تريوس والا سيفيك

[wael_107]

التريروس بحس انها بناتى شوية و عشان كدا اغلب اللى سايقنها بنات و ستات لانها هاتش بارك 4x4 او 4x2 لكن السفيك عربية تانية خالص سيدان عائلية محترمة و فى جميع الاحوال السيفيك احسن بس لو عاوز رأيى مدام المدام عاوزة تيريوس متزعلهاش و اشتريها من غير ما تعرف و روح لها يوم و فاجأها و قولها بصى تحت :)

عندك حق
أكيد انت متجوز

[wael_107]

وهل التريوس ناعمه على طرقنا المكسره ولا هتتعبنى

[wael_107]

النعومه

وهل التريوس ناعمه على طرقنا المكسره ولا هتتعبنى

[AhmedElsayed]

السيفك فخامة واناقة لكن مدام بتسافر كتير يبقى تريوس ومعتقدش شنطتها صغيرة انزل شوفها بنفسك اكيد حتفرق
وكمان ممكن تفكر فى التريووس 7 راكب لو انت بتتكلم على شنط حجمها كبير اوى

ومعلش اعذرتى احسنلك تجيب التريوس علشان المدام والا حتسمع الكلمة الشهيرة لو عجلة نامت فى السيفك (مش كنت سمعت كلامى وجبت التريوس):)

[م. تيمور]

م تيمور
الف شكر على ردك الكافى الشافى
بس انا يسافر انا والعيله كتير وخايف ان شنطه التريوس صغيره
أرجو أن يفيدنى أحد عن قدره الموتور بالنسبه لحجم العربيه
لانى سمعت ان فيه مشكله

مساء الخير استاذ وائل وكلك زوق
مالقتش غير الشنطه :) .. ههههه ,, اطمن حضرتك انها قد السيفيك مرتين ,, والعبره بالتجربه العمليه ,, رحت بيها سوق العبور وحملت نص السوق فيها ,, اشتريت مكتب كبير وسايد وكرسي مدير ,, طويت الكنبه الخلفيه ودخلتهم جواها ,, السايس بتاع الجراج كل مره يفاجأ ب 3 اطفال كبار نازلين منها والكوتشينه في ايديهم :)
طيب ,, بالنسبه للموتور هو صحيح 1500 بس قوي وكفائه رحت بيها مارينا محملها9 افراد وشنط فوق شبكة السقف ومشغل التكيف على اقصى قدره والسرعه 160 كيلو ماشاء الله ,, واطمنك ان محركها و ديهاتسو في الاساس ملك تويوتا ,, مستني ايه من محرك 4*4 ياباني و مصنعاه تويوتا !!! :)
تحيتي واستخير ربنا قبل ما تقرر ,,,

[م. تيمور]

حاجه كمان بخصوص قوة موتور تيريوس ,, ان الشركة زي مانت عارف منزله موديل لونج 7 راكب ,, ودي زياده عن الاولى بصف كراسي خلفيه ثالث ,, زائد مخارج خلفيه للتكيف مركبه بالسقف ,, وكل ده على نفس المحرك ال 1500 ,, تفتكر الهيئات الرقابيه الصارمه في اليابان لم تختبر وتتأكد من كفائة الموتور انه يشيل كل الاحمال الزايده دي بالركاب السبعه !!! :)
تحيتي ,,,

[MEDO_AHMED2]

انا شايف ان الموضوع دة مش متفصل عليك بالميلى يا تيمو وانت الى تتسال علية بس بصراحة انا ليا هقول سيفيك بس ليك هيه التيريوس +100 متفصلة عليك وياريت متحرمناش من مشاركاتك دى والهى يا رب ميوقفلك فردة كاوتش ابدا :):)

[م. تيمور]

وهل التريوس ناعمه على طرقنا المكسره ولا هتتعبنى

دي نقطه محسومه لتيريوس ,, وسبب رئيسي في الاقبال الكبير عليها في مصر ,, العفشه والمساعدين خدمه شاقه لانها مصممه اساسا اوف روود فالمطبات لا بتحس بيها ولا بتأثر في تيريوس عكس سيفيك .. لازم مطباتك يا مصر تختم عليها :),,
لو بتتكلم عن شوارع اوروبيه كنت قلتلك عالسيفيك ,, لكن في مصر النقطه دي سبب فشل سيفيك وبيعي لها ,,

[the_first_knight]

التريوس ( من وجهة نظري ) لا يمكن تصنيفها في فئة الدفع الرباعي ... هي سيارة سيدان بشكل سيارات الدفع الرباعي

