ياريس - فلوينس - سيراتو - سبيس باك

[my24434]

السلام عليكم اهل المنتدى الكرام


انا محتار بين كام عربية، كلهم في رينج 150 : 160 الف تقريبا


التويوتا الياريس الهاي لاين (حوالي 157 الف بعد الخصم)

الفلوينس البيز لاين

السيراتو البيز لاين

السكودا رابيد سبيس باك بيز لاين (مش عارف نزلت مصر ولا لسه)



اولوياتي للاختيار هي:

رقم واحد هي الاعتمادية، مش عايز عربية بتاعة مشاكل ولا وجع دماغ ولا اعطال، يعني جودتها عالية
رقم اتنين الامان
رقم ثلاثةالراحة بشكل عام في الطريق والمطبات وخلافه
رقم اربعة توكيل محترم (خدمة كويسة - اسعار معقولة - قطع غيار متوفرة)

اخر حاجة في اولوياتي هي الجري والشد وكده


تنصحوني بايه؟؟؟ وليه؟

ياريت ماحدش يقولي 301 ولا اليزيه !
يا ريت كمان تنصحوني بناءا على تجربة شخصية :)



شكرا مقدما ..

[skoda1996]

الاعتمادية : تويوتا سكودا فلوينس سيراتو
الامان : مش عارف البيز لاين سيراتو اخبارها اية في الايرباج ... بس غالبا الامان هيبقي نفس الترتيب بتاع الاعتماديه
التوكيل : قلوينس سيراتو تويوتا سكودا
الراحه في السواقه : علي حسب مشاويرك و الطرق اللي بتمشي عليها اكتر
رأيي في الياريس انها فوق الممتازة لكن يعيبها الموتور الصغير و لو كانت 1500 كانت هتبقي اختيار ممتاز
انا في نفس الحيرة بتاعتك تقريبا و شيلت السيراتو من المقارنة و بفاضل حاليا بين السكودا و التوليدو او كورولا خليجي لان اعادة البيع مش في دماغي حاليا
تجربتي الشخصية الطويلة مع السكودا ممتازة جدا و معايا رينو حاليا معقولة و توكيلها كويس

[S O P H O S]

الكيا او الرينو

[my24434]

الاعتمادية : تويوتا سكودا فلوينس سيراتو
الامان : مش عارف البيز لاين سيراتو اخبارها اية في الايرباج ... بس غالبا الامان هيبقي نفس الترتيب بتاع الاعتماديه
التوكيل : قلوينس سيراتو تويوتا سكودا
الراحه في السواقه : علي حسب مشاويرك و الطرق اللي بتمشي عليها اكتر
رأيي في الياريس انها فوق الممتازة لكن يعيبها الموتور الصغير و لو كانت 1500 كانت هتبقي اختيار ممتاز
انا في نفس الحيرة بتاعتك تقريبا و شيلت السيراتو من المقارنة و بفاضل حاليا بين السكودا و التوليدو او كورولا خليجي لان اعادة البيع مش في دماغي حاليا
تجربتي الشخصية الطويلة مع السكودا ممتازة جدا و معايا رينو حاليا معقولة و توكيلها كويس

متشكر جدا على ردك واهتمامك
جزاكم الله خيرا

الفكرة في الياريس
كل ما اقول ها اتوكل على الله فيها
باحس اني با اخد على قفايا من فكرة اني ادفع 160 الف في عربية 1300 سي سي

فا با افكر في الفلوينس او السكودا

بس السكودا الرابيد السبيس باك فاضية بمعنى كلمة فاضية

الفلوينس ظريفة برضه بس للاسف ماليش اي تجربة معاها مش عارف كويسة ولا لاه

بس بحس ان صاجها اي كلام (مجرد احساس)

[my24434]

الكيا او الرينو

متشكر برضه على الاهتمام .. بس ممكن تقولي ليه؟؟

[amgomaa]

