ايهما افضل النيو اكسنت ام الافيو

[bebo12125]

ايهما افضل النيو اكسنت ام الافيو

[ASKAFRAWY]

الافيو احسن فى الثبات والشكل وخصوصا ان الفرق فى السعر مش كبير

انا جربت الافيو على الطريق ثابتة عن الاكسنت بس لو انت مبتجريش بالعربية يبقى الاكسنت لان قطع غيارها ارخص من الافيو

[Hatemhamdi]

النيو اكسنت افضل من حيث الصالون الداخلى اوسع و شكله اشيك من الافيو بكثير بالاضافة ان النيو اكسنت بتجيب ال 160 و انت مش حاسس ان العربية بتجرى او خفيفة

[tutankhamoun]

الفروق مش كبيرة
الا ان النيو اكسنت موتورها تكنولوجيا اجدد

الاثنين ثباتهم مش قوي بس الاكسنت افضل قليلا

الافيو في الثبات ............ ضايعة فوق 100 أو 90
بتحس بالسرعة جامد و لو فيه اي مطب العربية بتنط فيه أو تمويجة على الطريق
انا مجربتش النيو اكسنت قوي علشان اديك وصف تفصيلي للثبات
انما كلامي عن الافيو عن تجربة فعلية و قيادة لمسافة طويلة

[mando_07]

ya gma3a elnew accent stable msh day3a 5ales bs 3ebha 3fshtha elnashfa

[waleedrahmy]

النيو اكسنت تحس انها في تقفيلها ياباني مش كوري هي في رأي افخم واحدث من الافيو في التكنولوجيا

[Rsarabia]

النيو اكسنت اثبت واوسع بس انا مش بحب كلمة اكسنت مش عارف ليه
الافيو اشيك جدا من جوة و من برة و موتورها ناعم جدا و العفشة ناعمة بس خفيفة

انا لو هشترى دى او دى هاخد افيو على رأى الاعلان اى افيو

[shanodaa]

نيو اكسنت طبعا ثبات ثبات تكنولجيا احدث من الافيو

[CryptonX]

new accent
من غير نقاش طويل ! حتى احسن من الكوري الهاشتباك .

ممكن يكون تقفيل الافيو من جوة احسن شوية او مماثل بس كل حاجة تانية الاكسنت احسن طبها ..
كفايا المحرك ال 1600 CVVT
مقارنة مع محرك الانوس الي في الافيو ..

[Hassan Khalil]

الاخوة افادوا في كل حاجة ..
احب بس اوضح ان اتساع الصالون بيكون لصالح الاقيو مش الاكسنت .. لان الافيو سقفها اعلي من الاكسنت .. و الي حد ما - اعرض - من الاكسنت

[tamer51177]

الأكسنت بدون تردد ، الأفيو دي لانوس متنكرة :k20:

[shanodaa]

الأكسنت بدون تردد ، الأفيو دي لانوس متنكرة :k20:

لا طبعا
متكرر في الماتور فقط
لكن ثبات الانوس افضل من الافيز بكتيييييييييييييييييييير

[devilishtigers]

طب ما تجرب تشوف الكيا ريو 2009 بجد عربية خرااااااااااااااافة

[mozzaaaa_82]

الاكسنت 1600 cc و 112 حصان بتكنولوجيا جديدة يعني المعدل بتعها (العزم) 14.28

اما الافيو 1500 و 84 حصان تكنولوجيا قديمة(موتور لانوس) بس عملين شوية تعديلات بس المعدل بتعها (العزم) 17.85

وعشان تكون عارف المعدل (العزم) دة عبارة عن قسمة ال cc علي قوة الحصان بتاع العربية (عدد الcc / عدد الاحصنة) و دة رقم حقيقي بيثبتلك قوة السيارة ومدي توفيرها يعني كل ما الرقم دة يقرب من 20 تبقي عربية مستهلكة للبنزين وضعيفة في قوة الموتور وكل ما يقرب من 10 كل ماهتكون موفرة واقوي في الموتور مع طبعا ملاحظة عدد الاحصنة عشان اكيد هايزيد الرقم .

اللي الناس ماتعرفوش ان المعادلة دي هي اللي المفروض تقيس عليها اي عربية من ناحية الاستهلاك للبنزين والقوة ف لاداء وكمان عدد الاحصنة بيفرق عشان لو العربية فيها تكييف (قدرة اي تكييف تقاس بالحصان).واسال ف المنتدي هتلاقي ناس كتيرة عندها افيو وبتشتكي من التكيف و استهلاك البنزين

واوعي تبص علي حاجة تانية بعد كدة في اي عربية غير ثباتها علي الطريق و ابعد عن اي حاجة تشدك ف العربية من ناحية شكلها و تنسي امكانياتها الحقيقية.وكل توكيلات اعربيات ف مصر مش اد كدة وكل الاوبشنز اللي بتزل السوق المصري برضة مش كلها او علي الاقل مش زي اللي بتنزل برة و ادخل علي موقع ايعربية انت عايز تشتريها وبص علي الاوبشنز برة مصر مش هتلاقي فعلان عربيات بتنزل مصر فيها فول اوبشنز غير حبة صغيرين اوي والباقي بالسلامة ياقلبي.

يعني بكدة تقدر تشتري الاكسنت و انت مطمن ان فلوسك مش ف الارض.

[ouba2]

النيو اكسنت