اسرع وانعم عربية تحت 200 الف

[K.Ossama]

لو على الأسرع بقى
فيه السيات ليون 1.2tsi

طبعاً موتزر الفيات البرافو أشد
بس الليون اقتراح تانى
على تساس ان ممكن يكون توكيلها أحسن شوية خصوصاً بعد ما بقت مع توكيل فولكس

[ibrahiiimooo]

بعيدا تماما عن الخناقة المعتاده بين انصار الكورولا و انصار السيفيك
افضل عربية في هذه الفئة من وجهة نظري هي الفورد فوكس للاسباب الاتية
ماتور ١٢٥ حصان و ١٥٩ نيوتن تورك مصاحب بفتيس ثوري من عائلة الDSG ( الفتيس الباور شيفت) و ان كان اقل من فتيس الفولكس في مشاكله
اثبت عربية لوجود العفشة المالتي لينك الدبل وشبون ( اسمه النظام الكنترول بليد) مع وجود esp في فئات الكومفورت (١٨٥ الف) و التيتانيوم مع وجود sport set up للعفشة لجعل تماسك العربية اعلى ما يمكن في المنحنيات
كما ان العفشة المالتي لينك تجعلها من انعم العربيات في هذه الفئة

[yasserelsayad]

ياللهول
ده الشكل اللي قبله كان140

لو كده يبقى الالنترا و السيراتو بقى
و البرافو طبعا

Sent from my GT-N7000 using Forum Runner

السيفيك الجيل اللى فات 125 حصان والجديدة باردوا 125 حصان لان ببساطة فيها نفس الـ drivetrain يعنى الموتور والفتيس الـ 5 اللى من غير استبترونيك

وبعدين السيفيك مش الاسرع بالعكس دى هى ابطئ طلعة فيهم .. تقريبا ابطئ من الكورولا كمان فى الطلعة من الثبات

[eslam.maghawry]

هو حضرتك ناوي تدخل بيها سباق ولا ايه
في التأني السلامة ربنا يحفظك

[corolladestroyer]

لو على الأسرع بقى
فيه السيات ليون 1.2TSI
ناعمة وتربو عزم 175 نيوتن عند 1400-4000 لفة
بس top speed حيبقى اقل
عيبها الفتيس ال DSG فتيس رائع فة التسارع، بس معاه شهادة معاملة أطفال

الشكل اللى قبله برضو كان نفس المواصفات 123 حصان
موضوع ال140 حصان دى كانت نصباية كبيرة من التوكيل لأن المواصفات اللى كانوا كاتبينها وبيقولوها كانت بتاعة الموتور ال 1.8

هو ده الكلام
الراجل بيسال سؤال واضح الاسرع والانعم
والناس عماله تقول فلونس وفوكس وكورولا وسيفيك ده كله محصل بعضه ياجماعه كله 1600 وكله ب torque لا يتجاوز ال 160nm لا جديد...
الاسرع فعلا هيا الليون ال 1.2 TSI وعلى فكره top speed برضو..
وك اوبشنز كتييره وك نعومه شاسيه جديد و set up جديد وركوبه الماني معتبره....

[swimmer25]

سرعة + ثبات + أمان + إعتمادية = سيفيك
الكورولا أكثر إعتمادية وأقل ثبات بسيط
الأنعم في التسارع متهيألي الكورولا بس مش متأكد
الأنعم في السواقة السيفيك

[تامر.محمد]

السيفيك الجيل اللى فات 125 حصان والجديدة باردوا 125 حصان لان ببساطة فيها نفس الـ drivetrain يعنى الموتور والفتيس الـ 5 اللى من غير استبترونيك

وبعدين السيفيك مش الاسرع بالعكس دى هى ابطئ طلعة فيهم .. تقريبا ابطئ من الكورولا كمان فى الطلعة من الثبات

بالنسبة للطلعة من الثبات فهي اتقل عشان الdrive-by-wire فيما اذكر
بالنسبة للحصان يبدو ان معلوماتي في الحتة دي طلعت بطيخ


بالنسبة للتسارع احنا كده عندنا البرافو 150 حصان و 120 حصان و العزم معدي 200 نيوتن
مش عارف ايه بقى ممكن يبقى قصادها

[Hosam_Optrawy]

بالإضافه للخيارات السابقه احب أضيف رينو كابتشر الجديده :)

1200 سى سى تربو 120 حصان 190 نيوتن تسارع 0-100 في 10.9 ثانيه

[Ahmod]

الناس اللي بيقولوا الفلوينس و الكورولا , يا جماعة الراجل بيقول (أسرع) :-)

