بقالى 7 شهور وزهقت ومحتار !

[SHEVA11111]

بقالى 7 شهور محتار ما بين جين 2 موديل 2014 او لانسر بومة 2014 .. او نيسان صنى سوبر صالون 2014 .. او هيونداى اكسنت 2014

كل مااستقر على عربية واللاقى ناس بتقولى ابعد عنها .. الجين 2 يتقالى فرامل .. البومة يتقالى شكلها قديم وكفاية بومة بقى .. النيسان كاوتشها بيلم زلط ولازم تغير الكاوتش وتقفيلها وحش .. الاكسنت يتقالى واطية وبتحك فى المطبات .. طب اشترى موتوسيكل طيب ولا ايه :( فياريت مساعدة بقى

[Ahmed.Essam]

في حالة المقارنة بين الاربع عربيات دول بالمنطق كده يبقى اللانسر افضل بس الرخامة هنا بقا زي ما بتقول كده انها شكل قديم وبقا ممل

حاول تحدد ميزانيتك كام
واحتياجاتك من العربية ايه ( يعني توفير بنزين ولا مش فارق , سفر كتير ولا مشاوير جوا المدينة اكتر , عاوز تعرف تبيع بسرعة ولا مش فارق لانك مش هتبيع قريب وهكذا يعني )

[Hmatchy]

زود شويه واركب سي اليزيه او 301 عربيتين جمال اوى

[merosss]

لو هنفكر تفكير عملى بعيد عن الشكل احسن عربية فيهم الانسر البومة انا لو مكان حضرتك لانسر الشكل دة مش موضوع ...

[Mohamed_Ayman]

ريو أو 301

[tifa2015]

لانسر شارك اول فئة بنفس سعر البومة تاخد الشكل مع الاعتمادية

[Abdo Taha]

بلاش البومة عربية قدمت و مملة حد في 2014 يركب عربية بقالها بتاع عشر سنين و بعدين سمعت ان الموديلات الجديدة فيها مشاكل و مش بنفس اعتمادية الموديلات الاقدم شوف ال 301 او الاليزية او حتى الريو افضل من الاختيارات دي

[J A G U A R]

فكر فى 301

[Marwan yahya]

اللي يخلي حضرتك تفكر في الاكسنت يبقى تفكر في بيجو 301 او سيتروين سي اليزيه عربيات محترمة وتستحق فلوسها

[speranz]

هيونداي اكسنت او كيا ريو
وريح دماغك

[S O P H O S]

لو فدولا يبقي لانسـر
وفعلا فكر فالريو والبيجو بردوا

[bayoumisoft]

لانسر وريح دماغك

[Ahmed TRAVCO]

انا مشكلتي مع اللانسر بومة مش ان شكلها قدم، انما الرخامة بقى انهم عدلوا فيها للأسوأ: عفشة امامية بتاعت الـ1300 + انهم شالوا الميزان الخلفي!!!! هي مع زميلي (2013) وشغالة كويس... بس فعلا لو بتمنها ممكن تجيب شارك تاني فئة ولا حاجة يبقى حلو قوي... مفيش بقى يبقى ممكن البيجو 301 عربية انتشرت وعاملة شغل حلو وفيها عوامل الأمان الأساسية...
الجين تو برضه قدمت جدا وفراملها سيئة، وان كان ثباتها ممتاز وصاجها ناشف... بس تقفيلها سيء جدا وتلاقي الملتي فنكشن ومكن الازاز بيعطلوا على طول بدون سبب...
الصني الجديدة انا بركبها في الشغل وكل السواقين بتوعنا بيشتموا فيها (مقارنة بالشكل اللي قبله)... ميزتها الوحيييدة انها واسعة جدا خصوصا في الكنبة، غير كده خامات وتابلوه مش عاجبيني خالص + مشكلة الكاوتش (وبالتالي ثبات غير جيد) واللي تقريبا اغلب ملاكها اشتكوا منها... وكمان العربية كلها هندي x مصري x صيني وصاجها ضعيف جدا جدا...
بالنسبة للأكسنت انا -مع احترامي لملاكها- مش بعترف بيها نهائيا لأن ثباتها في الضيااااع وصاجها وحش جدا، ولو كات بسعر اقل كنت ممكن ارشحهالك انما بـ140 والكلام ده حرام فيها بصراحة...

[ibrahimelt]

لو تقدر تزود ١٠ الاف فوق سعر البومه هاتلك فلوانس

[waleed acc]

شارك أول فئة - او جين تو
بالتوفيق