محتار بين فورد اسكورت او ابيزا او كريستاله او هوندا سيفك

[محمود شوقي]

بسم الله الرحمن الرحيم

معي مبلغ 35 الف و اريد شراء سيارة و في حيرة بين فورد اسكورت و تمنها لا يتجاوز 30 الف او منديو او ابيزا 98 او لانسر كريستاله او هوندا سيفك اوائل التسعينات .

انا ده اول عربيه اجيبها و معنديش اي خبرة في الميكانيكا خالص و بحب العربيات بطبعتي و مش من هواة التغيير يعني العربيه الهجبها هتفضل معايا مش هغيرها الا للفارق في الاعلى ان شاء الله .

افيدوني يا خبراء و مع العلم ميولي للفورد اسكورت او اتصرف في 2 او 3 تاني و اجيب منديو و رافض تماما فكرة اجيب عربيه علشان سهلة البيع او علشان قطع غيرها رخيصه و مرترته عايز اركب عربيه اكون مرتاح في ركوبتها .

و شكر مبدئ للمشاركه

[محمود شوقي]

ايه يا جماعه هو انا مش باين في الكلام اني محتار بين العربيات المذكورة . فين الخبراء يقولولي الافضل مع توضيح من وجهة نظرهم

[kempel]

الفورد مونديو أحسن ما فيهم وتقارن بالفولكس باسات 99

[maheralsisi]

لو بتدور على ركوبة ممتاااازة من ضمن اختياراتك المونديو
بس 35 مش هايجيبوا لك لا مونديو و لا كريستالة الكريستالة بتلعب من 45 لحد 50
و المونديو النضيفة بتلعب من 42 لحد 45 و ممكن تلاقى مونديو اقل من كده ب 37 او 38 بس عشان تعرف تركبها صح و تحس بروعتها هاتصرف عليها برضه حوالى ال 5 حسب احتياجتها
حضرتك قلت ما يهمكش قطع الغيار غالية و لا لا المونديو للاسف قطع غيارها غالية جدا بس فيها ميزة (فى الفورد عموما ) قطع الغيار معمرة جدا جدا جدا اكتر من اى عربية تانى و نتيجة لأنها مش منتشرة مش هاتلاقى منها مضروب حتى الاستيراد بتاعها احسن من الجديد التايوانى و الكلام ده
الابيزا ممتازة برضه بس مش عائلية يعنى شبابى اكتر و مافيهاش مساحة للشنطة فى السفر و مع العائلة
الاسكورت زي المونديو بالنسبة للجودة و الركوب و المساحة بس اقل طبعا فى الاوبشن و قطع الغيار ارخص كتيررررر عن المونديو و الممتاز منها ممكن يوصل ل 32
حضرتك قلت انك مش غاوى تغيير فمش هاقول لحضرتك ان سوقهم تقيل فى البيع بالنسبة للفورد كله
لو عاوز ركوبة صح و نويت ع المونديو هات ال 2000 cc عشان ال 1600 تقيل شوية على جسم العربية
بس برضه ال 1600 ممتاز
لو هاتجيب الاسكورت هات ال 1600 الانجكشن افضل حاجة مع التكييف و ال 1600 الكاربراتير كويس برضه بس مش كل الناس بتعرف تظبطه ع التكييف و اسمع انها قطع غيارها اقل
ال 1300 تقيلة و مافيهاش باور ولا نازلة بتكييف و لو لقيت مكيف يبقى مش نازل فابريكة و سحبها ضعيف لأنها تقيلة
ماتور الاسكورت ال 1600 الانجكشن هو ماتور المونديو ال 1600 بس المونديو في منها اوتوماتيك بس اظن ان الوتوماتيك فى ال 2000 بس و الله أعلم
و اخيرا اسمح لى احييك على اختياراتك بالنسبة لرانج الفلوس اللى معاك لأن معظم الناس كانت هاتقول تجيب اكسيل
بس انا ركبت الاسكورت و الاكسيل و ما فيش وجه للمقارنة
غير ان الاكسيل قطع غيارها ارخص و اكثر انتشارا و فى نفس الوقت المضروب فيها كتير

