أيهم أفضل أوبل أم سوبارو أم فلوينس

[scientist9508]

بسم الله الرحمن الرحيم

الأخوه الكرام

أفكر فى شراء سياره فى حدود 200,000 جنيه و أنا أفكر فى سياره من الثلاث سيارات الآتيه
1- أوبل أسترا كوزمو أوتوماتيك
2 - رينو فلوينس A/T T/L 1.6
3 - سوبارو إمبريزا Special edition

برجاء النصيحه

السلام عليكم ورحمة الله و بركاته

[ahmad--ezzat]

امبريزاااا

السيارة اليابانية رقم 1 في العالم
السيارة المعمره الأكثر في العالم
قمة في فاعلية الأداء و الثبات علي الطريق
الأكثر أمانا علي الطريق
من أكثر السيارات الصديقة للبيئة
boxer engine
السيارة دفع كلي

[mac os]

امبريزا بس طبعا قطع غيار متلقيش بره التوكيل واعادهبيع مفيش برده هتخسر جامد ونادره الوجود فى الشارع

بص على السيفيك او الكورولا

[madmant]

سوبارو امبريزا طبعا ثم بعدها اوبل استرا ثم رينو فلوينس

[تامر.محمد]

يا ريت تقول احتياجاتك و اولوياتك عشان على اساسها الناس تنصحك بالافضل ليك

[Mahmoud/Nabil]

مشكلة السوبارو قطع الغيار و اعادة البيع بس هي عربيه مقيش عليها كلام ممتازه

[إبراهيم المصرى]

بالتوفيق ان شاء الله

[إبراهيم المصرى]

الاوبل ثم الرينو ثم السوبارو
وذلك لان الاوبل فيها كل اللى بتحلم بيه وزياده
وطبعا مش بنكر ان السوبارو 4×4 وممتازه بس قطع غيار وصيانه واعادة بيع مشكله
والفلوانس ممتازة برضه بس الاوبل فى رأيي افضل

[ahmzd]

فلوينس علشان الوسع الداخلي والارتفاع عن الأرض والتوكيل المحترم والفتيس والموتور اليابانيين .. والله أعلم .

[scientist9508]

بسم الله الرحمن الرحيم

كل الأخوه الأفاضل الذين شاركوا بآرائهم

أقدم لك كل الشكر و التقدير على إهتمامكم و نصائحكم الغاليه

بات واضحآ من آرائكم أن السوباروا حازت على العدد الأكبر من الأصوات و كذلك التحفظات بعد الشراء و أنا لا أزال فى حيرتى لذلك سأذكر لكم مزيد التفاصيل ربما يقلل ذلك الحيره أو ينهيها تمامآ.

1 - أنا أسافر كثيرآ و أحتاج لسيارة سريعه و ثابته على الطريق جدآ
2 - و كذلك أحتاج لسياره آمنه تحسبآ لاقدر الله أن الأمور ساءت على الطريق
3 - أزمات الوقود بالنسبه لشخص مثلى كثير السفر هى مصائب و فى بعض الأحيان خراب بيوت لذلك أحتاج سياره موفره فى إستهلاك الوقود بدلآ من أن أضطر إلى إستخدام جراكن البنزين و ما تسببه هذه الطريقه من ملىء الخزان بالوقود من إنسدادات فى دائرة الوقود
4 - أنا حاليآ أمتلك ماروتى وهى سيارة رائعه جدآ جدآ و لكنها لا تدعم وصول سريع فى سفر بعيد كما أن عيوبها لا تخفى على محترفين أمثال حضراتكم. أنا حقيقة سئمت من إستخدام جراكن البنزين و ما يسببه من عقبات أولها إستحالة أن تصطحب أحد معك فى الكنبه الخلفيه للماروتى لوجود جراكن البنزين أسفلها
5 - يترتب على سفرى الكثير و المتكرر إستهلاك عالى للسياره خلال وقت قصير لذلك أريد سياره عمرها طويل حتى لا أجد نفسى فى النهايه أعمل من أجد أن أنفق على السيارات بدلآ من أهلى و بيتى
6 - يترتب أيضآ على سفرى الكثير و المتكرر إحتياجى لسياره أسعار صياناتها و قطع غيارها مقبوله (لا أطلب أن تكون رخصيه لأننى أبحث فى شريحه غاليه و أعلم ذلك جيدآ)
7 - أحتاج لراحتى أيضآ أن يكون لتوكيل السياره فروع متعدده فى شتى المحافظات حتى لا أضطر للعوده للقاهره مخصوص فقط للصيانه ثم العوده من جديد للمحافظة التى كنت بها لأستأنف ما كنت أعمله بها

أعتذر عن الإطاله و لكن أرجو منكم المزيد من النصائح و التفاصيل

و جزاكم الله كل الخير

و السلام عليكم و حرمة الله و بركاته

[إبراهيم المصرى]

ما ذكرته حضرتك يحسم الموضوع لصالح واحده من الثلاثه المذكورين وهى الاوبل

[carrier]

