استشاره عاجله..

[Ahmed-Fathy]

السلام عليكم،

لو سمحتم عايز رايكم و المشوره في شراء اول عربيه ليه، انا لسه جديد في السواقه و معايا في حدود 90 ل 100 الف، و من اهم الحاجات اللي بفكر فيها في العربيه الاعتماديه و التوكيل يكون كوييس و قطع الغيار تكون متوفره و اعاده البيع طبعا.

كمان في ناس بتقولي بلاس زيرو في الاول .. هات حاجه خبط فيها الاول .. اما مش مقتنع بالكلام ده ايه رايكم...!!!

و شكرا ليكم.....

[Ghost2]

لو سواقتك على قدك يبقى هات حاجة تعبانة خبط بيها كام شهر .. لو بتسوق كويس .. بص على الرينو اللوجان هاي ﻻين مانيوال .. عربية محترمة ولو عايز اوتو .. يبقى نيسان صني كسر زيرو

[miceg]

صني استعمال 2010 او 2011
شكل قديم طبعاااااااا
توكيل محترم
صاجها جميل وحتى لو خيشت لا قدر الله سهل انك تداويها
ولما ربنا يكرمك بقرشين بعد ماتتعلم هات زيرو
دمت بود

[shiko85]

وعليكم السلام ورحمة الله وبركاته
اشترى جديد افضل من نصب سوق المستعمل
رينو سانديروا او لوجان او شيفروليه افيو
لو عرفت تزود شويه هات نيسان صنى او بيجو 301

[S O P H O S]

هات بيكانتو زيرو او صني لو عاوز سيدان
ومتجبش مستعمل

[Ahmed-Fathy]

هات بيكانتو زيرو او صني لو عاوز سيدان
ومتجبش مستعمل

بيكانتو تقفيل كوري ايوه بس انا حاسس ان كتير عليها 103 الف. ممكن صني سعرها مقنع

[miceg]

حرام عليكم بجد
يعني الراجل لسه جديد فالسواقة ويجيب زيرو
بأنهي منطق
الزيرو الخبطة اللي فيه تساوي خسارة كبيرة جدااااااااااا
عكس المستعمل
وفالاخر القرار ليك

[shiko85]

حرام عليكم بجد
يعني الراجل لسه جديد فالسواقة ويجيب زيرو
بأنهي منطق
الزيرو الخبطة اللي فيه تساوي خسارة كبيرة جدااااااااااا
عكس المستعمل
وفالاخر القرار ليك

حرام علينا !!!!
طيب المستعمل اللى هيجبه ايه ؟؟ عربيه قديمه و يتعلم عليها الصيانه مش السواقه ولا مستعمل حديث و الخبطه فيه تساوى خساره كبيره
و حضرتك اى واحد بقاله سنين بيسوق العربيه هتتخبط منه عادى يبقى محدش يجيب زيرو ؟؟
و كمان هو لسه جديد فين الخبره اللى تخليه يدور على عربيه مستعمله من غير ما يتنصب عليه ؟؟؟

[J A G U A R]

المبلغ ده ميجيبش عربيات زيرو كويسه .. رأيي شوف صنى شكل قديم او اوبترا كسر زيرو ..
او لو عايز حاجه تخبط بيها ممكن تجيب لانوس او فيرنا ومش هاتخسر فيهم كتير لما تعوز زيرو

[د.عماد صلاح]

طالما حضرتك لسه جديد في السواقه يبقي 128 حالتها كويسه

[miceg]

حرام علينا !!!!
طيب المستعمل اللى هيجبه ايه ؟؟ عربيه قديمه و يتعلم عليها الصيانه مش السواقه ولا مستعمل حديث و الخبطه فيه تساوى خساره كبيره
و حضرتك اى واحد بقاله سنين بيسوق العربيه هتتخبط منه عادى يبقى محدش يجيب زيرو ؟؟
و كمان هو لسه جديد فين الخبره اللى تخليه يدور على عربيه مستعمله من غير ما يتنصب عليه ؟؟؟

المستعمل اللي يجيبه عربية ياباني زي نيسان صني شكل قديم
صاج قوي وهتتحمل البهدلة لغايت مايتعلم بيها
ولما ربنا يكرم هيشتري زيرو
موضوع المستعمل الحديث والخبطة فيه تساوي خسارة كبيرة
انت شايف ان الخسارة ألاكبر الخبطة من الزيرو ولا الخبطه من المستعمل
الخسارة ألاكبر لأول يد من الزيرو وبعد كده الخسارة بتقل بالتدريج
طيب موضوع المستعمل والنصب
لو كل الناس بتفكر فالمبدأ بتاع حضرتك يبقا معظم الناس مش هتركب عربيات
لان مافيش حد فينا حتى لو كان سواق شاطر غير معرض انه يضحك عليه
لكن في سيادتك مراكز خدمة وورش وميكانيكة وسمكرية وتوكيلات بيتكشف بيها عن حالة العربية
انا كان معايا صني واتعلمت عليهااااااااا اه كنت بسوق من زمان لكن طول مالعربية ليست ملكك مش هتتعلم 100 %
وبعد لما اتعلمت عالصني وكله تمام اشتريت زيرو

[Ahmed-Fathy]

انا متشكر ليكم علي النصايح دي،
و انا بعد تفكير و سؤال اصدقاء قررت ان شاء الله اجيب لانسر 2008 ل 2010 اتوماتيك . هبدا رحله البحث بيع