[ابو لؤى]

بحب انا الناس اللى بتفكر زى حضرتك كده لان انا بعد ماركبت عربيه 128 علشان الناس كلها بتشكر فيها وللاسف خسرت فيها كتير اوى وغيرت كل قطع غيارها حاليا بدور على عربيه تعجبنى مش تعجب الناس وبرده بفكر فى الابيزا

[محمود شوقي]

الفورد مونديو أحسن ما فيهم وتقارن بالفولكس باسات 99

لو بتدور على ركوبة ممتاااازة من ضمن اختياراتك المونديو
بس 35 مش هايجيبوا لك لا مونديو و لا كريستالة الكريستالة بتلعب من 45 لحد 50
و المونديو النضيفة بتلعب من 42 لحد 45 و ممكن تلاقى مونديو اقل من كده ب 37 او 38 بس عشان تعرف تركبها صح و تحس بروعتها هاتصرف عليها برضه حوالى ال 5 حسب احتياجتها
حضرتك قلت ما يهمكش قطع الغيار غالية و لا لا المونديو للاسف قطع غيارها غالية جدا بس فيها ميزة (فى الفورد عموما ) قطع الغيار معمرة جدا جدا جدا اكتر من اى عربية تانى و نتيجة لأنها مش منتشرة مش هاتلاقى منها مضروب حتى الاستيراد بتاعها احسن من الجديد التايوانى و الكلام ده
الابيزا ممتازة برضه بس مش عائلية يعنى شبابى اكتر و مافيهاش مساحة للشنطة فى السفر و مع العائلة
الاسكورت زي المونديو بالنسبة للجودة و الركوب و المساحة بس اقل طبعا فى الاوبشن و قطع الغيار ارخص كتيررررر عن المونديو و الممتاز منها ممكن يوصل ل 32
حضرتك قلت انك مش غاوى تغيير فمش هاقول لحضرتك ان سوقهم تقيل فى البيع بالنسبة للفورد كله
لو عاوز ركوبة صح و نويت ع المونديو هات ال 2000 cc عشان ال 1600 تقيل شوية على جسم العربية
بس برضه ال 1600 ممتاز
لو هاتجيب الاسكورت هات ال 1600 الانجكشن افضل حاجة مع التكييف و ال 1600 الكاربراتير كويس برضه بس مش كل الناس بتعرف تظبطه ع التكييف و اسمع انها قطع غيارها اقل
ال 1300 تقيلة و مافيهاش باور ولا نازلة بتكييف و لو لقيت مكيف يبقى مش نازل فابريكة و سحبها ضعيف لأنها تقيلة
ماتور الاسكورت ال 1600 الانجكشن هو ماتور المونديو ال 1600 بس المونديو في منها اوتوماتيك بس اظن ان الوتوماتيك فى ال 2000 بس و الله أعلم
و اخيرا اسمح لى احييك على اختياراتك بالنسبة لرانج الفلوس اللى معاك لأن معظم الناس كانت هاتقول تجيب اكسيل
بس انا ركبت الاسكورت و الاكسيل و ما فيش وجه للمقارنة
غير ان الاكسيل قطع غيارها ارخص و اكثر انتشارا و فى نفس الوقت المضروب فيها كتير

بحب انا الناس اللى بتفكر زى حضرتك كده لان انا بعد ماركبت عربيه 128 علشان الناس كلها بتشكر فيها وللاسف خسرت فيها كتير اوى وغيرت كل قطع غيارها حاليا بدور على عربيه تعجبنى مش تعجب الناس وبرده بفكر فى الابيزا

الف شكر لاحسن اصحاب و ان شاء الله اسكورت حلتها حلوة او استنه شويه و اجيب منديو زي ما استاذ ماهر وضحلي و مرة تانيه الف الف شكر للتشجيع و الاهتمام و المعلومات