مقارنة بين فيكترا سي 2008 واوكتافيا ايه 5 مو 2008

[moody_687]

ياجماعة دلوقتي ايهما افضل وتقارنوا بين العربيتين دوول فيكترا سي 2008 ولا اوكتافيا ايه 5 موديل 2008 والاتنين سعرهم 115 الف ج
المقارنة ع اساس الوزن وشكل الصالون وخاماته والتسارع والصاج والعفشة بتاعتها وتوكيلها بالنسبة لقطع غيارها
ليا صديق بيقولي ان الاوبل وحشة ومش زى الاوكتافيا وبيقولي ان سعرها زى الايه 4 فالاوكتافيا عشان بتتباع ف رنج التسعينات بس انا مش مقتنع بكلامه فياريت تساعدوني فالمقارنة دون تحيز لعربية معينة
ملحوظة : اللي يجاوبني يرد ع اسئلتي عشان المقارنة هتساعد ناس كتير هيشوفوا كلامكم وبناءا عليه هيختاروا العربية

[Abdo Taha]

اكيد الفيكترا افضل و طبعاً ده بدون تحيز ، ليه بالنسبة لي الفيكترا اولا شكلا هى بتعجبني اكثر من السكودا اللي بحس شكلها عواجيزي و عتيق جداً ثانيا الموتور بتاعها ضعيف جدا على جسمها خصوصا انها اوتوماتك عادي اما في الاوبل معملوش الحركة دي و استبدلوه بالايزي ترونك لأن كان هيبقى الاوتو العادي شئ معيب على العربية و من الاخر كانت هتبقى بطة بلدي و بصراحة شدتها حلوة و من ناحية الثبات الاتنين زي بعض يعتبر و موضوع قطع الغيار فهو في صالح السكودا و من ناحية الداخل فالاوبل تتفوق في الوسع اما الشنطة السكودا أفضل لكن كتجهيزات لو حطينا اعلى فئتين جنب بعض هنلاقي كله يعتبر واحد بس الشياكة الداخلية في الفرش و التقسيمات شايفها للأوبل ، ممكن يكون في اراء اخرى ان السكودا افضل و لكن دي وجهة نظري المتواضعة .

[moody_687]

تمام بصراحة انا معايا المانيوال بتاع الفيكترا بس بحس انها بطة قدام اى عربية اتوماتك

[Abdo Taha]

تمام بصراحة انا معايا المانيوال بتاع الفيكترا بس بحس انها بطة قدام اى عربية اتوماتك

ليه حضرتك اتفرج على الكارينز و السبورتاج و السكودا و هتعرف يعني ايه بطة بلدي فعلا

[omaranes77]

ليه حضرتك اتفرج على الكارينز و السبورتاج و السكودا و هتعرف يعني ايه بطة بلدي فعلا

سكودا بطة ازاي ياباشا عربية بتجيب 220 تبقي بطة موتور mpi حاجة جامدة جدا وعلي فكرة صيانة الاوبل رخمة جدا وعن كلام ناس معاهم الاوبل بس حضرتك دي تكسب في نقط ودي تكسب في نقط اعادة البيع اكتافيا قطع الغيار اكتافيا

[J A G U A R]

الفيكترا عربيه محترمه بس عيبها توكيلها وقطع غيارها نار

[Ahmed TRAVCO]

بدون الدخول في فنيات كتيرة لأن العربيتين ممتازتين، بس أنا ركبت دي وركبت دي وأقدر اقول بالفم المليان ان الفيكترا سي أفضل عربية في فئتها كلها كشكل وثبات وشياكة صالون وعزل وفرامل وكل حاجة... وكلامي ده على التوب لاين ومش اول مرة اقوله...

طبعا للمرة التانية الاتنين حلوين جدا بس انا اختار الفيكترا بارتياحية...

[Abdo Taha]

سكودا بطة ازاي ياباشا عربية بتجيب 220 تبقي بطة موتور mpi حاجة جامدة جدا وعلي فكرة صيانة الاوبل رخمة جدا وعن كلام ناس معاهم الاوبل بس حضرتك دي تكسب في نقط ودي تكسب في نقط اعادة البيع اكتافيا قطع الغيار اكتافيا

انا ده اللي شفته في ال a5 عكس ال a4 اللي مع واحد صاحب اخويا و ما شاء الله عليها احسن من ال a5 في المحرك مع ان المفروض العكس و الاوكتافيا طبعا صيانتها اسهل و قطع غيار ارخص و بيع افضل و اريح كتير عن الاوبل لازم الواحد يقول اللي ليه و اللي عليه

[Abdo Taha]

الفيكترا عربيه محترمه بس عيبها توكيلها وقطع غيارها نار

مظبوط يا باشا التوكيل قطع غياره نار مع ان بره ارخص كتير

[omaranes77]

انا ده اللي شفته في ال a5 عكس ال a4 اللي مع واحد صاحب اخويا و ما شاء الله عليها احسن من ال a5 في المحرك مع ان المفروض العكس و الاوكتافيا طبعا صيانتها اسهل و قطع غيار ارخص و بيع افضل و اريح كتير عن الاوبل لازم الواحد يقول اللي ليه و اللي عليه

تمام كدة ياباشا 100 100

[Abdo Taha]

بدون الدخول في فنيات كتيرة لأن العربيتين ممتازتين، بس أنا ركبت دي وركبت دي وأقدر اقول بالفم المليان ان الفيكترا سي أفضل عربية في فئتها كلها كشكل وثبات وشياكة صالون وعزل وفرامل وكل حاجة... وكلامي ده على التوب لاين ومش اول مرة اقوله...

طبعا للمرة التانية الاتنين حلوين جدا بس انا اختار الفيكترا بارتياحية...

العربيتين لا غبار عليهم دي تتميز عن دي في حاجة عن التانية كله بيكمل بعضه يعني الاوبل تتفوق كمحرك و شكل السكودا بيع افضل قطع غيار متاوفرة و ارخص و توكيلها افضل من منصور ربنا يبعد شره عنناو على فكرة ﻻوالدي كان بيخلص في الاسكودا بس ساعة اما الايزي ترونك نزل راح للأوبل

[S O P H O S]

اميل ل اوبل كرأي ليس الا