بروتون جين تو اتوماتك ٢٠١٤ او هيونداي فيرنا ٢٠١٤ اتوماتك

[eng_ah_xxxx]

السلام عليكم ياريت أتعرف علي آراء السادة الأعضاء لأنني فى حيرة شديدة علما ان السيارة لزوجتى وهي لسة متعلمة القيادة حديثاً أنا خاءف من الجين تو من أسعار قطع الغيار خاصة الفوانيس،الاكصدامات و الشبكة ومدي توافرها وكفاءة التوكيل علما أننى من الاسكندرية وللعلم أنا اعرف فرق الجودة والأمان للجين عن الفيرنا وهل يوجد ميكانيكية وكهربائية خارج التوكيل فى الاسكندرية يشتغلوا فيها وايضاً سعر الجين تو الان ١١٥ الف والفيرنا ٩٣.٥ الف وستكون بالقسط اى منهم ، شكرًا لكم جداً وآسف للإطالة عليكم

[eng_ah_xxxx]

يا جماعة ٤٠ مشاهدة ولا تعليق واحد !!!!!

[kazamodia]

اكيد في حالتك الفيرنا افضل خصوصا انها لسه متعلمه سواقة جديد
بس الافضل تزؤد شوية وتجيب نيسان صني

[shiko85]

فيرنا كويسه بس 93 كتير

[eng.m7md.ali]

الفيرنا عشان حاجتها رخصية وبردو انتو اولي بفرق الفلوس

لكن مفيش مقارنة اطلاقاً بين ال 2

الصني حاجتها اغلي من الجين2 بكتير وتقريباً مش موجودة

[samyyousef]

انا اتصور ان اي عربية زيرو سيتم اصلاحها و استبدال قطع غيارها في التوكيل.....موضوع توفر قطع الغيار من عدمه ...لم يعد عنصر مفاضلة بين العربيات الزيرو في هذه الفئة

[lenasam]

لو المقارنة فقط بين الفيرنا و الجين 2
اعتقد الجين 2 افضل بس تعمل حسابك انى كل شغلك هيبقى مع التوكيل
اما لو تزود شوية هات حتى الصنى القديمة ب 100 الف قريبة من ال 93
و بالتوفيق ان شاء الله

[S O P H O S]

رأي متجبش عربية علي اساس قطع الغيار فقط
كده بتخسر فالمقابل حاجات تانية طبعا الجين افضل
والفيرنا موضوع انتهي بالسعر ده
الصني او الاوبترا او الريو اي اختار من دول واقعي اكثر من الفيرنا
كلامي مجرد رأي شخــصي
بالتوفيق ,, ّ

[tifa2015]

ارشح الفيرنا لحضرتك وعن تجربة العربية ده مناسبة جدا وقطع الغيار عند اى حد عمرها مدوختنى واسعار قطع الغيار مناسبة جدا واعتقد ان حضرتك بتتكلم عن الفيرنا الاتوماتك وبالتوفيق انشاء الله

[J A G U A R]

الفيرنا مناسبه لشخص جديد سواقه