سيات ليون vs نيسان جوك

[eme5599]

السلام عليكم

أنا محتار بين عربيات كتير و كل يوم الواحد يكتشف عربيات مكنش واخد باله منها
بس حالياً أكتر عربيتين داخلين دماغي هم سيات ليون و نيسان جوك
أنا بفاضل بين ليون تاني فئة إللي ب 173
و جوك و هي على حد علمي فئة واحدة ب 177

أفيدوني :)

[Adnfalcon]

بلاش حيره
انزل واركب العربيتين تيست درايف واللي تدخل قلبك وعقلك توكل ع الله فيها بعد استخاره
ومبروك مقدما

[Mo3taz mostafa]

اهم حاجه في الجوك تجربها عشان تجرب الفتيس بتاعها cvt

[ENG.MaRk]

الجوك شكلها جميل بس مش مفضل عند كثير من الناس و الليون أكثر ما أعرفه عنها إنها نسخة من الجولف و لكن نسخة مصغرة .... في الاّخر الأمر كله يعود إليك و لكن بالنسبة لي أختار جوك لأن نيسان اعتمادية أكتر من سيات و الجوك أعلي من الليون يعني مناسبة أكتر لشوارع أم الدنيا

[monamize4]

الجوك شكلها جميل بس مش مفضل عند كثير من الناس

حضرتك الشكل ازواق

لكن الجوك دى من اسوء التصميمات ف تاريخ السيارات
و دا رأى مواقع و مجلات كتييييييييييير مشهورة

اصلا شكلها %$#@
و مش عايز اتكلم كتير عشان انا مش جاى اكره الناس ف عربياتها

[K.Ossama]

سؤال صعب الصراحة. ...
الليون أحسن فى كل حاجة بس الفتيس مش مضمون حتى الآن.

[ahmzd]

أتفق تماما مع الرأيين السابقين أن ليون أجمل شكلا وأحسن في كل شيء، وأضيف أنه إذا كان الوكيل سيغير الفتيس مجانا كما يحدث مع سيارات فولكس فاجن، فستكون الاختيار الأفضل على طول الخط.. والله أعلم.

[S O P H O S]

انا كنت متوقع للجوك عكس الي حصل بصراحة

[ahmed salah90]

انا اخترت الجوك علشان الحجم اكبر و المحرك تحفه في التكنولوجيا طبعا
عيبها الشكل موش مقبول اوي بس حجم العربيه كويس اوي
اما الليون اشيك و حجم العربيه بالنسبه للمحرك ياخد الافضليه بس العربيه صغيره شويه الفيصل هنا متطلباتك من العربيه يعني لو عيله و سفر و كده يبقى جوك من وجه نظري اما لو شبابيه و استخدام خاص الصراحه هحتار بين ابجوك و الليون بس هميل لليون

[eme5599]

انا اخترت الجوك علشان الحجم اكبر و المحرك تحفه في التكنولوجيا طبعا
عيبها الشكل موش مقبول اوي بس حجم العربيه كويس اوي
اما الليون اشيك و حجم العربيه بالنسبه للمحرك ياخد الافضليه بس العربيه صغيره شويه الفيصل هنا متطلباتك من العربيه يعني لو عيله و سفر و كده يبقى جوك من وجه نظري اما لو شبابيه و استخدام خاص الصراحه هحتار بين ابجوك و الليون بس هميل لليون

يا باشا أنت متأكد أن الجوك أوسع، لو أوسع كنت رحتلها على طول. أنا مشكلتي معاها ضيق الكنبة الخلفية و الشنطة. و أنا بحتاج العربية في سفر كتير و ببقى شايل شنط كتير. و دي الحاجة الوحيدة إللي موقفاني ان أختار الجوك.

على فكرة الليون أوسع ككنبة خلفية و شنطة. شنطة الليون 380 لتر و الجوك 251 يعني الليون أكبر بمرة و نص

[eme5599]

ألف شكر يا جماعة على الردود

بالنسبة للجوك الحاجة إللي مش عجباني فيها هي ضيق الكنبة الخلفية و الشنطة. و أنا بسافر كتير.
و إللي عاجبني فيها
- القيمة مقابل السعر
- وسائل الأمان
- علوها عن الأرض
- الأوبشنز

و بالنسبة لليون مقلق من الفتيس و عدم انتشار العربية. و كمان احتياجها لبنزين 95، بس بصراحة لو جبتها هحط 92.
و إللي عاجبني فيها
- القيمة مقابل السعر "سعرها في مصر أرخص من اجلترا ، ازاي مش عارف"
- وسائل الأمان "نازلة زي إللي بتنزل في أوروبا بالضبط و تتفوق على الجوك
- الشكل
- كل الريفيوز من المواقع العالمية طالعه بيها في السما "في أكتر من موقع مديها 5 من 5"
- أوسع من الجوك

[ahmed salah90]

يا باشا أنت متأكد أن الجوك أوسع، لو أوسع كنت رحتلها على طول. أنا مشكلتي معاها ضيق الكنبة الخلفية و الشنطة. و أنا بحتاج العربية في سفر كتير و ببقى شايل شنط كتير. و دي الحاجة الوحيدة إللي موقفاني ان أختار الجوك.

على فكرة الليون أوسع ككنبة خلفية و شنطة. شنطة الليون 380 لتر و الجوك 251 يعني الليون أكبر بمرة و نص

انا اسف انا اتلغبط بينها و بين الابيزا و النهارده انا اقريت عن مواصفات الليون (فعلا الليون اكبر في الطول و العرض و مساحه الشنطه ) استخير ربنا و جرب قاعده الاتنين و بعتذر عن الخطا

[active]

سيات ليون هاتكون أفضل بمراحل بس أسأل على الفتيس أخباره أيه

[J A G U A R]

ليون بس مشكلتها مع الفتيس

[memo823000]

طب متبص على التويوتا اوريس كدا
انا شايف انها افضل واحده فى دا كله