فده معناه إنها واخدة مميزات السيدان وبشكل ملائم لطبيعة الطرق الوعرة ... مع القدرة على حمل 5 أو 7 أفراد براحة تامة

وأنا أعتقد إنها مش بتاعة جري لأن إرتفاعها عالي وده خطر على السرعات العالية
أما السيفيك فهي من أكثر السيارات أمانا على الطرقات السريعة

مميزات السيفيك :
شكل رياضي
رفاهية لأقصى درجة
ثبات على السرعات العالية
سهولة الحركة داخل المدن المزدحمة
ملائمة للعائلات الصغيرة

مميزات التريوس :
ملائمة للطرق الوعرة
ملائمة للعائلات الكبيرة


فمن وجهة نظري المتواضعة أن الاختيار أساسا يكون على حسب : طبيعة استخدام السيارة

[medo_2060]

سيفيك طبعا بس التريوس بالذات فكر تانى فيها لانها مناسبه لمصر اكتر من السيفيك

[wael_107]

التريوس ( من وجهة نظري ) لا يمكن تصنيفها في فئة الدفع الرباعي ... هي سيارة سيدان بشكل سيارات الدفع الرباعي

فده معناه إنها واخدة مميزات السيدان وبشكل ملائم لطبيعة الطرق الوعرة ... مع القدرة على حمل 5 أو 7 أفراد براحة تامة

وأنا أعتقد إنها مش بتاعة جري لأن إرتفاعها عالي وده خطر على السرعات العالية
أما السيفيك فهي من أكثر السيارات أمانا على الطرقات السريعة

مميزات السيفيك :
شكل رياضي
رفاهية لأقصى درجة
ثبات على السرعات العالية
سهولة الحركة داخل المدن المزدحمة
ملائمة للعائلات الصغيرة

مميزات التريوس :
ملائمة للطرق الوعرة
ملائمة للعائلات الكبيرة


فمن وجهة نظري المتواضعة أن الاختيار أساسا يكون على حسب : طبيعة استخدام السيارة

thanks very much
so
you mean terious is the best

[wael_107]

بالرغم من ان التصويت فى صالح السيفيك الا انى بدأت أميل للتيريوس
فاضل سؤالين
هل فيه أخبار عن تيريوس 2009
وهل أشترى 4x2 ولا 4x4

[م. تيمور]

بالرغم من ان التصويت فى صالح السيفيك الا انى بدأت أميل للتيريوس
فاضل سؤالين
هل فيه أخبار عن تيريوس 2009
وهل أشترى 4x2 ولا 4x4

انت لو طلبتها من التوكيل على مايجي دورك مش قبل 2009
وده رأيي انك ماتجيبهاش من بره التوكيل افضل ,, او موزع معتمد
رأيي 4*4 من غير ايرباج و ABS ,, مش حتحتاجهم ان شاااء الله
فاضل عليك اللون بقى ,, دي قصه تانيه لوحدها :) ,, ههههه

[wael_107]

شكرا باشمهندس تيمور
انا بس شايف ان فيه فرق كبير فى السعر بين 4x4 و 4x2 وعاوز اعرف هو الفرق كبير فى اداء العربيه ولا إيه وكنت عاوز أعرف اذا كان فيه أختلافات فى الموديل الجديد ولا لأ
وأشكرك مره أخرى لانك بسهل عليا الطريق جدا

[م. تيمور]

شكرا باشمهندس تيمور
انا بس شايف ان فيه فرق كبير فى السعر بين 4x4 و 4x2 وعاوز اعرف هو الفرق كبير فى اداء العربيه ولا إيه وكنت عاوز أعرف اذا كان فيه أختلافات فى الموديل الجديد ولا لأ
وأشكرك مره أخرى لانك بسهل عليا الطريق جدا

العفو استاذ وائل وكلنا هنا بنساعد بعض
الفرق بين الدفع الثنائي والدفع الرباعي عموما في نقطتين
الدفع الثنائي اسرع من الدفع الرباعي
الدفع الرباعي اكثر عزما وثباتا على الطريق من الثنائي وفي الطواريئ مثل الطرق الغير ممهده وعند الغرز مثلا فالرباعي اكثر تحكما وقوه بالطبع
ال GLX بتيجي بكماليات اكثر وافخم من ال GL
انا عارف ان فرق السعر كبير بس انت صاحب القرار في النقطه دي ,, يهمك الكماليات والعزم ام لا ,,
موديل 2009 ليس به اي اختلاف عن موديل 2008 ,,
وربنا يوفقك ,,

http://www.nilemotors.net/Nile/showthread.php?p=373677#post373677