مقارنة صعبة شوية المرة دى ومحدش عملها

[shifoo68]

اية رايكم يا شباب فى مقارنة شاملة كل حاجة بين السيراتو فئة ال sx جنط 17 سمارت كى وفتحة سقف ووكيل وبين الرينو فلوانس الفئة التانية او التالتة واحدة ب 169500 والاخرى ب 178000 اية ارائكم ومين تكسب وفيما بعد عند اعادة البيع والتوكيل تقريبا واحد وشكرا

[ENG.MaRk]

السيراتو شكلها أحلي من الخارج و لكن الفلوانس من الداخل حدث ولا حرج ... الفيس ليفت مالوش حل .... السيراتو اعتمادية أكتر و تقريبا قطع غيارها متوفرة أكتر و لكن توكيل رينو محترم أكتر .... تقريبا سعر إعادة البيع أفضل لصالح السيراتو

[Dr.a.osman]

بص ياباشا
أنا جربت العربيتين لفترة ليست بالقصيرة. الاتنين عربيات محترمة جدا جدا. و نغمة ماتشتريش كورى أو فرنساوي بطلت فى العالم كله إلا مصر. الفلوينس عربية عائلية مثالية و ركوبة مريحة و شنطة أوسع. السيراتو عربية شبابية اكتر كأداء و شكل و انتيريور. الثبات الاتنين نفس الوزن و قريبين جدا من بعض و متسمعش كلام الناس اللي بتقول أن الكيا مش ثابتة. فرامل الفلوينس احسن من السيراتو. الاتنين و سائل الأمان فيهم قريبين من بعض ( انا بتكلم عن الفئتين اللي انت بتقارن بينهم). تكييف السيراتو أفضل و بفرق كبير. عفشة الفلوينس أنعم و أقوى و آكثر راحة ودى نقطة مهمة جدا فى بلد زى مصر. توافر قطع الغيار بالتأكيد لصالح السيراتو. جوده التوكيل الاتنين نفس الشركة بس رينو محترم اكتر و عايز يعمل سمعة كويسة للعربية بتاعت. بالنسبة للقيادة، لازم تجرب العربيتين الأول و خصوصا الفلوينس ﻷن فتيسها cvt و مش كل الناس بتحب سواقه و فى ناس ( و أنا واحد منهم) بيعتبروه ممل فى قيادته ( و مع ذلك يظل الفتيس الأقل استهلاك البنزين و الأقل مشاكل ﻷن تكنولوجيا بسيطة). السيراتو نفس الفتيس بتاع الشكل القديم (torque converter) ال 6 سرعات و ده محدش اشتكى منه. فى الختام حاول تعمل تيست درايف للعربيتين و استخير و قرر بعدها. وربنا يوفقك أيا كان الاختيار لأن العربيتين تحفة.

[ahmzd]

رأيي : الفلوينس أفضل .. والله أعلم .

[برنس الليالي]

الراحة الداخلية زي بعض العربيتين
العزل في السيراتو افضل عشان الفلوينس صوت المحرك فيها مقرف وانت واخد سرعتك
شدة السيراتو احسن بالمحرك الباشا دا
الشكل الداخلي للسيراتو بردك خصوصاً اعلى 3 فئات
الشكل الخارجي يرجعلك بس السيراتو من ورا عصرية آخر حاجة إنما الفلوينس من ورا تقليدية شوية
عفشة السيراتو مافيهاش ولا حاجة وحشة ولو بـ1% عشان مش زي السيراتو اللي فاتت خالص

[J A G U A R]

رأيي سيراتو

[S O P H O S]

السيراتو شكلها أحلي من الخارج و لكن الفلوانس من الداخل حدث ولا حرج ... الفيس ليفت مالوش حل .... السيراتو اعتمادية أكتر و تقريبا قطع غيارها متوفرة أكتر و لكن توكيل رينو محترم أكتر .... تقريبا سعر إعادة البيع أفضل لصالح السيراتو

بالنسبة للتوكيل فمفيش فرق بين الاثنين