بسم الله الرحمن الرحيم

6 - يترتب أيضآ على سفرى الكثير و المتكرر إحتياجى لسياره أسعار صياناتها و قطع غيارها مقبوله
7 - أن يكون لتوكيل السياره فروع متعدده فى شتى المحافظات حتى لا أضطر للعوده للقاهره مخصوص فقط للصيانه ثم العوده من جديد للمحافظة التى كنت بها لأستأنف ما كنت أعمله بها

مش عارف حاسس ان متطلباتك بشروطها جاية للاسف فى عربية كورى هاى لاين

[تامر.محمد]

1 - أنا أسافر كثيرآ و أحتاج لسيارة سريعه و ثابته على الطريق جدآ

مش عارف مفهوم حضرتك لسريعة التسارع ولا السرعة القصوى ، بس عموما بالنسبة للسرعة القصوى التلاتة ممتازين ، بالنسبة للتسارع التلاتة برده كويسين بس مش احسن حاجة في السوق
بالنسبة للثبات التلاتة كويسين جدا ، لكن على الترتيب: سوبارو ، استرا ، فلوينس

2 - و كذلك أحتاج لسياره آمنه تحسبآ لاقدر الله أن الأمور ساءت على الطريق

بالنسبة لعوامل الامان انا مش باحب اقعد اعد الايرباجز و النظام ده ، لكن عموما انا ماعرفش السوبارو بالظبط ، و الفلوينس فئة 188 فيها 6 ايرباج و الفئات الاقل فيها بس ، الاسترا كل فئاتها فيها 4 ايرباحز ، و فيها فئة فيها esp اظن الكوزمو بس مش متأكد

3 - أزمات الوقود بالنسبه لشخص مثلى كثير السفر هى مصائب و فى بعض الأحيان خراب بيوت لذلك أحتاج سياره موفره فى إستهلاك الوقود بدلآ من أن أضطر إلى إستخدام جراكن البنزين و ما تسببه هذه الطريقه من ملىء الخزان بالوقود من إنسدادات فى دائرة الوقود

الفلوينس اولا ، اقل استهلاك فيهم و اكبر تانك

4 - أنا حاليآ أمتلك ماروتى وهى سيارة رائعه جدآ جدآ و لكنها لا تدعم وصول سريع فى سفر بعيد كما أن عيوبها لا تخفى على محترفين أمثال حضراتكم. أنا حقيقة سئمت من إستخدام جراكن البنزين و ما يسببه من عقبات أولها إستحالة أن تصطحب أحد معك فى الكنبه الخلفيه للماروتى لوجود جراكن البنزين أسفلها

مش هاتبقى الحكاية دي في اي منهم

5 - يترتب على سفرى الكثير و المتكرر إستهلاك عالى للسياره خلال وقت قصير لذلك أريد سياره عمرها طويل حتى لا أجد نفسى فى النهايه أعمل من أجد أن أنفق على السيارات بدلآ من أهلى و بيتى

دي بتتكلم في ياباني و بالتالي السوبارو اولا ثم الفلوينس المهجنة ياباني ثم الاسترا ، و ان كنت مش شايفها مقياس

6 - يترتب أيضآ على سفرى الكثير و المتكرر إحتياجى لسياره أسعار صياناتها و قطع غيارها مقبوله (لا أطلب أن تكون رخصيه لأننى أبحث فى شريحه غاليه و أعلم ذلك جيدآ)

اقلهم الفلوينس ، ماعرفش الاسترا اقل ولا السوبارو

7 - أحتاج لراحتى أيضآ أن يكون لتوكيل السياره فروع متعدده فى شتى المحافظات حتى لا أضطر للعوده للقاهره مخصوص فقط للصيانه ثم العوده من جديد للمحافظة التى كنت بها لأستأنف ما كنت أعمله بها

دي منصور يتفوق على حد علمي ، ثم رينو ، ثم سوبارو

انصح حضرتك تركب ال3 عربيات
و مش تحيز والله لاني راكب رينو بس من وسط التلاتة دول طالما يهمك الراحة في السفر و المساحة الداخلية يبقى فلوينس

ممكن تحط الكورولا في حساباتك كمان ، جديرة جدا بوضعها في الاعتبار

Sent from my GT-N7000 using Forum Runner

[K.Ossama]

7 - أحتاج لراحتى أيضآ أن يكون لتوكيل السياره فروع متعدده فى شتى المحافظات حتى لا أضطر للعوده للقاهره مخصوص فقط للصيانه ثم العوده من جديد للمحافظة التى كنت بها لأستأنف ما كنت أعمله بها

النقطة دى بالذات تخرج السوبارو من الحسبة لأن مراكز الصيانة محدودة فى المحافظات.

[Mohamed.Hany]

انا راي بالترتيب
استرا
فلوانس
امبريزا

و شايف انك ممكن تدخل السيفيك و الكورولا في المقارنة عشان تبقي علي نطاق اوسع