أفضل عربية مستعملة فى حدود 65000

[madoahmad]

السلام عليكم يا اعضاء الرابطه المحترمين
كنت عاوز اخد رأيكم في موضوع...
ان شاء الله نويت ابيع عربيتي كمان شهرين كده ,, لانوس 2004. هتعمل حوالي 45 الف جنيه هضيف عليهم 20000 ج . يبقي كده معايا 65 الف .. ومحتار اجيب ايه .. مع العلم ان ال 20 الف سلفة من الشغل يعني مش هقدر اجيب جديد واقسط ...يا ريت تفيدوني برأيكم لو انتو مكاني... عشان عاوز احدد من دلوقتي ومحتار

تم تعديل العنوان ونقلة لقسم المقارنات .

[ahmedalaahosny]

لانسر او صني

[madoahmad]

لانسر او صني

ال 65 الف يجيبو لانسر ...امال مش لاقي عالنت حد عارض بالسعر ده كله بادئ من 75000 ج
وإلي ب 70000 ج موديل 2004 ورشه وانا عاوز ابعد عن القديم... وبفكر في فيرنا اتوماتيك موديل حديث ... وشكراً لردك

[S O P H O S]

ياريس او صني
والله اعلم

[amirock]

اوبترا

[amirock]

الاوبترا كويسة و ممكن تلاقي بالمبلغ ده

[insurancebroke]

استنى الشهرين محدش يعرف الاسعار هتكون ايه

[madoahmad]

الاوبترا فعلا كويسه وقريبه من الانسر من جوه

[ahmedalaahosny]

ال 65 الف يجيبو لانسر ...امال مش لاقي عالنت حد عارض بالسعر ده كله بادئ من 75000 ج
وإلي ب 70000 ج موديل 2004 ورشه وانا عاوز ابعد عن القديم... وبفكر في فيرنا اتوماتيك موديل حديث ... وشكراً لردك

يابويا هي اللانسر مالها رفعت جامد كده ليه لا مؤاخذه يظهر اني مش متابع من فتره بس اسعار النت وخاصة ف عربية بياعه زي اللانسر ساعات بتبقي مش مظبوطه لان اغلبهم بيبقي تجار وعامة حضرتك حتي مش عايز قديم فالافضل فعلا زي ماالاعضاء الافاضل ردوا علي حضرتك خليك ف الاوبترا وربنا يوفقك وتقع علي حاجة نضيفه

[Omar Mahmoud]

اوبترا او نوبيرا

[mangawy2013]

لو عيز مانيوال اوبترا لو عايز اتوماتيك فرنساوي بتفكرني بنفسي كان معايا المبلغ ده وجبت ستروين c4

[madoahmad]

لو عيز مانيوال اوبترا لو عايز اتوماتيك فرنساوي بتفكرني بنفسي كان معايا المبلغ ده وجبت ستروين c4

انا ملاحظ ان الغالبيه مرشح الاوبترا بس مانيوال ولا اتوماتيك.. وعلي فكرة انا بحب العربية ال c4 كنت هجيبها قبل اللانوس

[ahmedalaahosny]

هو الصراحة ياباشا أنا عايز اسال حضرتك سؤال هو حضرتك بتدور علي حاجه ركوبه صح ولا حاجة مشي نفسك سنة او اتنين وارمي اصل لو ركوبه يبقي خليك ف الفيكترا 2001 دي بمكنة ايكوتيك 2000 سي سي وحش بصحيح واظن ثبات وفرامل الالماني غنية عن التعريف او اسكودا اوكتافيا 99 اللي هي a4 ودي جامده برده او الوحش الفرنساوي ميجان 2007 دي ملغمه كماليات وفتيس استبترونيك وحبشتكانات من اللي قلبك يحبها وفي برده بيجو 406 ودي صراحة شكلها بس من برده لواحده حكاية وغيرها كتير بس اللي يدور اما لو عايزهاسنة واقلب في افيو 2007 واوبترا 2006 وجوليت و نوبيرا2007 وفيرنا 2010 واكسنت 2008 وبيكانتو ولوجان 2011 وغيرها برده كتير القصد لو بتدور ع الركوبه الصح سيبك من حوار الموديل اهم حاجة الحاله ارجو ان حضرتك تتقبل كلامي بصدر رحب

[aw2100]

اشترى عربية المانى عندك جولف 4 او اوكتافيا a4 عربيات مصفحة وعفشة بتدى ثبات رهيب على الأرض!!

[ضى القمر]

يا قلبك ياشيخ وقدرت تقولها وتفرط فيها يااخى انا بقالى اسبوع مش اقادر اخد القرار ده بسبب عربية ياريس حالتها كويسه معروضة عليه بسعر كويس بس مش قادر اقول الكلمة دى للانوس والحيرة حتموتنى