اريد سياره في حدود 100 الف جنيه ممكن تساعدوني

[bedo131]

السلام عليكم
معايا اكسنت 2006 الشكل القديم اول يد و اغير و اشتري عربيه فى حدود 100 الف ايه رايكوا اجيب مستعمل ولا جديد
و المستعمل اجيب لانسر بومه ولا شارك و لا كيا سيراتو ولا كارينز انا محتار جداا

[scientist9508]

بسم الله الرحمن الرحيم

الأخ الفاضل و السائل على سياره فى حدود 100,000 جنيه

أقدم لك نصيحه من خبرتى الخاصه. إبتعد تمامآ عن المستعمل و خاصة أن المبلغ الذى معك ليس قليل بل مناسب جدآ لشراء سياره جديده و جيده جدآ فى نفس الوقت

لن أقوم بترشيح أنواع أو حتى موديلات لك بل تفضل بعمل بحث قصير و سريع عن الأنواع و الماركات و الموديلات التى يمكن شراؤها فى حدود هذا المبلغ ثم إطرح الأمر للمناقشه و التصويت فى المنتدى لأنك لو تركت أعضاء المنتدى يرشحون لك ستزداد حيره لأنهم سيعرضون عليك أنواع كثيره و موديلات أكثر

وفقك الله لأرشد أمرك

و السلام عليكم و رحمة الله و بركاته

[Mohyeldin1974]

حسب متطلباتك وعدد افراد الاسره ، رأيى تشوف الرينو stepway

[miceg]

لو استعمال لانسر - صني شكل قديم- مازدا 3
ودي أضمن حاجه تتجاب إستعمال وهتاخد برضه خيرها
لكن منصحكش بالكوري عموما مستعمل وخاصه لو موديلات قديمه
لو زيرو الاختيارات مش كثيرة وابعد عن الصيني

[tarek zedan]

باشا من الاخر انا معايا الرينج دة ومش هتلاقى احسن من الاتنين دول ورهان مع اى حد يقولك غير كدة ،،، رقم واحد التويوتا كورولا خليجى ٢٠٠٩ او سوبر اكشن ٢٠٠٩ وكلهم برة وجوة شوف نفسك فى ابه بقى

[simon659]

كلام زي الفل بتاع الناس دي
بس نقطتتين بس هتكلم فيهم الاولي افضل اختيار في الزيرو كا100 الف مش يجيبو حاجه يا امه تزود شويه وتجيب بيجو 301 او تزود اكتر وتجيب القرش تاني فئه او حتي اول فئه دي نقطه ....
النقطه التانيه بتاعت المستعمل الي هو كلام الناس الي معاه لانسر 2009 وتيوتا وغيره هتسمع اسعار فلكيه لو عربيه كويسه هتلاقي في قله ادب ولو قرش كلو هتلاقي راشش من بره وجوه الله واعلم ولو النترا هتلاقي كلام برضو غبي طيب الحل في المستعمل اييييييه
هي الاوبترا عربيه ممتازه هتجيب عربيه في حدود من 80 الي 90 الف هتطلع عين ابوها وهتلاقي فلوسك ولو يا اخي خسرت مش هتخسر كتير علشان تجيب عربيه الاحلام لما ربنا يكرمك وعلي فكره عربيه ممتازه عن تجربه واعتماديه والانسر والالنترا وغيره مش اعلي من الاوبترا كتير في الفئه دا ده لو هتجيب مستعمل
علي فكره كل ده وانا بتكلم علي فئات الاوتو

[ahmzd]

الأوبترا ممتازة في فئتها السعرية ( وأنا معايا منها موديل 2011 على فكرة ) .. ولكنها لا تقارن لا بالكورولا ولا بالبومة !!

[tarek zedan]

اسمع منى يا كورولا ٢٠٠٨ يا سوبر اكشن برة وجوة ١٠٠ الف عربيتين مالهومشى حل

[dr.shabrawy]

رينو لوجان الجديدة فى نفس الرينج بتاعك بعدها على طول فيرنا اتوماتيك كسر زيرو ، طبعا هتستغرب انى بقولك فيرنا بس دى هتركبها وطلع عينها وتبيعها يمكن بنفس المبلغ او اقل حاجة بسيطة.
ولو عاوز عربية ممتازة بس صعب تلاقيها هتبقى نيو اكسنت 2010 - 2011 لان اللى معاه العربية دى وصاينها مش هيبعها لو اديته 100 الف صدقنى العربية دى معايا و مش هبيعها خالص الا بعد 4 -5 سنين. العربية دى هى كورولا الكورى.
تقبل مرورى مع فائق احترامى

[tarek zedan]

يا راجل بقولوا كورولا واكشن تقولوا لوجان

[dr.shabrawy]

يا راجل بقولوا كورولا واكشن تقولوا لوجان

سيدى الفضل كورولا وسوبر اكشن ممتازين بس انا مش من انصار المستعمل اوى. يعنى ماشى بمبدأ لو فيه خير ما كنش رماه الطير. صحيح اللوجان اقل منهم فى الموتور و كمان الشياكة. بس صدقنى انا بنصحك لوجه الله مش هستفاد حاجة لما تجيب زيرو او مستعمل. فكر فى الزيرو حتى لو فئة اقل بس هتلاقى العربية مش بتقل باصلها معاك لانك واخد بالك منها.
ربنا يوفقك فى اختيار الصالح. تقبل مرورى مع فائق احترامى

[S O P H O S]

هات اوبترا شكل قديم زيرو او صني شكل قديم زيرو بردوا

[dr.shabrawy]

هات اوبترا شكل قديم زيرو او صني شكل قديم زيرو بردوا

اختيار جيد جدا ايضا انا نسيت ارشح السيارتين. اويد الصنى الشكل القديم اكثر.

[tarek zedan]

باشا وموبه الكورولا والسوبر اكشن احسن مليون مرة من الاوبترا والصنى وانا بكلمك عن تحربه انا معايا صنى ٢٠٠٨ مانيوال بصراحه حتى الان مدفعتش مليم فيها للا بنزين لانى جايبها زيرو بس زى ما حاله عربيتى نضيفه فيه برضوا عربيات نضيفه وشوف واطلع على مركز صيانه واكشف

[J A G U A R]

رأيي سيراتو sx