سكودا رابيد ام سيات توليدو ام رينو فلوانس

[kgayyar]

محتار بين الثلاث عربيات التالية:

١- سكودا رابيد سيدان أوتوماتيك الفئة الثالثة
٢- رينو فلوانس الفئة الثانية أوتوماتيك e3
٣- سيات توليدو أوتوماتيك الفئة الثالثة

يا ريت تساعدوني في اتخاذ القرار مع وضع التوكيل و قطع الغيار في التوكيل في الاعتبار و لكن بعد الركوبة و وسائل الأمان و المتانة .. و لو في اقتراحات أخرى في نفس الفئة السعرية أو أقل

[abou-yahia]

توليدو

[kgayyar]

توليدو

شكرا لردك يا باشا .. بس ممكن تذكر تفصيل و أسباب إختيارك

[Hany Saad]

توكيل ممتاز: فلوانس
سعر اعادة بيع: فلوانس
توافر قطع غيار : فلوانس
موتور: فلوانس 115 حصان مقابل 105 للباقى
وسع و كماليات و شنطة و تكنولوجيا حديثة فلوانس
لاحظ ان الموتور و الفتيس بتاع التوليدو هو هو بتاع الفانتازيا القديمة
الرابيد على معلوماتى مانيوال فقط و مفيش منها اتوماتيك
الفلوانس كفئة سيارة اعلى من الرابيد و التوليدو

تحياتى

[kgayyar]

توكيل ممتاز: فلوانس
سعر اعادة بيع: فلوانس
توافر قطع غيار : فلوانس
موتور: فلوانس 115 حصان مقابل 105 للباقى
وسع و كماليات و شنطة و تكنولوجيا حديثة فلوانس
لاحظ ان الموتور و الفتيس بتاع التوليدو هو هو بتاع الفانتازيا القديمة
الرابيد على معلوماتى مانيوال فقط و مفيش منها اتوماتيك
الفلوانس كفئة سيارة اعلى من الرابيد و التوليدو

تحياتى

تسلم على الرد و الاهتمام و انا متفق مع معظم كلامك

تعليقا على كلامك الرابيد منها ٣ فئات اوتوماتيك ١٥١٠٠٠ و ١٦٢٠٠٠ و ١٦٦٠٠٠ دا بالنسبة للسيدان - و ٣ فئات أوتوماتيك للسبيس باك ١٥٥٠٠٠ و ١٧١٠٠٠ و ١٩٠٠٠٠
بالنسبة لموتور الرابيد و التوليدو فهو 1.6 MPI ٦ سرعات و ده موتور a4 و a5 بس ١٠٥ حصان بدل ١٠١ و ١٠٢ على حد علمي
انا ما شفتش التوليدو بس اللي شدني في الرابيد متانة صاجها و بساطة تصميمها و حجمها الاصغر خارجيا مع استغلال امثل للمساحة الداخلية
لكن طبعا اتفق معاك ١٠٠٪ في ان الاوبشنز و الكماليات في الفلوانس اعلى بالاضافة للوسع الملحوظ و ان كنت بحس ان الحجم الكبير مشكلة في بلدنا في الزحمة و الركن و العرضة للخبطات و الحكات
بالنسبة لموضوع فرق الحصان في المواتير انا ما سقتش الفلوانس و لا الرابيد بس في ال a5 نفس موتور الرابيد و اقل في الحصان و ما حسيتش بمشكلة

على فكرة انا كنت خلاص ناوي اخلص في الفلوانس الفئة التانية بعد البحث و سؤال بعض المالكين و قراءة تقارير و اعتقد حضرتك واحد منهم بس لما شفت الرابيد شدتني فقلت استشير الناس اللي ليها خبرة و خصوصا انها جديدة و ما فيش تجارب و تقارير عنها زي الفلوانس و طبعا اثناء البحث عرفت ان التوليدو تقريبا هي هي الرابيد فدخلتها في المقارنة

طبعا انا استبعدت الريو و الاكسنت و الالنترا و السيراتو (الكوري من الاخر لأن حرام يدفع فيه المبالغ دي) و اليارس و السيتي بالاضافة للشارك و التيدا الجديدة بس لو حد ليه رأي تاني مبني على أسباب يا ريت ما يبخلش علينا

[kgayyar]

و اللي عرفته كمان ان سيات توليدو يتم تصنيعها بمصنع مجموعه فولكس فاجن - سكودا - في التشيك مش مصنع سيات في اسبانيا و الكلام ده من الوكيل شركة كيان .. و لما اتفرجت على صور التوليدو لقيتها نسخة طبق الاصل من الرابيد يبقى كدا الفيصل بين العربيتين الوكيل و الكماليات فقط .. فلو كماليات العربيتين واحدة يبقى الاولوية للرابيد ارخص و وكيل معروف .. كدا ممكن نستبعد التوليدو .. مين ممكن يضيف معلومة يأكد أو يغير بيها الخيارات :)

