نوبيرا ولا كرستالة؟؟؟؟

[amgaad]

عاوز اعرف راي الخبراء ايه الافضل

دايو نوبير 2 1600 سي سي موديل من 2002 لحد 2005 مثلا
ولا لانسر كرستالة موديل 99 1300 سي سي

انا حددت الموديلات دي لان انا معايا 55 الف ميزيدوش جنيه زيادة
عاوز عربية نضيفة مصرفش عليها لان انا شاب جامعي ومحتاج العربية ضروري

شكراااااا ويا ريت متبخلوش عليا في الرد

[3ateef]

النوبيرا, أوسع, ثبات اكتر, واعلى من الكرستالة.

الكرستالة, استهلاك بنزين أقل, شبابى أكتر.


الأتنين قطع غيارهم رخيصة.

[amgaad]

النوبيرا, أوسع, ثبات اكتر, واعلى من الكرستالة.

الكرستالة, استهلاك بنزين أقل, شبابى أكتر.


الأتنين قطع غيارهم رخيصة.

طب يعني انت لو مكان تجيب ايه ؟؟ انا حاسس اني مايل للكرستالة اكتر بصراحة
و يا ريت يا باشا تقولي رينج السعر المناسب لعربية حالتها كويسة

[speranz]

اللانسر شبابية اكتر وبالسعر دا ممكن تلاقى حالة كويسة
النوبيرا عربية عائلية ثابتة وواسعة لكن عواجيزي شوية
او ممكن تشوفلك عربية فيرنا وتعيش

[J A G U A R]

النوبيرا افضل واقوى والسعر ده يجيب نوبيرا 2007 حاله نظيفه

[amgaad]

منتظر مزيد من الردود .. وممكن ندخل سيفيك 93 في المقارنة ؟

[Ahmed.Essam]

لانسر كريستالة افضل بالـ 55 ألف هتقدر تجيب كريستالة فايقة ان شاء الله
ولو دخلت سيفيك 93 هبتقى كويسة بس هتقرفك حبتين قطع غيار قليلة وغالية وواطية جدا اكتر من الكريستالة
لكن عموما الاتنين احسن من النوبيرا

[Mohammmed]

كريستالة احسن واثبت من نوبيرا بس اهم حاجة الحالة

[S O P H O S]

بص لو لقيت كرستالة نظيفة يبقي هي
بس شرط تكون عربية سليمة

[EmadFox]

متابع

[alzelafy]

بص انا شارى العربيتين دول لاصحابى و يعتبر راكبهم الاتنين و بسافر بيهم اللنسر 99 1300 اوتو ب 51000 و النوبيرا 2002 1600 اوتو ...... بص يا باشا اللنسر انعم بكتيير تجميعها اكتر شبابى اكتر استهلاك بنزين اكتر عشان كربراتير و صعب تلاقى عربيه كربراتيرها مظبوط الوقتى عشان تديك الكيلوات الصح الثبات ثابته بس النوبيرا اثبت عشان وزنها اكتر .... العربيه صاجها ضعيف .... المشكله الاكبر فيها انك تلاقى الحاله النظيفه الوقتى عشان العربيه بان عليها الموديل و لو لاقيت الحاله النظيفه هيكلمك فى 60 باكو و طبعا تغور العربيه بالسعر دة ..... النوبيرا بقى انا جبتها ب 50000 لصاحبى و ما شاء الله صالونها كالزيرو تماما موتورها 1600 قوى جدا ما شاء الله و لو حملت اوزان فى العربيه ما يبانش فى سحبها عفشتها انعم بكتيير من اللنسر بتفكرنى بالبيجو ال 504 بدون مبالغه و طبعا انجكشن و كويسه فى البنزين و بيحطلها 80 بدون مشاكل ... النوبيرا عربيه سفر من الدرجه الاولى عيبها من وجهه نظرى العزل فيها مش تمام يعنى صوت موتورها عالى شويه داخل العربيه لكن اللنسر و لا كأن العربيه دايرة اصلا قطع الغيار النوبيرا رخيصه و موجودة بالهبل ... شوف بقا انتا عايز مميزات ايه و دور على العربيه .... انا راىى دور على لانسر حاله هتتعب شويه لا شويتين بس هترتاح و هتكسر ال 55 دول وونتا ماشى فى السوق ارمى عينك على نوبيرا بردو ممكن تقع فى واحدة حلوة و هتلاقيها ب 50 الف 2002 اتاكد من دواخلها و توكل على الله