السيراتو و الفلوينس

Sent from my GT-S5282 using Forum Runner

[my24434]

رأيي في الياريس انها فوق الممتازة لكن يعيبها الموتور الصغير و لو كانت 1500 كانت هتبقي اختيار ممتاز

عندي سؤال هنا، هل العربية حلوة لدرجة اني اضحي بالماتور القوي ؟؟

اصلا كده كده الجري والشد مش فارق معايا

بس مثلا الماتور ده لو 4 ركاب في العربية وبفرض الشنطة محملة كمان، والتكييف طبعا شغال، العربية ها تبقى اخبارها ايه ؟

انا في نفس الحيرة بتاعتك تقريبا و شيلت السيراتو من المقارنة و بفاضل حاليا بين السكودا و التوليدو او كورولا خليجي لان اعادة البيع مش في دماغي حاليا
تجربتي الشخصية الطويلة مع السكودا ممتازة جدا و معايا رينو حاليا معقولة و توكيلها كويس

افهم منك انك ميال للسكودا اكتر حاجة ؟

طيب الرابيد ولا السبيس باك؟

[Hany Saad]

الأخ الفاضل
طبعاً انا عارف انت اد ايه فى حيرة و لكن خلينى اوضحلك بعض النقاط يمكن اقدر اساعدك
بغض النظر ان حضرتك بتقارن سعر بسعر و لكن وجب التمييز بين فئات السيارات

الفلوانس و السيراتو و الكورولا و الأسترا و الأوكتافيا و الألنترا و الكروز و السيفيك و الجيتا كل دول من نفس الفئة
و الياريس و الرابيد و السيتى و الأكسنت و الريو و الأوبترا و البيجو 301 و السى اليزيه و التوليدو من فئة تانية أقل فى المواتير و التكنولوجيا و العفشة و الحجم و كل شىء مهما زادوا فى الكماليات

علشان كده التفكير المفروض يكون هل تاخد عربية من الفئة الأعلى بكماليات أقل و لا عربية من فئة اقل بكماليات أعلى؟

يعنى تشترى ياريس بحجم صغير و قاعدة ضيقة من ورا و موتور 1300 مكملش 100 حصان و عفشة خفيفة و و... بس هاى لاين و لا سيراتو مثلاً بموتور 122 حصان و عفشة أحسن بكثير و تكنولوجيا أعلى و عربية أوسع و ثبات أعلى بس بكماليات أقل

هنا السؤال و الأختيار هيكون ليك
تحياتى

[my24434]

الأخ الفاضل
طبعاً انا عارف انت اد ايه فى حيرة و لكن خلينى اوضحلك بعض النقاط يمكن اقدر اساعدك
بغض النظر ان حضرتك بتقارن سعر بسعر و لكن وجب التمييز بين فئات السيارات

الفلوانس و السيراتو و الكورولا و الأسترا و الأوكتافيا و الألنترا و الكروز و السيفيك و الجيتا كل دول من نفس الفئة
و الياريس و الرابيد و السيتى و الأكسنت و الريو و الأوبترا و البيجو 301 و السى اليزيه و التوليدو من فئة تانية أقل فى المواتير و التكنولوجيا و العفشة و الحجم و كل شىء مهما زادوا فى الكماليات

علشان كده التفكير المفروض يكون هل تاخد عربية من الفئة الأعلى بكماليات أقل و لا عربية من فئة اقل بكماليات أعلى؟

يعنى تشترى ياريس بحجم صغير و قاعدة ضيقة من ورا و موتور 1300 مكملش 100 حصان و عفشة خفيفة و و... بس هاى لاين و لا سيراتو مثلاً بموتور 122 حصان و عفشة أحسن بكثير و تكنولوجيا أعلى و عربية أوسع و ثبات أعلى بس بكماليات أقل

