كورولا ولا قشقاى

[waleedelpiloot]

انا عارف ان تقريبا مفيش مقارنه بنهم دى سيدان ودى عاليه هما بس فى نفس السعر بتاع ال190 الف ومحتار ما بين اول فئه اوتماتيك وممكن تبقى التانيه فى الكورولا
ومابين القشقاى اوتوماتيك و مش فارق معايا ان دى سيدان ودى كروس اوفر انا عايز ادفع الفلوس فى حاجه تستهال وحاجه تستحملنى عشان بسافر كتير وتعيش معايا .شكرااااااا

[Ahmad Bayomi]

الكورولا

[waleedelpiloot]

فى اسباب يا ا/احمد اترشيحك لكورولا

[hany63]

لو بتحب العربيات العاليه يبقى قاشقاي بس بالمناسبه سحبها مش قوي تحت ال ٩٠
انما في المجمل الكورولا احسن

[mostafa magdy]

العربيه الكورولا 2014 ما شاء الله الأوبشن بتاعها كتير خاصه الفئه التانيه اللي كانت ب 185 مش عارف حاليا بقت بكام .. منهم ال Auto-Park
القشقاي عربيه سحبها بطي .. الموتور ال 1600 بصراحه كان المفروض فيها يعلي الي 2000 ع الأقل
و كمان فقيره جدا في كمالياتها ..
و لو جبتها شويه و هتلاقي الجديده نزلت و بتاعتك تبقي بأكياسها النيلون ع الكراسي و قدمت !!

الكورولا2014 في رأيي الشخصي أفضل بكتير ..و عشان محدش يخوفك الموديل الجديد نزل أعلي 3 سم عن العربيات اللي نزلت في الأول بما لا يتعارض مع الثبات و ال trc ,Esp معدلات أمان قويه جدا مش موجوده في النيسان ..

تحياتي

[waleedelpiloot]

لو بتحب العربيات العاليه يبقى قاشقاي بس بالمناسبه سحبها مش قوي تحت ال ٩٠
انما في المجمل الكورولا احسن

عرفت موضوع ان سحبها ضعيف دى وبدات فعلا انسى موضوع القشقاى

[waleedelpiloot]

العربيه الكورولا 2014 ما شاء الله الأوبشن بتاعها كتير خاصه الفئه التانيه اللي كانت ب 185 مش عارف حاليا بقت بكام .. منهم ال auto-park
القشقاي عربيه سحبها بطي .. الموتور ال 1600 بصراحه كان المفروض فيها يعلي الي 2000 ع الأقل
و كمان فقيره جدا في كمالياتها ..
و لو جبتها شويه و هتلاقي الجديده نزلت و بتاعتك تبقي بأكياسها النيلون ع الكراسي و قدمت !!

الكورولا2014 في رأيي الشخصي أفضل بكتير ..و عشان محدش يخوفك الموديل الجديد نزل أعلي 3 سم عن العربيات اللي نزلت في الأول بما لا يتعارض مع الثبات و ال trc ,esp معدلات أمان قويه جدا مش موجوده في النيسان ..

تحياتي

الجديده بيقولوا هتنزل على شهر 9 يعنى 4 5 شهور وتبقى عربيتى قديمه طب وعلى ايه
بس هوه ارتفاع الكورولا دة مش هيخليها ثباتها يقل ولالا
وشكرا ليك يابشا على ردك

[zangry]

مدام بتسافر كتير يبقي بلاش قشقاي عشان الثبات

[S O P H O S]

الكورولا كرأي

[Mohamed.Hany]

الجديده بيقولوا هتنزل على شهر 9 يعنى 4 5 شهور وتبقى عربيتى قديمه طب وعلى ايه
بس هوه ارتفاع الكورولا دة مش هيخليها ثباتها يقل ولالا
وشكرا ليك يابشا على ردك

الكوروﻻ الجديدة 2014 موجودة في السوق من 7 شهور و المعدلة ارتفاعها من 3 شهور.
ثباتها مقلش و لا حاجة لانهم غيرو المساعدين و السوست باللي بتنزل في الخليج و اسيا و بقت 15.5 سم و مجربة في النسخة الخليجية و متنساش برضو ان فيها esp و trc و ده من عوامل الثبات اللي في العربية

[abo3bdolrahman]

How to compare a sedan car with SUV this not the same category so the the comparison is not fair.

[Land_Cruiser]

العربيتين يستحملوا حضرتك و يعيشوا مفيش مشاكل من النقطه دي . الاختلاف في حاجات تانيه زي الكماليات و التسارع و الموديل اللي لسه نازل السنه دي و ده في صالح الكورولا و ممكن نعتبر سعر اعاده البيع و ان كان لسه بدري علشان نحكم عليه انما تويوتا عاده سعر اعاده البيع بتاعها كويس .