ايه رايكم سيراتو ولا بيجو 2008 ولا فلوانس

[احمد زكي]

بيجو 2008 عربيه شكلها تحفه والسيراتو كويسه بردو بدور علي الاعتماديه ومش فارق معايا سعر اعاده البيع المهم العربيه المعمره وقطع الغيار اللي اركبها وانساها

[إبراهيم المصرى]

مفيش مقارنه فرق جامد اهم حاجة تحدد اللى انته عايزه من العربيه مثلاً توافر قطع الغيار واسعارها وسهوله الصيانه ولا الاهم وسائل الامان والثبات
ولو مش فارقه معاك اعادة البيع ويهمك عوامل الامان زى ال الى بى اس والارباج والثبات انا شخصيا شايف الفلوانس ممتازه

[ahmzd]

فلوينس اختيار جيد لعائلة .. وتصلح لشاب أيضا .. وبالتالي فهي تصلح لكل الأغراض .. والله أعلم .

[Yousef.Kamel]

انا شايف ان البيجو 2008 اختيار ممتاز وخصوصا انها عربية اوروبي وتقفيل فرنسها وسعرها منافس جدا بالنسبة لامكانياتها وكل حاجة محتاجها فيها من حيث كماليات ووسائل امان واعتمادية .......رأي شخصي

[mostafa magdy]

معنديش معلومات أوي عن ال 2008 بس هي عربيه Cross over عاليه يعني .. و عوامل الأمان فيها زي الفرنسي كله غالبه Ebd ِ, Abs ..
توكيل كويس .. بس مش ممتاز
قطع غيار غاليه

السيراتو الجديده ممتازه شكلا .. لكن لسه متجاهلين الأمان .. 2 أيرباج حتي في الهاي لاين .. الصاج وحش أوي و خفيف .. قعده الكرسي بتاعتها تستحق الإعجاب و التقدير .. سحبها ممتاز .. إستهلاك بنزين معقول
توكيل جيد ..
قطع غيارها برده الأعضاء قالوا إنها غاليه في قسم كيا ..

الخليجي نازل من غير إيموبليزر عشان محدش يخدعك .. الوكيل فيه إيموبليزر ..
الفلوينس الجديده .. عربيه عاليه ال Ground Clearance بتاعها 16.5 سم يعني عاليه برده .. عوامل أمان عاليه .. عائليه من الدرجه الأولي و حتي عاملين حساب كرسي البيبي أو ال Car seat بخاصيه الأيزوفيكس ..
ثباتها مقبول إلي درجه كبيره ..
إستهلاك بنزين محترم ..
واسعه من جوه أوي ..
كراسي مريحه ..
توكيل ممتاز .. عن تجربه معاه ..
شكلها في رأيي الأشيك و الأفخم في المقارنه دي .
لو البادجيت بتاع حضرتك يوصل ل 175 تمن الفئه الأولي في الكورولا 2014 .. هتبقي مقارنه عادله جدا بين الفلوينس و الكورولا .. إنما علي الوضع ده في رأيي الشخصي و بحياديه تامه و بمعلوماتي الضئيله .. " فلوينس " تربح
تحياتي

[احمد زكي]

بس حد يعرف البيجو دفع رباعي وفيها وسائل امان ولا

شكل البيجو اجمل من فلوانس والسيراتو اجمل بردو بس مش عاجبني الكوري وخصوصا ادفع فوق 150 الف من غير وسائل امان
واسمع ان قطع غيار الفلونس غاليه بردو مش هايفرق معايا غير الاعتماديه القطع المعمره واقلهم اعطال ووسائل الامان
مش اكتراخري ادفع 165الف

[S O P H O S]

بميل للرينو