[speranz]

رينو فلوانس
توكيل محترم
ثبات وكماليات وكل حاجة عايزها
يبقى من غير مغامرة فلوانس تكسب

[kgayyar]

رينو فلوانس
توكيل محترم
ثبات وكماليات وكل حاجة عايزها
يبقى من غير مغامرة فلوانس تكسب

مشكور على ردك الكريم ..
لو دخلنا مازدا ٣ الفئة التانية في المنافسة هتغير حاجة و لا لأ
يعني لو المنافسة بين الآتي:
١- فلوانس الفئة التانية أوتوماتيك ١٧٠,٠٠٠ جنيه
2- الرابيد الفئة التالتة أوتوماتيك ١٦٦,٠٠٠ جنيه
٣- المازدا ٣ الفئة التانية ١٧٥,٠٠٠ جنيه

[Hany Saad]

مشكور على ردك الكريم ..
لو دخلنا مازدا ٣ الفئة التانية في المنافسة هتغير حاجة و لا لأ
يعني لو المنافسة بين الآتي:
١- فلوانس الفئة التانية أوتوماتيك ١٧٠,٠٠٠ جنيه
2- الرابيد الفئة التالتة أوتوماتيك ١٦٦,٠٠٠ جنيه
٣- المازدا ٣ الفئة التانية ١٧٥,٠٠٠ جنيه

معنديش اى اعتراض على المازدا بل بالعكس عربية رائعة لو كنت متضايق من حجم الفلوانس
مشكلتى مع المازدا و سبب أساسى انى جبت الفلوانس هو التوكيل
مازدا توكيلها غبور و كمان مش مهتم بيها و انت بقى احكم لما تدفع ١٧٥ الف فى عربية مهما كانت جيدة بس توكيلها سىء
انا من النقط اللى كانت اساسية بالنسبة لى هى التوكيل و ظنى كان فى محله و غيرت قطمة دريكسيون فى قمة الاحترام تمنها قرب ال15 الف جنيه

ممكن تدخل معاك فى المقارنة
السيراتو
الكورولا
السيفيك

تحياتى

[kgayyar]

معنديش اى اعتراض على المازدا بل بالعكس عربية رائعة لو كنت متضايق من حجم الفلوانس
مشكلتى مع المازدا و سبب أساسى انى جبت الفلوانس هو التوكيل
مازدا توكيلها غبور و كمان مش مهتم بيها و انت بقى احكم لما تدفع ١٧٥ الف فى عربية مهما كانت جيدة بس توكيلها سىء
انا من النقط اللى كانت اساسية بالنسبة لى هى التوكيل و ظنى كان فى محله و غيرت قطمة دريكسيون فى قمة الاحترام تمنها قرب ال15 الف جنيه

ممكن تدخل معاك فى المقارنة
السيراتو
الكورولا
السيفيك

تحياتى

هاني باشا أشكرك على زوقك و اهتمامك
انت اكدتلي ان مازدا مشكلتها الاساسية في التوكيل
السيفيك غالية جدا و خارج الميزانية .. الكورولا مش متاح بالنسبة ليا غير أول فئة دا غير إني بفضل الفلوانس عليها .. اما السيراتو بحس انها ورق و ما فيش عوامل امان زي الاوروبي تصفيص للموتور و دعامات .. الخ و سعرها نااار بالنسبة لفئتها و صححلي معلوماتي لو مغلوطة .. يعني السيراتو ٦ فئات من ١٥٠ الف ل ١٩٢ الف على ايه مش عارف

[S O P H O S]

فرأي الرينو

[EmadFox]

متابع

[AhmedNaeem]

الرابيد هي a4
شكلها مش جديد اوبشن قليلة
لكن فلوانس شكل جديد واوبشن عالية
واعتقد ممكن تدخل معاك اوبل استرا وهتكون افضل من الاثنين
وربنا يوفقك في الاختيار

[kgayyar]

فرأي الرينو

شكرا لاهتمامك و ردك ..

[kgayyar]

الرابيد هي a4
شكلها مش جديد اوبشن قليلة
لكن فلوانس شكل جديد واوبشن عالية
واعتقد ممكن تدخل معاك اوبل استرا وهتكون افضل من الاثنين
وربنا يوفقك في الاختيار

شكرا لاهتمامك و ردك
الاسترا الناس خوفتني من وكيلها و قطع غيارها انت ايه رأيك