموديل وربنا يوفقك للخير انشاء الله سواء الصنى او البيجو وبالتوفيق

[Marwan yahya]

أفضل الزيرو طبعا مادام في مقدرة على شرائه بسبب قلة ضمييير كتير من الناس دلوقتي
وبرشح البيجو 301