فى حدود ال 170 ؟؟

[myself112]

ايه العربيات المتاحة فى رنج ال 160-170 الف فى المستعمل او الزيرو سواء اوربى او غيره
انا بعت عربيتى وللاسف مش عارف اجيب ايه و كل يوم اشوف عربية و اقول خلاص هى دى الاقى حاجة تانية طالعة فى طريقة و ارجع اعيد الحسابات من الاول .

يا ريت حد يساعدنى انى احصر الاختيارات فى عربيتين او 3 بالكتييير علشان ابدأ اقارن بينهم و اتوكل على الله لانى متبهدل من غير عربية ..
من اهم النقاط فى العربية موضوع استهلاك البنزين , لان لو قرار زيادة الاسعار ده اتطبق هيبقى الموضوع صعب .

[ahmzd]

تويوتا كورولا
لانسر شارك
هوندا سيتي
رينو فلوينس
والله أعلم

[myself112]

تويوتا كورولا
لانسر شارك
هوندا سيتي
رينو فلوينس
والله أعلم

ادعيلى اعرف اقرر و اختار ما بينهم :)
فعلا الموضوع صعب جدااا

[active]

لانسر شارك

[برنس الليالي]

الكورولا حتبقى مانيوال بلاش منها
الفلوينس حتبقى ناقصة احلا اوبشنز

الميزانية دي يا إما السيراتو يا إما التوليدو يا إما الشارك

[samoreception]

لو مستعمل يبقى هات فانتازيا هاى لاين موديل 2010 او موديل 2011 او 2012 بس هتبقى الفئة التانية
لو زيرو رينو فلونس

[J A G U A R]

رأيي سيراتو او فلوانس

[S O P H O S]

الكورولا او الرينو

[K.Ossama]

أظن الشارك حتبقى أحسن قيمة مقابل السعر

[yasser100]

الكورولا او الفلوينس . بس للاسف المبلغ اللى معاك هايأثر على الاوبشنز جامد فى الاتنين دول

[memo823000]

سيراتو وكيل ex fo 161000 بس خلى بالك واطيه شويه يعنى مطبات الزراعى والمطبات العاليه وانت محمل رخمه بس موتور وتكييف وخامات ووسع محترم

فلوانس e3 168000 عربيه محترمه واوبشن بالهبل بس الموتور والتكييف اقل من السيراتو ولكن العفشه ثابته ومحترمه وعاليه عن الارض وبرده القاعده ورا مشمريحه زى السيراتو

كورولا اول فئه 179000 اسم كبير ووسع وتكييف ونعومه وكمان العفشه عاليه ولكن اقل بكتير فى الاوبشن عن الفلوانس

كيا سول 176000 هاى لاين اعلى عفشه وكمان الصالون متوسط والقاعده مريحه ولكن الشكل فيه بعض الناس مبتتقبلوش ولون انا شايف شكلها حلو

[myself112]

سيراتو وكيل ex fo 161000 بس خلى بالك واطيه شويه يعنى مطبات الزراعى والمطبات العاليه وانت محمل رخمه بس موتور وتكييف وخامات ووسع محترم

فلوانس e3 168000 عربيه محترمه واوبشن بالهبل بس الموتور والتكييف اقل من السيراتو ولكن العفشه ثابته ومحترمه وعاليه عن الارض وبرده القاعده ورا مشمريحه زى السيراتو

كورولا اول فئه 179000 اسم كبير ووسع وتكييف ونعومه وكمان العفشه عاليه ولكن اقل بكتير فى الاوبشن عن الفلوانس

كيا سول 176000 هاى لاين اعلى عفشه وكمان الصالون متوسط والقاعده مريحه ولكن الشكل فيه بعض الناس مبتتقبلوش ولون انا شايف شكلها حلو

السيراتو كانت مع واحد صاحبى فى السعودية و بعها بعد 3 شهور من الزيروو و كرهنى فيها للاسف
الكورولا الفئة الاولى دى فاضية و طاسات و حاجة هم الهم .
كيا سول كذا حد قالى استهلاك البنزين عالى , بس مش متأكد من النقطة دى . بس انا حاليا بفضل العربيات السيدان علشان السفر .
الفلوانس فعلا كويسة جداا و بفكر فيها جدياا ..


انا حاليا بفكر ادور فى كسر الزيرو و ربنا يكرم والاقى حاجة كويسة . و متشكر جداا على رايك و مساعدتك و جزاء الله كل خير .