محتاره اشتري ايه

[Emy Saad]

السلام عليكم ورحمه الله وبركاته
انا سجلت لان المنتدي ماشاء الله ممتاز وواضح جدا خبره الكثيرين
من فضلكم انا عاوزه اشتري سياره وطبعا مستعمله وفي حدود 25 الي 27 الف
انا لفيت كتير جدا بس للاسف الي علي مواقع سيارات كلها سيارات مليانه مشاكل
وعلشان انا بنت ودي اول تجربه في شراء السيارات بيضحك عليا
بهتم بحاجات بشوفها مهمه بالنسبالي و واضح انها مش الاولويه
زي التكييف وزجاج كهرباء وهاتشباك والاهم اوووووووووي
تكون باور لاني لما كنت بتعلم اتعلمت علي 28 وكنت هعيط وانا بركن درعاتي وجعتني جدااااااااا وكرهت ال 28 بسبب كدا
فلازم طبعا عربيه فيها باور
لاقيت عربيات نظيفه جداااااا زي الفور فيسيتا و شارد 92 نظاف جدا ومفهمش الهوا
بس الميكانيكي ومحلات قطع الغيار قالولي هتغلبي علشان تجيبي قطع الغيار
وانا اصلا معنديش اخوات ولاد يلفو علي قطع غيار كمان مش علشان اجيب عربيه هبهدل بابا
ومش عاوزه عربيه تكون مشاكلها كتير علشان مش ينفع كل يوم والثاني عند الميكانيكيين وطبعا معروفه السخافات علي البنات
عجباني البرايد بس مش لاقيه بالسعر الي معايه
لاقيت اونو بس سمعت ان تكييف مش كويس وكمان انها 1000 C C يعني مش بتاعت سفر اوي
وعجبني شكل السكودا بس عرفت ان مفهاش باور وطبعا دي مصيبه بالنسبالي
والشارد كنت بدور فيها بس قالو لازم حديثه علشان تتوافر قطع الغيار
وشلت من دماغي فكره الفورد طبعا
والبولو غير مناسبه تماما للي معايه
ياريت بخبرتكم تفيدوني بالانسب ليا في حدود المبلغ الي معايه
وميكنش فيها مشاكل كتير
ومحدش يجبلي سيره ماروتي لانها عامله زي علبه الكبريت بكررررها
وشكرا جزيلا ليكم جميعا وعلي مجهدكم الرائع في المنتدي

[eng.m7md.ali]

قدام حضرتك اختيارات زي الابيزا 94 .. بيجو 205 .. ديهاتسوا ميرا زي ماحضرتك قولتي .. العربيات دي قطع غيارها رخيصة وموجودة كتير .. ولولى ان حضرتك بنت كنت قولتلك لادا نيفا عربية كوويسة بس معرفش باور ولالا

[ENG.MaRk]

علي فكرة انا بسافر عادي بالأونو و تقريبا هي الوحيدة اللي هتلاقي حالتها معقولة بالسعر ده و قطع غيارها متوافرة

[Emy Saad]

قدام حضرتك اختيارات زي الابيزا 94 .. بيجو 205 .. ديهاتسوا ميرا زي ماحضرتك قولتي .. العربيات دي قطع غيارها رخيصة وموجودة كتير .. ولولى ان حضرتك بنت كنت قولتلك لادا نيفا عربية كوويسة بس معرفش باور ولالا

لالالالا نيفا لا هي دي عربيه اساسا
الابيزا جميله برضو بس لقيت في حدود الفلوس الي معايه 92 سيستم بورش
ملقتش 94 خالص
وسيستم بورش سمعت ان ليه عيوب
دا فعلا ولا لا وايه هي الهعيوب

[Emy Saad]

علي فكرة انا بسافر عادي بالأونو و تقريبا هي الوحيدة اللي هتلاقي حالتها معقولة بالسعر ده و قطع غيارها متوافرة

الي محضرتك موديل كام واخبار التكييف ايه لاني قريت ان التكييف فيها ملهوش لازمه
ومتوسط السعر كام
لاني لاقيت واحده ايطالي اصلي 93 فربيكا بره وجوه وحالتها فوق الوصف بس كان ماسك في 28500 مش راضي ينزل ولا شلن وطبعا شيلت الفكره من دماغي

[eng.m7md.ali]

لالالالا نيفا لا هي دي عربيه اساسا
الابيزا جميله برضو بس لقيت في حدود الفلوس الي معايه 92 سيستم بورش
ملقتش 94 خالص
وسيستم بورش سمعت ان ليه عيوب
دا فعلا ولا لا وايه هي الهعيوب

السيستم بورش بعيدة تماماً عن الابيزا اللي اقصدها وكمان مش حلوة خاااااالص

دوري حضرتك ممكن تلاقي وبصي كمان عالبيجو 205 حلوة

[mahmoud_ali]

هواندا اكورد 87 او سفيك او شارد او ابيزا او فيلشيا

[J A G U A R]

اعتقد افضل اختيار جيلى فروته

[Emy Saad]

اعتقد افضل اختيار جيلى فروته

ميرسي لحضرتك بس انا مبحبش الصيني تقدر تقول تقول معقده من ابن خالي كان معاه سبرانزا وهي طبعا احسن من الجيلي كتير

[aw2100]

افضل عربية ليكى فى حدود ال27 الف
جولف او ابيزا وفية الاسكودا فورمان عربيات المانى مصفحة وقطع غيارها معقولة بس اهم حاجة تدورى قبل ماتشترى على ميكانيكى معرفة امين ومحترم يشترى ليكى العربية بعد مايفصصها ويلتزم بصيانتها بعد كده اهم حاجة حاله العربية و 1000 مبروك على العربية الجديدة !!

[Emy Saad]

السيستم بورش بعيدة تماماً عن الابيزا اللي اقصدها وكمان مش حلوة خاااااالص

دوري حضرتك ممكن تلاقي وبصي كمان عالبيجو 205 حلوة

اوكي هدور عليهم برضو وربنا يسهل ان شاء الله
انا بقالي 4 شهور وبدور وتعبت من اللف وكمان الفلوس الي المكنيكي بياخدها في كل مره بيجي معايه

[Emy Saad]

هواندا اكورد 87 او سفيك او شارد او ابيزا او فيلشيا

سيبك من كل العربيات
سلم ايدك علي التوقيع

[S O P H O S]

مع تقدير الاراء ولكن المبلغ مش هيجيب عربية جولف او ابيزا
تكون كويسة ولو ماتور متوسط هيكون تكيف غير مجزي
وبدل ما تكون العربية للراحة هتكون للتعب كل شوية تصليح
وحضرتك مش اكيد هتعرفي تجيبي عربية قديمة حالتها كويسة بالدرجة الكافية
فالنهاية عفوا علي رأي بس انا ضدد انك تشتري عربية تتعبي معاها عالفاضي وكمليات مش شغالة
مجرد رأي شخصــي .. ّ ّ

[إبراهيم المصرى]

بونتو 94 ممتازه

[إبراهيم المصرى]

اوبل كورسا 94