موتور تويوتا ايه اللى عايز تقارنها بالهوندا السيفيك سيادتك

الكورولا تقارنها بالكورى زى الهيونداى ماشى

السيراتو ممكن

لكن السيفيك اساسا مينفعش لا ف مواتير ولا فى الثبات ولا فى الراحة والمتعة

كفايه ان تويوتا دايما عربياتها مسحوبة عيوب صناعة مش بالالفات لا قرابة 1.5 مليون عربية

من امبارح والنهارده بس

تقبل تحياتى

ده على اساس ان الكورولا بطة مثلا ؟؟

ايه يا جماعة انتو بتتكلمو في ايه ؟ الماتور اللى في الكورولا ال 2014 هو نفسه ال Dual vvti اللى كان بينزل في ال MMT

وال MMT بتزعل اي 1.6 بما فيهم السيفيك والكلام ده عن تجارب كتير

كورولا ايه بس يا ناس
كورولا تعبان جدا
احنا معانا ف البيت كورولا

اقسم بالله التيدا برقبتها

تعبانة من نحية ايه بالظبط ؟؟ هي الكورولا اللى مع حضرتك موديل كام ؟

[S O P H O S]

انا سألت نفس السؤال يا دكتور
اني كورولا الي بطيئة ؟؟!

[برنس الليالي]

اثبت عربية تحت الـ200 هي الاوبل استرا

[M R. Z E C O]

صديقي العضو
زود حاجة بسيطة وبص على سيتروين c5 بس هتنزل في اعادة البيع جامد فلازم متبعش قبل 5 سنين العربية دي زيها زي ال 508
تقبل مروري zeco

[JapRuleZ]

انا شايف ان للاسف ال topic ده اثبت ان معظم اعضاء المنتدى '' بيفتو '' فتى رهيب و معظمه كلام مش مبنى عن ادلة ولكن عن تجارب شخصيه فقط
انت عمرك متاخد كل خاجه فى العربية يعنى مفيش اسرع اشيك انعم اثبت ... انسى خالص حتى اسرع من 0-100 حاجة و بعد ال 100 حاجه
غلى العموم انا مسوقتش كل ال عربيات ال 1600 يس اقدر اقولك ان ال استرا نعمه جدا على الطريق تقريبا احسن واحده
ال سيفيك اسرع واحده
ال سوبارو امبريزا ثبات عالى جدا اعلى من ال bmw عشان ال AWD

[memo823000]

الموضوع بسيط
بما انك راكب صنى يبقى التطور الطبيعى للعربيه مع المحافظه على
الانتشار يعنى اعادة البيع - توكيل قوى - توافر قطع غيار - صيانه سهله - تكييف قوى
الراحة والنعومه فى الركوب اعلى من الصنى
الوسع اعلى من الصنى
الكماليات اعلى من الصنى
قوة الفرامل والامان والتسارع الثبات اعلى من الصنى
الفخامه على من الصنى
استهلاك البنزين موفره عن الصنى
يبقى من غير نقاش كورولا 2014

لان كل الانواع التى ذكرت سابقا تفتقد لبعض الشروط والتى لا اشجعها فى اتخاذ الخطوه لاقتنائها وهاحاول اذكر بعض منها لاحقا

[memo823000]

نبتدى بعيوب كل عربيه من وجهة نظرى الشخصيه

السيفيك بالنسبه لى فقيره جدا جدا فى الكماليات والانتشار وسوف يخلق صعوبه فى قطع الغيار

البرافو تكاد تكون معدومه لانها مغيرتش كل من كذا سنه مشمتذكر بالظبط وكمان هاتش باك وواطيه جدا جدا وطبعا توكيل واعادة بيع وهلم جره وكمان مفيش اصلا فيات دلوقتى 150 حصان كان موجود من سنه تقريبا 120 حصان الفتيس الدايلوجيك

الفورد ضيقه جدا وريسيل فى الارض و قطع الغيار

الاسترا توكيل ضعيف وتكييف وسحب فى الاول ضعيف والصالون كويس بس لو واحد طويل هيبقى مخنوق واعتقد اعادة البيع مش هيا

الفلوانس جميله ولكن الكورولا تتفوق عليها فى السحب والتكييف واعادة البيع

ننسى طبعا السيراتو والالنترا لانها عربيات متواضعه شويه فى الثبات وعدم وجود انظمة الثبات

الشارك عربيه مفهاش اى جديد من 2008 وخلاص الشكل قدم قوى وكمان الموتور مش قد كدا 117 حصان والفتيس اوتوماتيك لاجديد فيه وطبعا اعلى فئه ب 165 الف ومفهاش ولا سينسورز وبلوتوث ولا مثبت سرعه ولا فرامل ديسكات خلفيه ودى مهمه جدا للسيطره على العربيه فى الفرامل ولا مرايات ضم ولا esp يبقى برده تسقط فى الاختبار