أيهما أفضل باسات 2014 ولا فولفو s60/80

[eagleofeast]

السلام عليكم و رحمة الله و بركاته


أخواني الأعزاء أسف جداً لأزعاجكم و تعبكم معاي لكن عذري هو ثقتي فيكم و في خبرتكم العالية في عالم السيارات و خاصة أصحاب الصالات و معارض السيارات


الطلب هو أيهما أفضل بجميع النواحي الفنية و العملية و الجمالية و الترفيهية باسات2014 أم فولفوs60أوs80


و لسيادتكم جزيل الشكر و التقدير

أخوكم/ صلاح هيكل


أسيوط

تم تعديل العنوان ونقلة لقسم المقارنات .

[mhkorayem]

الباسات أفضل عشان انتشارها هيخليها افضل في الصيانه وقطع الغيار لكن يعيبها الفتيس الـ dsg اللي الناس بتشتكي منه مر الشكوي عشان كده لو تقدر تفكر في حاجه تانيه غير كده يكون افضل

[eagleofeast]

أشكرك كثيراً أخ محمد كريم علي تعبك معاي و المشورة
معلهش لي طلب تاني هي الباسات أعلي و لا فلوكس سي سي

[برنس الليالي]

طبعاً فولكس cc اعلى وفيها اوبشنز اعلى
من الآخر لو العربيات دي بنفس فتيسها القديم كانت اكتر عربية بتتباع عندنا في مصر
- ارشح الفولفو عشان ابقى سايق وبالي مرتاح مش اكون سايق وحاطط في دماغي ان الفتيس حيخوني في اي وقت

[simon659]

فلفو طبعا بدون تفكير لاسباب كتير جدا
اولا مافيهاش اي عيوب او حاجه اشيل همها زي الفتيس
ثانيا عوامل الامان اكتر ومتانه اكتر
ثالثا التقفيل في الفلفو افضل كتير والامكانيات افضل
رابعا الماتور اقوي
اخيرا الفلفو فئه اعلي من الباسات
انما لو هقارن الباسات اقارنها بلاوبل انسجنيا والاوبل تكتسح بجداره في كل شئ

[EmadFox]

متابع

[Eng.Sameh]

لو المقارنة بينهم بس .. يبقى فولفو افضل .. مش بس عشان تريح نفسك من قلق الفتيس ( اللي ممكن ميكونش اكتر من قلق ) ، مجرد انك تشوق وانت قلقان احسن الفتيس يجراله حاجة ، ده موضوع رخم قوي .. ضبف عندك كمان ان الموتور في الفولفو افضل والالانتريور افضل ..

بص على BMW 316i .... افضل في كل حاجة من الاتنين .. وركوبة تانية خالص ...

[HANZALA]

في مشكلة كبيرة في الفولفو وهي انها مفهاش مكان للاستبن وهتضطر تحطه في الشنطة وده هياخد اكتر من تلت حجمها

[Eng.Sameh]

في مشكلة كبيرة في الفولفو وهي انها مفهاش مكان للاستبن وهتضطر تحطه في الشنطة وده هياخد اكتر من تلت حجمها

ايوه فعلا .. انا شوفت الموضوع ده لما اتفرجت عليها في التوكيل من فتره .. الجنط مش بس واكل تلت الشنطة .. ده يخليك متعرفش تحتط حاجة كنبه لو الحاجة دي كبير شويه .. حركة رخمة جدا بصراحة ... اصلا سعر الفولفو كتييير قوي عليها .. مدخلها غلط مع البي ام والمرسيدس ....

[blazer]

انا راى الانسجنا افضل عربيه فى الفئه دى

[eagleofeast]

أخواني الأعزاء
أشكركم شكرٌ جزيلاً حقاً لما قدمتموه لي من نصائح غالية و قيمة و بالفعل أنار لي الطريق السليم
لو وجودت الفولفو أغلي من 300الف و أعتقد أنها أغلي فسوف أشتري بإذن الله تعالي أوبل أنجسينا علي كد أمكانياتي المالية
و الخيرة فيما أختاره الله تعالي بنصائحكم و مشورتكم لي
جزاكم الله خير الجزاء

[mostafa magdy]

طبعا مشكله الفتيس لازم نحطها في دماغنا ..
بس حقيقي الفولفو أجمل من الباسات .. في رأيي
و فولكس cc أجمل من الفولفو ..
و بالتوفيق ..
تحياتي

[ALshahba]

طبعا فولفو

[Abdo Taha]

أخواني الأعزاء
أشكركم شكرٌ جزيلاً حقاً لما قدمتموه لي من نصائح غالية و قيمة و بالفعل أنار لي الطريق السليم
لو وجودت الفولفو أغلي من 300الف و أعتقد أنها أغلي فسوف أشتري بإذن الله تعالي أوبل أنجسينا علي كد أمكانياتي المالية
و الخيرة فيما أختاره الله تعالي بنصائحكم و مشورتكم لي
جزاكم الله خير الجزاء

انت في كلا الحالتين مش خسران دي ليها مميزات و دي ليها مميزات و لكن اللي بيميز الفولفو انها تعتبر اكثر السيارات أماناً في العالم حتى اعلى من المرسيدس بس لو مقدرتش عليها يبقى الاوبل عربية قوية و برستيج عالي برضه و مبروك مقدماً و بالتوفيق بإذن الله

[Abdo Taha]

الا مشكله الفتيس لازم نحطها في دماغنا ..
بس حقيقي الفولفو أجمل من الباسات .. في رأيي
و فولكس cc أجمل من الفولفو ..
و بالتوفيق ..
تحياتي [/b]

الفولكس cc بجد شكلها ملوش حل تحس انك راكب كوبية كبيرة هو حاجة واحدة الفتيس العجيب اللي مش بيستحمل الزحمة و لكنه رائع على الطرقات السريعة