هنا السؤال و الأختيار هيكون ليك
تحياتى

عفااارم عليك
انت كده فهمت دماغي كويس اوي
انا حاسس مثلا ان الكماليات هي اللي بتخليك تحس براحة العربية
فا نص دماغي اليمين بيقولي خليك في الياريس ام ماتور ضعيف بس بكمليات كتييير اوي
ونص دماغي الشمال بيقولي كماليات ايه وبتاع ايه هات الفلونس الفاضية ععربية شيك وحلوة
وحتة تانية في قلبي بتقولي بدل ما ها تستغنى عن الامكانيات
هات السكودا سبيس باك عربية متانة وجامدة جدا

منتظر رايك

[skoda1996]

عندي سؤال هنا، هل العربية حلوة لدرجة اني اضحي بالماتور القوي ؟؟

اصلا كده كده الجري والشد مش فارق معايا

بس مثلا الماتور ده لو 4 ركاب في العربية وبفرض الشنطة محملة كمان، والتكييف طبعا شغال، العربية ها تبقى اخبارها ايه ؟


سألت نفس السؤال لمسئول البيع في التوكيل .... قالي ان كانت فئات من الكورورلا 2004 و 2005 كانت 1300 برده و لسه ماشية زي الفل و مطلوبة في السوق
هي وجهة نظر طبعالكن بصراحه انا شخصيا ما اقتنعتش 100%


افهم منك انك ميال للسكودا اكتر حاجة ؟

طيب الرابيد ولا السبيس باك؟

انا حيرتي حاليا اتحصرت في الرابيد 166.000 او الفلوينس 169.500 ...... و الفلوينس يميزها التوكيل"معايا حاليا اسكالا55 الف كيلو عربية محترمة جدا و عملية جدا جدا "
و طبعا الاسكودا الحب كله .. عربية ما بتقولش لا ... ربنا يهدينا للاختيار الصحيح

[my24434]

انا حيرتي حاليا اتحصرت في الرابيد 166.000 او الفلوينس 169.500 ...... و الفلوينس يميزها التوكيل"معايا حاليا اسكالا55 الف كيلو عربية محترمة جدا و عملية جدا جدا "
و طبعا الاسكودا الحب كله .. عربية ما بتقولش لا ... ربنا يهدينا للاختيار الصحيح

ربنا ييسر ليك الحال ويقدر ليك الخير


سؤال طيب معلش

الرابيد دي سيدان ولا هاتش باك؟

الاقي فين مواصفاتها عشان مش لاقيها على كونتاكت كارز

[skoda1996]

ربنا ييسر ليك الحال ويقدر ليك الخير


سؤال طيب معلش

الرابيد دي سيدان ولا هاتش باك؟
في سيدان و في سبيس باك ... انا هشتري السيدان باذن الله

الاقي فين مواصفاتها عشان مش لاقيها على كونتاكت كارز

شوف كده الفيديو ده https://www.youtube.com/watch?v=K2aZCVXkDgA
هنزل اشوف الفلوينس كمان مرة و الرابيد و اسأل عن اسعار القطع الرئيسية و هقولك عليها
الفلوس مش قليلة و المبلغ ما يسمحش ان الواحد يشتري عربية مش حاببها 1000%

[my24434]

بجد كتر خيرك .. اكيد ها تفيد اعضاء كتير جدا

يا ريت لو في امكانية تبص برضه على الهاتشباك الرابيد في فرق بينها وبين السيدان ولا لاه عشان سمعت انها اتطورت عنها كتير

[M R. Z E C O]

اكيد الاجابة سيات توليدو اعلى حاجة وبص عليها

[K.Ossama]

بجد كتر خيرك .. اكيد ها تفيد اعضاء كتير جدا

يا ريت لو في امكانية تبص برضه على الهاتشباك الرابيد في فرق بينها وبين السيدان ولا لاه عشان سمعت انها اتطورت عنها كتير

رأيى ان الرابيد الهاتشباك أغلى مما تستحق بمراحل